Aptap, burshaq, naızaǵaı: 2 shildege arnalǵan aýa raıy boljamy
NUR-SULTAN. QazAqparat - Sınoptıkter 2 shilde kúni el aýmaǵynda aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstannyń basym bóliginde antıtsıklon áserinen ystyq jáne qurǵaq aýa raıy kútiledi.
Tek elimizdiń batys bóligine tsıklon jyrasymen baılanysqan atmosferalyq fronttar áser etedi. Saldarynan jańbyr men burshaq jaýady, naızaǵaı jarqyldaıdy.
Respýblıka boıynsha keı jerlerde jel kúsheıedi.
Batys Qazaqstan oblysynyń keı jerlerinde daýyl soǵady, burshaq jaýady. Jel ekpini 15-20 m/s jetedi.
Mańǵystaý, Aqtóbe, kúndiz Jambyl, Qyzylorda, Soltústik Qazaqstan oblystarynda jel qarqyny 15-20 m/s deıin kúsheıedi. Kúndiz Jambyl oblysynda burshaq jaýady.
Qostanaı oblysynyń keı jerlerinde daýyl turady, jeldiń kúshi - 15-20 m/s.
Kúndiz Aqtóbe, Aqmola, Qyzylorda, Qostanaı, Soltústik Qazaqstan, Qaraǵandy oblystarynda qatty, keı jerlerde óte qatty aptap ystyq saqtalady.
Almaty, Jambyl, Túrkistan, Atyraý, Pavlodar, Batys Qazaqstan, Mańǵystaý oblystarynyń keı jerlerinde qatty ystyq bolady.
Qyzylorda, Túrkistan, Mańǵystaý oblystarynda, Atyraý, Aqtóbe, Jambyl oblystarynyń basym bóliginde, Qaraǵandy, Batys Qazaqstan, Qostanaı oblystarynyń keı jerlerinde, Almaty oblysynyń jekelegen aýdandarynda óte joǵary órt qaýpi saqtalady.
