Aptanyń ortasynda Astanada jańbyrlar qaıta kútilýde
ASTANA. 19 tamyz. QazAqparat - Astanada jańa jumys aptasynyń basy jaýyn-shashynsyz, jyly bolady.
Sınoptıkterdiń boljamynsha, dúısenbi, seısenbi kúnderi kóshpeli bult shyǵady, jańbyr jaýmaıdy. Al sársenbi kúni azdaǵan jańbyr jaýyp, kún kúrkireıdi. Bul týraly astana.kz saıtyna «Qazgıdromet» RMK habarlady.
«Dúısenbi kúni Astanada kún ala bultty bolady, jańbyr jaýmaıdy. Shyǵystan 5-10 m/s jyldamdyqpen jel soǵady. Aýa temperatýrasy túnde +10+12°C, kúndiz +24+26°C-ge jetedi», - delingen Qazgıdromet málimetinde.
Seısenbi kúni elordada ala bultty, jaýyn-shashynsyz bolady. Shyǵystan 5-10 m/s jyldamdyqpen jel soǵady. Aýa temperatýrasy túnde +11+13°C, kúndiz +25+27°C bolady.
Sársenbi kúni kóshpeli bult shyǵady, ótkinshi jańbyr jaýady, kún kúrkireıdi. Shyǵystan 7-12 m/s jyldamdyqpen jel soǵady. Aýa temperatýrasy túnde +13+15°C, kúndiz +25-+27°C-ge deıin jetedi.
