Aptanyń jańa kınotýyndylary: komedııadan trıllerge deıin
ASTANA. KAZINFORM — Osy aptada Qazaqstan kınoteatrlarynda shytyrman oqıǵaǵa toly sheteldik trıller kórermenge jol tartty. Komedııa jáne drama elementteri bar dramedııa janryndaǵy otandyq kınotýyndylardyń kórsetilimi bastaldy.
Kazinform tilshisiniń sholýynda aptadaǵy premeralar men olardyń qysqasha mazmunyn nazarlaryńyzǵa usynamyz.
Brıjıt Bardo
Reıtıng: 10.0
Janry: drama, romantıkalyq komedııa
Uzaqtyǵy: 120 mınýt
El: Frantsııa, 2025
Roje Vadımniń «Qudaı áıeldi jaratty» fılmi Brıjıt Bardony álemge áıgili juldyz etti. Ol óz dáýiriniń tanymal tulǵasyna aınaldy. Onyń akterlik sheberligi eýropalyq kıno salasynda buryn-sońdy bolmaǵan áıel erkindiginiń beınesin ashty. Bardo Jan Gaben, Alen Delon, Sofı Loren, Jan-Lýı Trentınıan syndy áıgili akterlermen birge óner kórsetti. Brıjıt Bardo án saldy, bı bıledi, kınoǵa tústi. Erkindik pen táýelsizdiktiń, tutas Frantsııanyń sımvoly sanaldy.
Uly Martı (Martı Velıkolepnyı)
Reıtıng: 10.0
Janry: komedııa, sport
Uzaqtyǵy: 149 mınýt
El: AQSh Fınlıandııa, 2025
Rejısser: Djosh Sefdı
Jas ári órshil Martı Maýzer óz armanyn júzege asyrý jolynda bárine daıyn. Ol búkil álemge ózi úshin múmkin emes eshteńe joq ekenin dáleldeýge bel býdy.
Ańshylyq maýsym (Sezon ohoty)
Reıtıng: 10.0
Janry: detektıv, drama, krımınal, boevık, trıller
Uzaqtyǵy: 100 mınýt
El: AQSh, 2025
Rejısser: Radja Kollınz
Jalǵyzbasty áke men onyń jasóspirim qyzy úı mańyndaǵy ózen jaǵasynan belgisiz bir jandy taýyp alady. Aty-jóni beımálim qyzdy qutqaryp, óz úılerinde birge turýyna ruqsat beredi. Biraq bul jaqsylyqtyń artynda ózderine úlken qaýip tónip turǵanyń bilmedi. Sebebi beıtanys boıjetkendi qatygez esirtki barony izdep júr.
Qyzym
Janry: komedııalyq drama
Uzaqtyǵy: 101 mınýt
El: Qazaqstan, 2025
Rejısser: Oljas Nurbaı
60 jastaǵy Erjan kezekti ret aýrýhanaǵa túskennen keıin, onyń úsh qyzy ákesine jańa jar tabýǵa kirisedi. Alaıda túrli úmitkerlermen ótken kezdesýler otbasy ishindegi jasyryn syrlardy ashady. Kútpegen shyndyqpen betpe-bet kelgen keıipkerler bir-birin qaıta túsinip, baǵalaıdy.
Krıper
Reıtıng: 8.0
Janry: ýjas
Uzaqtyǵy: 119 mınýt
El: AQSh, Kanada, 2025
Rejısser: Osgýd Perkıns
Malkolm demalys kúnine oraı Lızdi romantıkalyq kezdesýge shaqyrady. Jigit qyzdy ný ormannyń ortasynda ornalasqan óz úıine alyp keledi. Munan soń, Malkolm tosynnan túrli máseleni syltaý etip, shuǵyl qalaǵa ketedi. Al Lızı aınalasy qap-qarańǵy záýlim úıde japadan jalǵyz qalady. Ol bul jerden qashyp kete almaıtynyń túsinedi. Ár mınýt saıyn boıyn qorqynysh bılep, jaǵdaı ýshyǵa túsedi. Eger Lız Malkolmnyń qupııasyn ashpasa, ol máńgilikke osynda qalady.
Grenlandııa 2: Mıgratsııa
Reıtıng: 10.0
Janry: boevık, trıller
Uzaqtyǵy: 86 mınýt
El: Ulybrıtanııa, AQSh, 2025
Rejısser: Rık Roman Vo
Bes jyl buryn Jerdi jaıpaǵan apattyń jańǵyryǵy áli de adamzattyń tóbesinen tónip jatyr. Grenlandııada qalý endi múmkin emes. Asteroıd synyqtarynyń tolassyz qaıta jaýýy adamdarǵa qaýip tóndirip tur. Aman qalǵan az ǵana halyq tarıhtaǵy eń mańyzdy ári qaterli qonys aýdarýǵa jolǵa shyqty. Endi olar panalaıtyn jańa jer tabýy kerek. Alaıda adam tanymastaı ózgergen bul álemde qaýipsiz meken qaldy ma?
Ǵajap ıt Charlı (Charlı Chýdo-pes)
Janry: mýltfılm, komedııa
Uzaqtyǵy: 95 mınýt
El: Kanada, 2025
Rejısser: Shı Ýeıgman
Barlyq otbasyǵa arnalǵan áserli anımatsııalyq týyndyda qaharman ıt pen zulym mysyqtyń tartysty oqıǵasy kórsetiledi. Toǵyz jasar Dennı men onyń ıti Charlıdi bógde ǵalamsharlyqtar urlap ketkennen keıin olar sýperqabiletke ıe bolady. Osylaısha, ǵajap ıt Charlı kórshi úıdiń mysyǵy Paddıdiń álemdi jaýlap alý jolyndaǵy zulym josparyn toqtatýǵa tyrysady.
Kómekke! (Na pomoş!)
Reıtıng: 7.0
Janry: ýjas, trıller
Uzaqtyǵy: 113 mınýt
El: AQSh, 2026
Rejısser: Sem Reımı
Áýe apatynan keıin eki áriptes adam turmaıtyn aralda oıanady. Olar bul jerde aman qalý úshin birlese áreket etýge kirisedi. Ótken ómirdegi ókpe-renishterin umytyp, naǵyz dosqa aınalady. Saıyp kelgende, tiri qalý úshin jeke ári ishteı kúresýi kerek eken.
Qolymnan usta
Reıtıng: 5.5
Janry: komedııalyq drama
Uzaqtyǵy: 85 mınýt
El: Qazaqstan, 2025
Rejısser: Darhan Sárkenov
Biri — kúndelikti kúıbeń tirshilik pen birsaryndy ómirden qajyǵan jigit. Ekinshisi — ár sáttiń qadirin biletin, júregi óner dep soǵatyn boıjetken. Aspanda sırek kezdesetin qos juldyz qubylysy olardy kútpegen sátte tabystyryp, qoldaryn bir-birine baılap qoıady. Qoldaryn ajyratýǵa tyrysqan saıyn, júrekteri burynǵydan da jaqyndaı túsedi. Keı baılanystar kezdeısoq emes. Al keı kezdesýler máńgilikke aınalady…
Pikir qos (Kommentırýı eto)
Reıtıng: 1.0
Janry: komedııa
El: Reseı, 2026
Rejısser: ıÝlııa Trofımova
Katıa men Ivan ajyrasýdyń az-aq aldynda tur. Sondyqtan olar erekshe otbasylyq terapııaǵa qatysýǵa kelisedi. Bir aı boıy olarmen arnaıy kommentator jumys isteıdi. Maman erli-zaıyptylardyń ár oıy men sezimin daýystap aıtyp otyrady.
Qııal
Janry: drama
Uzaqtyǵy: 92 mınýt
El: Qyrǵyzstan, 2026
Rejısser: Baqyt Osmanqanov
Jubaıynan aıyrylǵan Bolat qyzy Qııaldy jalǵyz ózi tárbıeleıdi. Qııal kishkentaı kezinde qaterli isikke shaldyǵyp, aýrýdy jeńip shyqqan edi. Alaıda dert qaıta oralyp, ýaqyttyń shekteýli ekenin kórsetedi. Qııaldyń qupııa arman kúndeligi bar ekeni ákesiniń esine túsip, aýrýhanadan shyǵaryp alady. Bolat ýaqyt bar kezde qyzynyń árbir armanyń oryndaýǵa kirisedi. Bul saparǵa Qııaldyń eń jaqyn dosy — aýtızm buzylysy bar eresek jigit Jokı de qosylady. Osylaısha olardyń joly mahabbat, túsinistik jáne qoldaý arqyly júrekke jyly tıetin, áserli hıkaıaǵa aınalady.
Bosh: Tús baqshasy
Reıtıng: 7.0
Janry: derekti fılm
Uzaqtyǵy: 84 mınýt
El: Ispanııa, Frantsııa 2016
Rejısser: Hose Lýıs Lopes-Lınares
Madrıdtegi Prado murajaı qoryndaǵy Ieronım Boshtyń qazasyna 500 jyl tolady. Osyǵan oraı, mýzeı basshylyǵy rejısser Hose Lýıs Lopes-Lınareskn «Jerdegi lázzat baqshasy» trıptıhi týraly fılm jasaýǵa tapsyrys berdi. Túsirilimder Boshtyń Pradodaǵy mereıtoılyq kórmesinde jáne mýzeıde ótti.
Fılmde «Jerdegi lázzat baqshasynyń» restavratsııasynyń erekshe kadrlaryn, tipti trıptıhti rentgen zertteýden ótkizgen sátterdi de kóre alasyz. Orhan Pamýk, Salman Rýshdı sııaqty jazýshylar, opera juldyzy Rene Flemıng jáne kompozıtor Lıýdovıko Eınaýdı fılmde kútpegen salystyrý jasaıdy.
Arýjan Armanqyzy