Aptanyń jańa kınopremeralaryna sholý
ASTANA. KAZINFORM — Osy aptada kınoteatrlar repertýary sheteldik horrorlar men shytyrman oqıǵaly dramalarmen tolyqty. Halyqaralyq deńgeıde tanylǵan akterler men rejısserlerdiń fılmderi kórermen nazaryna usynyldy. Sonymen qatar otandyq jańa eki týyndy da prokatqa shyqty.
Kazinform tilshisiniń sholýynda osy aptadaǵy eń basty kınopremeralardy usynamyz.
Kollaj: Kazinform / Kinopoisk.ru
Bomj (Baıdyń oılamaǵan meken-jaıy)
Janry: drama
Uzaqtyǵy: 73 mınýt
El: Qazaqstan, 2026
Rejısser: Bekjan Qabdýllın
Tabysty kásipker Qajet áıeli men anasy onyń baılyǵyna kóz tikti dep kúdiktenedi. Ol óz ólimin qoldan uıymdastyryp, tosyn ósıet qaldyrady. Sóıtip, biraz ýaqyt baspanasyz ómir súrip, Rýslan esimdi qańǵybasty kezdestiredi. Qajettiń kim ekenin bilmeıtin Rýslan oǵan kómektesedi.
25 teńge. Basty mıssııa
Janry: komedııa, ekshn
Uzaqtyǵy: 99 mınýt
El: Qazaqstan, 2026
Rejısser: Darhan Sárkenov
17 jyl buryn ulttyq mýzeıge qundy 25 teńgeni tapsyrǵan úsh dos marapattaý rásiminde qaıta kezdesedi. Alaıda jádigerdi urlamaq bolǵan qaraqshylardyń shabýylynan keıin olar polıtsııa men qylmystyq toptardyń nysanasyna aınalady. Úsh dos aman qalyp, kinásizdigin dáleldep, ulttyq qazynany memleketke qaıtara ala ma?
Tonı
Janry: bıografııa, drama
Uzaqtyǵy: 106 mınýt
El: AQSh, 2026
Rejısser: Mett Djonson
19 jastaǵy Entonı Býrden Provınstaýnǵa kelip, meıramhana ashanasynyń qarbalas tirshiligine aralasady. Osy jaz onyń ómirin túbegeıli ózgertedi.
De Goll. 1-bólim. Qarsylyq, (De Goll. Chast 1. Soprotıvlenıe)
Janry: bıografııa, áskerı drama, tarıhı fılm
Uzaqtyǵy: 160 mınýt
El: Frantsııa, Belgııa, AQSh, 2026
Rejısser: Antonen Bodrı
Sharl de Golldiń Ekinshi dúnıejúzilik soǵys jyldaryndaǵy taǵdyry baıandalady. 1940-1945 jyldar aralyǵynda onyń áskerı qolbasshy retinde qalyptasyp, Frantsııanyń saıası sahnasyna shyqqan joly kórsetiledi.
Anasyn izdegen mamont balasynyń shytyrman oqıǵalary, (Prıklıýchenııa mamontenka. V poıskah mamy)
Janry: shytyrman oqıǵaly, mýltfılm, otbasylyq
El: Reseı, 2026
Rejısser: Aleksandr Voıtınskıı
Mamont balasy Pýshıstık anasyn izdep, jumbaq Afrıkaǵa attanady. Jolda onyń adal dosy Týpık birge júredi. Dostardy talaı shytyrman oqıǵa kútip tur. Olar muhıtty muzdyń ústimen kesip ótip, qoltyraýyndar men akýlalardan aman qalady. Bul sapar olarǵa dostyq pen otbasy qadirin túsinýge kómektesedi.
Toǵyzynshy ǵalamshar, (Devıataıa planeta)
Janry: fantastıka, boevık
Uzaqtyǵy: 103 mınýt
El: Reseı, 2026
Rejısser: Nıkolaı Rybnıkov
Jol apatynan keıin avtomehanık Dımanyń esine Toǵyzynshy ǵalamsharda áskerı qyzmet ótkergeni túsedi. Ol jerdegi shaıqastar, dostary men bir kezderi qutqarǵan Polına esine oralady. Alaıda qarýlastary onyń aıtqandaryna senbeıdi. Dıma Polınany shynaıy ómirde kezdestirgende, bireý olardyń jadyn ózgertkenin túsinedi. Shyndyqty bilý úshin ol qaýipti ǵalamsharǵa qaıta oralýǵa májbúr bolady.
Advokat. Qoǵam jaýy
Janry: drama
Uzaqtyǵy: 110 mınýt
El: Mońǵolııa, 2026
Rejısser: E.Bılgýýn
Búgin – batyr, erteń – qoǵam jaýy! Áleýmettik jelidegi jappaı synǵa qalǵan advokat ózine qıyn isti alady. Ol jasóspirim qyzdy óltirdi dep kúdikke ilingen azamatty qorǵaýǵa kirisedi. Bul is onyń bedeli men advokattyq lıtsenzııasyn ǵana emes, otbasy men qorǵalýshynyń taǵdyryn da tarazyǵa salady.
Natısk
Janry: ekshn, trıller
Uzaqtyǵy: 92 mınýt
El: AQSh, 2026
Rejısser: Adam Vıngard
Áskerı tájirıbe baqylaýdan shyǵyp, qupııa zerthanadan genetıkalyq túrlendirilgen asa qaýipti sarbazdar qashyp ketedi. Olar jolyndaǵynyń bárin joıyp, Selestanyń úıine shabýyl jasaıdy. Endi ol qyzyn qorǵaý úshin ótkendegi áskerı daǵdylaryn qaıta qoldanýǵa májbúr.
Dıgger
Janry: komedııa, drama
Uzaqtyǵy: 106 mınýt
El: Ulybrıtanııa, Meksıka, AQSh, 2026
Rejısser: Alehandro Gonsales Inıarrıtý
Álemdegi eń yqpaldy adam ózi týdyrǵan apattan adamzatty qutqarýǵa attanady.
Ótken aptadaǵy kınopremeralar tizimin osy jerden kóre alasyzdar.
Osy aptada qandaı fılmder prokatqa shyqty.
