Aptanyń jańa kınopremeralaryna sholý
ASTANA. KAZINFORM — Osy aptada kınoteatrlar kórermenge birneshe jańa fılm usynady. Olardyń qatarynda álemdik dastannyń basty qaharmany týraly derekti týyndy, sondaı-aq shytyrman oqıǵaly jáne dramalyq kartınalar bar. Kazinform tilshisi apta premeralaryna sholý jasaıdy.
Meniń jabaıy dosym. Úıge oralý, (Moı dıkıı drýg. Vozvraşenıe domoı)
Reıtıng: 8.4
Janry: shytyrman oqıǵa, otbasylyq
Uzaqtyǵy: 96 mınýt
El: Reseı, 2026
Rejısseri: Anna Kýrbatova
Sasha ormandaǵy dosy — Ryjıı esimdi jabaıy túlkimen qaıta qaýyshady. Alaıda ol túlkiniń otbasy kóshpeli haıýanattar baǵynyń qolyna túskenin biledi. Sasha olardy tabıǵı mekenine qaıtarý úshin qaýipti saparǵa attanady. Jolda túrli synaqtardy eńserip, dostyqtyń shynaıy mánin dáleldeıdi.
Odısseıa
Reıtıng: 6.9
Janry: jaýyngerlik, shytyrman oqıǵa, qııal-ǵajaıyp
Uzaqtyǵy: 172 mınýt
El: Ulybrıtanııa, AQSh, 2026 jyl
Rejısseri: Krıstofer Nolan
Troıa soǵysynan keıin Itaka patshasy Odısseı jary Penelopaǵa oralý úshin uzaq ári qaýipti saparǵa shyǵady. Jolda ol Polıfem atty tsıkloppen, Kalıpso jáne adamjegish alyptarmen betpe-bet kelip, san túrli synaqtan ótedi.
Dala
Janry: jaýyngerlik, drama, trıller
Uzaqtyǵy: 73 mınýt
El: Qazaqstan, 2026 jyl
Rejısseri: Maksım Akbarov
Azamat pen Danııar — ulttyq saıabaqta ınspektor bolyp jumys isteıdi. Tájirıbeli maman Azamat jas áriptesi Danııarǵa bul salanyń qyr-syryn úıretedi. Olar parktegi tártip pen zańnyń saqtalýyn qadaǵalap qana qoımaı, dalada adasyp ketken adamdarǵa da kómektesedi. Alaıda kezdeısoq oryn alǵan kisi ólimi olardyń ómirin túbegeıli ózgertedi. Endi olar marqumnyń ákesi bastaǵan brakonerler tobyna qarsy qaýipti kúreske shyǵýǵa májbúr. Bul qıyn sátte olardyń jalǵyz súıeneri — Azamattyń jumbaq dosy, dalany meken etken ańshy.
Sakamotonyń kúnderi, (Dnı Sakamoto)
Reıtıng: 7.4
Janry: jaýyngerlik, komedııa
Uzaqtyǵy: 128 mınýt
El: Japonııa, 2026
Rejısseri: ıÝıtı Fýkýda
Taro Sakamoto - aty ańyzǵa aınalǵan jaldamaly óltirýshi. Ol mahabbat úshin ótkenin artqa tastap, otbasyn qurady. Shaǵyn dúkendi basqaryp, qarapaıym ómir súredi. Alaıda burynǵy jaýlary ony umytqan joq. Otbasyn qorǵaý úshin ol qaıtadan óziniń sheberligin dáleldeýge májbúr bolady. Týyndy tanymal «Shonen Jump» mangasy negizinde túsirilip, Sakamotonyń ótken ómirimen kúresin baıandaıdy.
Ýaqyt saqshylary, (Patrýl vremenı)
Janry: shytyrman oqıǵa, mýltfılm, otbasylyq, fantastıka
Uzaqtyǵy: 80 mınýt
El: Kanada, 2025
Rejısseri: Flordelısa Deırıt
Leıla men dostary kezdeısoq ýaqyt mashınasyn iske qosyp, Uly Jibek joly kezeńine tap bolady. Olar ótken dáýirdiń ǵalymdaryna qaýip tóndirgen zulym jaýǵa qarsy kúresedi. Endi balalar ýaqyt tepe-teńdigin saqtap, keri qaıtý úshin birigýi kerek.
Asa qabilettiler
Janry: shytyrman oqıǵa, mýltfılm, otbasylyq, fantastıka
Uzaqtyǵy: 60 mınýt
El: Qazaqstan, 2025
Rejısseri: Arystan Týıjanov
Tórt jasóspirim qaraýsyz qalǵan zerthanada jumbaq qurylǵyny iske qosyp, erekshe qabiletterge ıe bolady. Alaıda olardyń kúshine qyzyqqan jaýlar paıda bolady. Bul sátte dostar óz ómiri men jaqyndaryn qorǵaý úshin kúreske túsedi.
Ótken aptadaǵy kınopremeralar tizimin osy jerden kóre alasyzdar.
