Aptanyń jańa kınopremeralaryna sholý
ASTANA. KAZINFORM — Osy aptada kınoteatrlar repertýary sheteldik horrorlar men shytyrman oqıǵaly dramalarmen tolyqty. Halyqaralyq deńgeıde tanylǵan akterler men rejısserlerdiń fılmderi kórermen nazaryna usynyldy. Sonymen qatar otandyq jańa týyndy da prokatqa shyqty. Kazinform tilshisiniń sholýynda osy aptadaǵy eń basty kınopremeralardy usynamyz.
Únsiz
Uzaqtyǵy: 75 mınýt
El: Qazaqstan, 2026
Rejısseri: Medet Qalıbekov
Qatygez kúıeýinen qashqan Nazym jaldamaly páterge jasyrynady. Úıinen shyqpaı, syrtqy álemdi tek tereze arqyly kóredi. Ol kún saıyn qarsy bettegi jas otbasynyń tynys-tirshiligin syrttaı baqylap júredi. Alaıda kóp uzamaı otaǵasynyń máıiti tabylady. Tergeý barysynda eki otbasynyń taǵdyryn baılanystyrǵan qupııalar birtindep ashylady
Kirpi men qoıan (Kolıýchaıa ı ýshastyı)
Janry: shytyrman oqıǵa, mýltfılm, otbasylyq
Uzaqtyǵy: 84 mınýt
El: Ulybrıtanııa, Lıýksembýrg, Frantsııa, Belgııa, 2025 jyl
Rejısseri: Karolın Orıger
Úıinen uzap kórmegen Ýolter esimdi qoıan jadysynan aıyrylǵan soń ózin dańqty batyrmyn dep oılaıdy. Kóp uzamaı ol kirpi qyz Hollımen tanysady. Al Hollı bul kezdesýdi úlken shytyrman oqıǵaǵa bastar múmkindik dep qabyldaıdy. Ekeýi qyzyqqa, qaýip-qaterge jáne jańa dostarǵa toly erekshe saparǵa attanady.
Onyń jan azaby (Ee lıchnyı ad)
Reıtıng: 5.7
Janry: trıller
Uzaqtyǵy: 109 mınýt
El: Danııa, AQSh, 2026 jyl
Rejısseri: Nıkolas Vındıng Refn
Bolashaq megapolıste áıelderdiń qorqynyshy men azabynan týǵan qubyjyq — «Kojanyı adam» paıda bolady. Ol qyzǵylt tumannan shyǵyp, qyzdardy óltiredi. Onyń kezekti qylmysynyń kýágeri bolǵan úsh qyz — tanymal aktrısa, onyń qurbysy jáne bloger. Buǵan deıin bir-birimen básekeles bolǵan olar endi tiri qalý úshin birge kúresýge májbúr. Sebebi qubyjyq kez kelgeniniń sońyna túsýi múmkin.
Batyl Dáýit, (Hrabryı Davıd)
Reıtıng: 6.9
Janry: shytyrman oqıǵa, drama, mýltfılm, mıýzıkl, otbasylyq
Uzaqtyǵy: 109 mınýt
El: Ońtústik Afrıka Respýblıkasy, AQSh, 2025 jyl
Rejısseri: Fıl Kannıngem, Brent Doýz
Jas Dáýit — ónerge jaqyn, meıirimdi ári qaısar baqtashy. Bir kúni ol paıǵambarmen kezdesip, bul sát onyń taǵdyryn ózgertedi. Osydan keıin ol Saýl patshanyń saraıyna keledi. Jaý áskeri elge basyp kirgende, qatygez alyp Ǵolııattyń jekpe-jek shaqyrýyn qabyldaýǵa tek Dáýittiń batyly jetedi. Bul shaıqas onyń taǵdyryn ǵana emes, tarıhtyń baǵytyn da ózgertedi.
Londondy tonaý, (Ograbıt London)
Reıtıng: 6.2
Janry: detektıv, boevık, qylmystyq, trıller
Uzaqtyǵy: 96 mınýt
El: Ulybrıtanııa, 2025 jyl
Rejısseri: Devıd Makkenzı
London ortalyǵynda qurylysshylar Ekinshi dúnıejúzilik soǵystan qalǵan ári jarylmaǵan bombany tabady. Ásker men polıtsııa qalany evakýatsııalap jatqanda, qylmystyq top osy sátti utymdy paıdalanady. Olar Ulybrıtanııadaǵy eń iri bankti tonaýǵa kirisedi.
Qapastaǵy eles, (Prızrak v kletke)
Reıtıng: 6.2
Janry: komedııa, qorqynyshty fılm, trıller
Uzaqtyǵy: 106 mınýt
El: Indonezııa, Ońtústik Koreıa, 2026 jyl
Rejısseri: Djoko Anvar
Ataqty túrmede belgisiz kúsh tutqyndarǵa shabýyl jasaı bastaıdy. Al jaýlasqan qylmystyq toptar men jemqor kúzetshiler aman qalý úshin birigýge májbúr bolady.
Sońǵy aıaldama: Jańa attraktsıon, (Pýnkt naznachenııa: Novyı attraktsıon)
Reıtıng: 4.2
Janry: qorqynyshty fılm
Uzaqtyǵy: 86 mınýt
El: AQSh, 2026 jyl
Rejısseri: Dýglas Dımonda, Adam Dýbın
Bir top dos qaraýsyz qalǵan oıyn-saýyq saıabaǵyn izdep barady. Bul jerdiń qorqynyshty tarıhy bar: 15 jyl buryn attraktsıondar kelýshilerdi jaraqattap, tipti adam ólimine sebep bolǵandyqtan jabylǵan.
Aldyńǵy aptadaǵy kınopremeralar tizimin osy jerden kóre alasyzdar.
