Aptanyń jańa fılmderi: drama, komedııa jáne shytyrman oqıǵa
ASTANA. KAZINFORM — Osy aptada kınoteatrlarda sheteldik fılmderdiń jańa legi kórermenge jol tartady. Repertýarda dramalyq týyndylar basym. Komedııa janryndaǵy eki fılmniń tusaýy kesilse, qorqynyshty fılmderden úsh, shytyrman oqıǵaly kartınalardan úsh týyndy usynylady. Kishkentaı kórermender de nazardan tys qalmaıdy. Balalarǵa arnalǵan úsh sheteldik mýltfılm ekranǵa shyǵady.
Kazinform tilshisiniń sholýynda osy aptadaǵy eń basty kınopremeralardy usynamyz.
Kollaj: Kazinform / Kinopoisk.ru
Elshi qyz
Janry: áleýmettik drama
Uzaqtyǵy: 96 mınýt
El: Qazaqstan, 2026 jyl
Rejısser: Erkin Raqyshev
Fılm qazaq qyzyn asyrap alǵan ózbek otbasynyń ómiri týraly baıandaıdy.
Jasmın men Balý
Janry: melodrama
Uzaqtyǵy: 87 mınýt
El: Qazaqstan, 2026 jyl
Rejısser: Alena Almaz
Polıtsııadan jasyrynǵan baıker Balý aýyr naýqas Jasmın jatqan palataǵa tyǵylady. Qyz ony polıtsııaǵa ustatpaı, uıyqtaǵansha qasynda otyrýyn ótinedi. Osy kezdesý qatal baıker men jalǵyz qalǵan qyzdyń taǵdyryn toǵystyrady. Jasmınniń batyldyǵy Balýny jaýapkershilikten qashpaýǵa úıretedi.
Ákesin izdep, (V poıskah ottsa)
Janry: drama, komedııa
Uzaqtyǵy: 120 mınýt
El: Ulybrıtanııa, 2026 jyl
Kınoklýb Olega Boretskogo. Taqyryby: «Ózimiz tańdaǵan baılanystar». Ata-anany tańdap ala almaımyz. Biraq bizdi túsinip, qoldaıtyn jandy ózimiz tańdaı alamyz. Óıtkeni fılm keıipkeri aıtqandaı, ár adamnyń ómir jolyna kýá bolatyn bir jan qajet.
Kóterilisshi, (Vosstavshıı)
Janry: ýjas
Uzaqtyǵy: 120 mınýt
El: Ulybrıtanııa, Germanııa, AQSh, 2026 jyl
Rejısser: Pol Grıngrass
Anglııada jappaı tártipsizdik beleń aldy. Kóterilisshilerdiń basyna kóshbasshy bolýdy eshqashan armandamaǵan Ýot Taıler keledi. Alaıda tarıhtyń baǵytyn ózgertý mindeti dál soǵan júkteledi.
Malenanyń qarǵysy, (Proklıatıe Maleny)
Janry: ýjas
Uzaqtyǵy: 120 mınýt
El: Fılıppın, 2026 jyl
Rejısser: Roni Benaid
Úsh jetim qyz qamaýdan qashyp shyǵyp, jańa otbasyna tap bolady. Olardy jyn bılegen qyzynan aıyrylǵan erli-zaıypty asyrap alady.
Jetkizýshi, (Kýrer)
Janry: boevık, trıller
Uzaqtyǵy: 97 mınýt
El: AQSh, 2026 jyl
Rejısser: Skott Vo
Elıtalyq kýrer Henk Meloýnǵa jeti jasar qyzdyń ómirin qutqarý úshin úsh saǵat beriledi. Ol shuǵyl transplantatsııaǵa qajetti aǵzany jetkizýi kerek. Alaıda qylmystyq toptyń basshysy aǵzany ıemdenýge tyrysqanda, Henktiń qarapaıym tapsyrmasy qaýipti synaqqa aınalady.
It juldyzy, (Sobachı zvezdy)
Janry: ekshn, shytyrman oqıǵa, trıller, fantastıka
Uzaqtyǵy: 118 mınýt
El: AQSh, 2026 jyl
Rejısser: Rıdlı Skott
Bolashaqta taraǵan vırýs adamzattyń basym bóligin qyryp joıady. Tiri qalǵandar tonaýshylardyń shabýylyna tótep berýge májbúr. Jaqyndarynan aıyrylǵan ushqysh Hıg qaraýsyz qalǵan áýejaıda ıti men burynǵy teńiz jaıaý áskeri Benglıdi panalaıdy.
Júrektegi qyran. Armanǵa qaraı!, (Orel v serdtse. Vpered k mechte!)
Janry: otbasylyq mýltfılm
Uzaqtyǵy: 78 mınýt
El: Indonezııa, 2026 jyl
Rejısser: Ronny Gani
On úsh jastaǵy Pýtranyń armany – kásibı fýtbolshy bolyp, ulttyq quramada oınaý. Astmaǵa shaldyqqanyna jáne fýtbol mektebiniń irikteýinen óte almaǵanyna qaramastan, ol maqsatyna jetýge talpynady. Pýtra armanyn oryndaı ala ma?
Aqymaqtar, (Prıdýrkı)
Janry: komedııa, krımınal
Uzaqtyǵy: 98 mınýt
El: AQSh, 2026 jyl
Rejısser: Meıkon Bler
Mark pen Devıs Sherıdandy aýrýhanaǵa jetkizýi kerek edi. Biraq ol qashyp ketip, ekeýin qylmys álemine aralastyrady. Aqyry olar joldyń maqsatyna emes, jolda kezdesken adamdarǵa mán berýdiń mańyzdy ekenin túsinedi.
Aılaker koıot, (Hıtryı koıot)
Janry: shytyrman oqıǵa, komedııa, mýltfılm, fentezı, otbasylyq
Uzaqtyǵy: 103 mınýt
El: AQSh, 2026 jyl
Rejısser: Deıv Grın
Aty ańyzǵa aınalǵan Aılaker Koıot «AKME» korporatsııasyn sotqa beredi. Endi ol Dorojnyı Begýndy qýý ornyna, kompanııanyń zańgerimen sotta tartysady.
Ǵajaıyptar ólkesi, (Kraı chýdes)
Janry: mýltfılm, fentezı
Uzaqtyǵy: 86 mınýt
El: Reseı, 2026 jyl
Rejısser: Denıs Chernov
Jas sýretshi Fılıpp Sibirdegi qupııa sıqyrly álem – Ǵajaıyptar ólkesine tap bolady. Ol ımorlar halqymen jáne olardyń erekshe janýarlarymen tanysady. Alaıda adam áreketinen sıqyrly álemge qaýip tónedi. Fılıpp jańa dostaryn qutqarý úshin kúresýge májbúr.
Ymyrt, (Sýmerkı)
Janry: drama, melodrama, fentezı
Uzaqtyǵy: 122 mınýt
El: AQSh, 2026 jyl
Rejısser: Ketrın Hardvık
Aty ańyzǵa aınalǵan romantıkalyq dastan qaıtadan úlken ekranǵa jol tartady. Bella Svon Forksqa kóship baryp, jumbaq Edvard Kallenge ǵashyq bolady. Onyń adam aýlamaıtyn vampır ekenin bilgen Bella qaýipti álemge tap bolady. Munda mahabbat qorqynyshtan kúshti.
Ótken aptadaǵy kınopremeralar tizimin osy jerden kóre alasyzdar.
