Aptanyń kınopremerasy: Qazaqstan kınoteatrlarynda qandaı jańa fılmder kórsetiledi
ASTANA. KAZINFORM — Jańa aptada Qazaqstan kınoteatrlarynda birqatar qyzyqty premeralar usynylady. Kórermender fantastıkalyq dramadan bastap qorqynyshty trıllerler men komedııalarǵa deıin ártúrli janrdaǵy kartınalardy tamashalaı alady.
«Qaitadan»
Qazaqstandyq fantastıkalyq dramada qala turǵyny bolǵan jasóspirimniń taǵdyry baıandalady. Mańyzdy emtıhannan súringen soń, qatal ata-anasy ony aýyldaǵy ájesine jiberedi. Munda ol úı sharýasymen aınalysyp, mal baǵady. Qalaǵa qaıta oralýdy armandaǵan ol ýaqyt tuzaǵyna túsip qalǵanyn baıqaıdy: ár kún qaıtalana beredi. Ár tsıkldiń sońynda bóget jarylyp, aýylda sý tasqyny bolady. Jasóspirim osy qasirettiń aldyn alýǵa talpynyp, ómirge jańa kózqaraspen qaraı bastaıdy.
«Zaklıatıe 4: Poslednıı obrıad»
Ataqty franshızanyń sońǵy bóligi paranormaldy trıller janrynda túsirilgen. Ed pen Lorreın Ýorrender otbasyna qaýip tóndirgen zulym kúshpen betpe-bet keledi. Mıstıkalyq úı olardy ómir men ólimniń arasynda qaldyrady.
«Vsevedýşıı chıtatel»
Tanymal koreı veb-romanyna negizdelgen fılm. Álem kenetten kitaptaǵy oqıǵaǵa aınalady. Tek bir ǵana adam — Kım Dok-cha onyń nemen aıaqtalatynyn biledi. Bul bilim onyń basty qarýyna aınalady.
«Ves pobedy»
Psıhologııalyq trıller jáne sporttyq drama elementterin biriktirgen kartına. Bokstan burynǵy chempıon sońǵy ret tıtýl úshin judyryqtasýǵa bel býady. Alaıda salmaq shekteýi ony shekten tys jattyǵýǵa ıtermeleıdi. Ár kún saıyn onyń densaýlyǵy nasharlap, shynaıylyq pen eles arasyndaǵy shekara joıyla bastaıdy.
«Toksıchnyı mstıtel»
Kýltti horror-boevıktiń remeıki. Qarapaıym eden jýýshy Ýınston Gýz toksıkalyq qaldyqtarǵa túsip ketip, mýtatsııaǵa ushyraıdy. Jańa kúsh-qýatqa ıe bolǵan ol ádiletsizdik pen qylmysqa qarsy kúres bastaıdy.
«Astral. Pomeste ýjasa»
Meksıkalyq horror. Otbasyn joǵaltqan Marıana kúıeýimen birge eski úıdi jóndeýge kirisedi. Biraq bul úıde úreıli qupııalar jasyrynǵan. Shetinep ketken balanyń daýsy ony ótkenniń qarańǵy túnegine jeteleıdi.
«Eddıngton»
Neovestern janryndaǵy komedııa. 2020 jyly Nıý-Meksıko shtatynyń shaǵyn qalashyǵynda mer men sherıf arasyndaǵy jasandy ıntellektke qatysty daýǵa negizdelgen saıası tartys órbıdi.
«Qudaı saqtasyn»
Qazaqstandyq otbasylyq komedııa. Eki qylmysker — Jumabek pen Ramazan qashyp júrip aýyl meshitine jasyrynýǵa májbúr bolady. Munda olardy aýyl turǵyndary ustaz dep qabyldaıdy. Ekeýi ózin din qyzmetkerleri retinde kórsetip, balalarǵa sabaq berýge kirisedi. Biraq shyn máninde olar urlanǵan aqshany saqtap qalýǵa tyrysady.