Aptanyń kınopremeralary: otandyq dramalar men sheteldik trıllerler kórermenge jol tartty
ASTANA. KAZINFORM — Osy aptada Qazaqstan kınoteatrlarynda koreıalyq detektıv-dramadan bastap, otandyq áleýmettik fılmder, otbasylyq komedııalar men horror janryndaǵy týyndylarǵa deıingi birqatar jańa kınotýyndynyń kórsetilimi bastaldy.
Kazinform tilshisiniń sholýynda apta premeralary men olardyń qysqasha mazmunyn nazarlaryńyzǵa usynamyz.
Bet-beınesiz (Bez lıtsa)
Reıtıng: 7.6
Janry: detektıv, drama
Uzaqtyǵy: 93 mınýt
El: Ońtústik Koreıa, 2025
Rejısseri: En San-ho
Kózi kórmeıtin sheber-oıýshy men onyń uly qyryq jyldan keıin aýyr shyndyqpen betpe-bet kezigedi. Bir kezderi iz-túzsiz joǵalǵan áıel men ananyń máıiti tabylǵan. Ótkendi qazyp, ózge adamdardyń úzik-úzik estelikterin jınaı júrip, olar uzaq ýaqyt boıy jasyrylyp kelgen qupııaǵa jaqyndaı túsedi. Bul teris burylyp ketý múmkin emes, betpe-bet kelýge májbúr etetin aqıqat.
Táýbe
Reıtıng: 7.7
Janry: drama
Uzaqtyǵy: 100 mınýt
El: Qazaqstan, 2025
Rejısseri: Asqar Jumakeev
Shahtadaǵy jumbaq apattan keıin óz paıdasyn ǵana oılaıtyn basshy Serik Ormanov komaǵa túsip, tylsym sotqa tap bolady. Ol jerde jeti atasy onyń ótken ómirindegi umyt qalǵan kúnálary úshin úkim shyǵarady. Árbir «sot kezeńinde» tereńde jasyrynǵan syrlar ashylyp, Serik óz jandúnıesiniń qarańǵy tustarymen betpe-bet qalady. Aqyrynda kinásin moıyndap, ólim jazasyna kesilgen sátte qyzynyń daýysy ony tirshilikke qaıtarady. Esin jıǵan Serik eń úlken jaýynyń ózi ekenin uǵynady, al ómir boıy qýǵan «altynnyń» bar bolǵany jalǵan maqsattyń sımvoly — jaı tas ekenin túsinedi. Endi onyń aldynda bir ǵana múmkindik bar: bárin qaıta bastaý.
Jalmaýyz Kempir
Reıtıng: 6.0
Janry: drama, horror
Uzaqtyǵy: 95 mınýt
El: Qazaqstan, 2025
Rejısseri: Ýálıhan Smaǵulov
Otbasy kúıreýdiń aldynda turǵan jandarmen jumys isteıtin psıholog kóne zulymdyqpen betpe-bet keledi. Ol — mahabbatsyz ósken balalardyń mańyn torlaıtyn «Jalmaýyz Kempir» atty tylsym kúsh. Ony jeńý úshin psıholog tek patsıentteriniń úılerine ǵana emes, óz ómirine de jylýlyq, meıirim men qamqorlyq ákelýi tıis.
Jazalaý men keshirýge bolmaıdy (Kaznıt nelzıa pomılovat)
Reıtıng: 8.2
Janry: detektıv, boevık, drama, krımınal, trıller, fantastıka
Uzaqtyǵy: 100 mınýt
El: AQSh, 2025
Rejısseri: Tımýr Bekmambetov
Detektıv óz áıelin óltirdi degen aıyppen sot aldynda jaýap beredi. Onyń jazyqsyz ekenin dáleldeýge bar bolǵany 90 mınýt ýaqyty bar. Úkimdi buryn ózi qoldaǵan jasandy ıntellekt-sýdıa shyǵarady. Ýaqyt ótip barady, al sheshim ózgermese — úkim qaıtarylmaıdy.
Kóz tımesin
Reıtıng: 7.1
Janry: komedııa, otbasylyq
Uzaqtyǵy: 96 mınýt
El: Qazaqstan, 2025
Rejısseri: Shapaǵat Orynbaev
Erlan men Úmit tórt balasymen kishkentaı ǵana jaldamaly páterde turady. Aqsha jetispeıdi, sharshaǵan, urys-keris jıileı túsken. Bir kúni Úmit: «Men seniń ornyńda bolsam, kóbirek tabys tabar edim» deıdi. Al Erlan úı sharýasy — «jaı ǵana demalys» dep jaýap beredi. Osy sóz bárin ózgertedi. Erli-zaıyptylar táýekelge baryp, rólderin aýystyrýǵa bel býady.
Flıbýbý
Reıtıng: 3.4
Janry: shytyrman oqıǵa, komedııa, anımatsııa, fentezı, otbasylyq
Uzaqtyǵy: 82 mınýt
El: Fınlıandııa, 2025
Rejısseri: Iens Mıýller
Jazataıym oqıǵadan keıin 12 jastaǵy bala júre almaı qalady. Dál sol sátte ózge ólshemnen kelgen meıirimdi, úlpildek tirshilik ıesi paıda bolyp, ony qııal-ǵajaıyp álemge jeteleıdi. Sol sapar barysynda bala qaıtadan júrýdiń jolyn tabady.
Saılent Hıllge oralý (Vozvraşenıe v Saılent Hıll)
Reıtıng: 5.5
Janry: horror
Uzaqtyǵy: 106 mınýt
El: Frantsııa, Germanııa, Serbııa, Aýstralııa, Japonııa, Ulybrıtanııa, Ispanııa, AQSh, 2025
Rejısseri: Krıstof Gan
Jumbaq hat alǵan Djeıms súıiktisin izdep Saılent Hıllge attanady. Alaıda buryn tanys bolǵan qala qazir qoıý tumanǵa oranyp, adam shoshyrlyq qubyjyqtarǵa toly. Óz aqyl-esiniń durystyǵyna kúmándanǵan Djeıms súıgen janyn qutqarý úshin tiri qalýdyń amalyn tabýy kerek. Ańyzǵa aınalǵan horror-franshıza úlken ekranǵa qaıta oralady.
Ótken aptadaǵy kınopremeralar tizimin osy jerden kóre alasyzdar.