Aptanyń kınopremeralary: kınoteatrlardan ne kórýge bolady
ASTANA. KAZINFORM — Bul apta da otandyq jáne sheteldik jańa fılmdermen qýantty. Komedııadan bastap ekshn, anımatsııa men mýzykalyq kınoǵa deıingi túrli janrdaǵy týyndylar kórermen nazaryna usynyldy. Aldaǵy kúnderi kınoteatrdan qandaı fılm kórýge bolatynyn Kazinform tilshisiniń sholýynan oqyńyz.
Qazaq Alemi 2
Qazaqstandyq tanymal komedııanyń jalǵasy osy aptada úlken ekranǵa shyqty. Ulttyq ıýmor men zamanaýı ómir kórinisteri úılesken fılm kórermenge kóterińki kóńil kúı syılaıdy.
Fılm keıipkerleri bul joly da kúlkili jaǵdaılarǵa tap bolyp, ómirdiń túrli synaqtarynan ótedi. Otbasymen birge tamashalaýǵa bolatyn týyndy otandyq kınony qoldaıtyn kórermenge arnalǵan.
Dástúr: Teris bata
Qazaq kıno salasyndaǵy horror janry jalǵasyp jatyr. Bul horror‑trıller qazaq dástúrleri men qazirgi ómir arasyndaǵy shıelenisti kórsetetin dramalyq týyndy.
Oqıǵa ortasynda – Gúljan esimdi jalǵyzbasty ana men onyń qyzy Dana. Qyzyn izdep júrgen Gúljan jaǵa ustatatyn qupııany biledi. Danany aýyldaǵy qarttar turatyn jerge aparyp, ejelgi dástúr boıynsha ótkiziletin arnaıy rásimge daıyndap jatyr. Onyń sońy ne bolmaq? Bilgińiz kelse, kınoteatrǵa asyǵyńyz.
Anakonda
Amerıkalyq ekshn men horror elementteri aralas jańa fılm adrenalındi jaqsy kóretinder úshin taptyrmas tańdaý. Qaýipti djýnglı, adam ómirine qater tóndiretin alyp jylan jáne aman qalý úshin kúres — fılmniń negizgi jelisi.
Basty keıipkerlerdiń tabıǵatpen betpe-bet kelýi kórermendi bir sátke de jaı qaldyrmaıdy. Fılm uzaqtyǵy — 1 saǵat 50 mınýt.
Avatar 3
Djeıms Kemeronnyń ańyzǵa aınalǵan álemi taǵy da úlken ekranǵa oraldy. Kópten kútken fantastıkalyq týyndy Pandoradaǵy oqıǵany jańa qyrynan kórsetedi.
Djeık Sallı men Neıtırı bul joly buryn-sońdy bolmaǵan synaqtarǵa tap bolady. Kórkem grafıkasy men aýqymdy oqıǵa jelisi arqyly fılm kórermenge umytylmas áser syılaıdy. Týyndyny qazaq tilinde de tamashalaýǵa múmkindik bar.
SpongeBob: Tórtburyshty shalbardy izdeý
Balalar men eresekterge arnalǵan anımatsııalyq fılm kórermendi sýasty álemine jeteleıdi. Tanymal keıipker Spanch Bob bul joly kútpegen shytyrman oqıǵaǵa tap bolady.
Dostyq, batyldyq pen adaldyq taqyrybyn qozǵaıtyn mýltfılm otbasylyq demalys úshin taptyrmas tańdaý.
#RUNSEOKJIN_EP.TOUR the MOVIE
Koreı mýzykasy men sahnalyq shoýǵa qyzyǵatyn kórermenderge arnalǵan mýzykalyq fılm. Tanymal ártistiń kontserttik týry, sahna syrtyndaǵy sátteri men emotsııalary bir týyndyǵa jınaqtalǵan.
Fılm K-pop jankúıerlerine erekshe áser syılap, kontsert atmosferasyn kınoteatrda sezinýge múmkindik beredi.
Úsh batyr týraly ertegi
Tanymal anımatsııalyq franshızasynyń jańa bólimi Qazaqstan kınoteatrlarynda. Otbasylyq aýdıtorııaǵa arnalǵan mýltfılm dástúrli shytyrman oqıǵaǵa toly.
Bul joly Alesha Popovıch, Ilıa Mýromets pen Dobrynıa Nıkıtıch elge tóngen qaýipke qarsy turady. Kúnniń kózin qarańǵylyq basý qaýpi týyndap, osy jaǵdaıdy Kolyvan men Mystan kempirdi óz paıdasyna paıdalanbaq bolady. Batyrlar eldi qutqarý úshin qaýipti saparǵa attanady.
Mýltfılm dostyq, birlik pen batyldyq qundylyqtaryn dáripteıdi.