Aptanyń kınopremeralary: Qazaqstan kınoteatrlarynan ne kórýge bolady
ASTANA. KAZINFORM — Jańa kıno aptalyǵynyń bastalýymen kórermenderdi qyzyqty premeralar jınaǵy kútip tur. Aldaǵy kúnderi qandaı fılmder kórýge turarlyq ekenin bilý úshin Kazinform tilshisiniń materıalyn oqı alasyz.
«Freddımen bes tún 2»
Freddı Fazberdiń pıtstserııasyndaǵy qorqynyshty oqıǵalardan keıin bir jyl ótti, jáne bolǵan oqıǵa týraly qaýesetter jergilikti ańyzǵa aınaldy. Ańyz tanymal bolǵany sonshalyq, qalada oqıǵalardy eske alý úshin festıval ótkizý josparlanyp otyr.
«Ól, mahabbatym»
Basty rólderde — Robert Pattınson men Djennıfer Loýrens.
Jas jubaılar Greıs pen Djeksonnyń ómiri balalary dúnıege kelgennen keıin jáne Montana taýlaryndaǵy shalǵaı úıge kóshkennen keıin kúrt ózgeredi. Greıs psıhozǵa ulasqan ekzıstentsıaldy daǵdarysqa tap boldy.
«Joıý ádisi»
Ońtústikkoreıalyq rejısser Pak Chan-ýktyń jańa fılmi — drama men komedııaǵa toly trıller. Basty róldi «Kalmar oıyny» fılmindegi rólimen tanymal Lı Ben-hon somdady.
Qaǵaz ónerkásibinde shırek ǵasyr jumys istegen ıÝ Man Sý joǵary bilikti mamanǵa aınaldy. Ol ákesiniń qala syrtyndaǵy úıin satyp alyp, jóndedi jáne ózin otbasy baqytty jáne tabysty adam dep sanaıdy, sondyqtan kenetten jumystan shyǵarylýy qatty soqqy boldy. Saladaǵy daǵdarysqa baılanysty óz mamandyǵy boıynsha jumys taba almaǵan Man Sý birneshe aıdan keıin úıinen aıyrylý qaýpine tap bolyp, úmitsizdikke boı aldyryp, armandaǵan fırmasyndaǵy laýazymǵa básekelesterin — jumyssyz, jaqsy daıyndalǵan túıindemeleri bar kedeı jandardy fızıkalyq túrde joıyp jiberýdi sheshedi.
«Tyshqandar ábigeri»
Tatý-tátti tyshqandar otbasy qala syrtyndaǵy úlken úılerinde Rojdestvo merekesin asyǵa kútip otyr. Kenetten úıine shaqyrylmaǵan qonaqtar — adamdar basyp kiredi! Quıryqtylar óz oryndarynan nemese úıden bas tartýǵa daıyn emes. Olar eki aıaqty basqynshylardy qýyp jiberýge bel býǵan! Sonymen, úıdiń naǵyz ıesi kim?
«Elf jáne urlanǵan Rojdestvo»
Elf Io-Io bala kezinen bastap Santanyń syılyq fabrıkasynda jumys isteýdi armandaǵan. Biraq armanyn júzege asyrǵannan keıin, ol fabrıkanyń tolyǵymen avtomattandyrylǵanyn, Rojdestvo rýhynyń joǵalyp ketkenin jáne Santanyń ózi zeınetke shyǵyp, bir jerde jasyrynyp júrgenin anyqtaıdy. Jaýyz Kıber Skrýdj zaýyttyń qaýipsizdik júıesin buzyp, Santany joıyp jiberemin dep qorqytqanda, batyl elf dostar tobyn jınap, ony izdeýge shyǵady.