Aptanyń kınopremeralary: Qazaqstan kınoteatrlarynan ne kórýge bolady
ASTANA. KAZINFORM — Bul apta kórermenderdi qyzyqty premeralarmen qýantty. Aldaǵy kúnderi qandaı fılmder kórýge turarlyq ekenin bilý úshin Kazinform tilshisiniń materıalyn oqyńyz.
Avatar: Ot pen kúl
Djeıms Kemeron bul joly da kórermenderine erekshe emotsııa syılamaq. 194 mınýtqa sozylatyn ańyzǵa aınalǵan fılmdi qazaq tilinde de kóre alasyzdar. «Avatar: Ot pen kúl» fılmi sizderdi Pandoraǵa alyp barady, onda burynǵy teńiz jaıaý áskeriniń navı kósemi Djeık Sallı, navı jaýyngeri Neıtırı jáne Sallıdiń otbasymen birge qyzyqty jańa oqıǵa bolady.
Elkı 12
Naǵyz jańa jyldyq atmosferany sezingińiz kelse, reseılik komedııaǵa baryńyz.
Jańa jyl qarsańynda Kırov qalasynan shyqqan toǵyz jastaǵy Vanıa ata-anasynyń ajyrasqanyn estıdi. Ol ǵajaıyp tilegin Aıaz ataǵa aıtý úshin Uly Ýstıýgke jol tartady. Al onda qandaı qyzyqtarǵa tap bolatynyn kınoteatrdan tamashalańyz.
Assasın: Ajal maıdany
Qytaılyq rejısser Lý ıAn usynǵan fantastıkalyq fılm beısenbi kúninen beri kórermen nazarynda. Ekshn janryndaǵy týyndylardy unatsańyz, 2 saǵat 14 mınýt ýaqytyńyzdy arnap «Assasın: Ajal maıdany» fılmine kelýińizge bolady.
Tanymal fentezı-romannyń avtory óz dańqynan aıyrylyp, kóleńkede qaldy. Onyń ataǵyn alaıaq bireý ıemdenip ketken. Al osy kezde kitaptaǵy ólim men qıraý qudaıy Redmeın tirilip, óltirgen jaýyngerlerdiń qabiletin boıyna sińirip, kúsheıe beredi. Ol shynaıy álemge ótip ketedi. Álemdi joıylýdan qutqarý tek avtor men onyń keıipkerleriniń qolynda.
Qubyjyqty aýlaý
Eger sizge horror janry unasa, bul fılm sizge 1 saǵat 47 mınýt adrenalın syılaýǵa ázir.
On jasar Avrora otbasyn jutyp qoıǵan qubyjyqty óltirý úshin jumbaq kórshisinen kómek suraıdy. Er adam qyzdyń ata-anasy ózin óltirmek bolǵan qylmyskerlerdiń qurbany boldy dep oılap, ózin kináli sezinedi de, qubyjyqty joıýǵa kelisedi.
Máńgilik
Fantastıka, drama, melodrama men komedııa birikken AQSh-tyq týyndy 1 saǵat 54 mınýt ýaqytyńyzdy alady. Rejısseri – Devıd Freın.
Djoan qaıtys bolǵannan keıin onyń jany o dúnıege túsedi. Oǵan qıyn tańdaý jasaýǵa týra keledi. Djoannyń máńgiligin kimmen qalatynyn jáne ómirin qaı jerde ótkizetinin sheshýge bir apta ýaqyty bar. Djoan jastaı qaıtys bolǵan alǵashqy mahabbaty men ómiriniń basym bóligin birge ótkizip, otbasyn qurǵan ekinshi kúıeýiniń arasynda tańdaý jasaıdy.
Fekhem-Holl
Ulybrıtanııalyq komedııa 18 jastan asqan kórermenderge arnalǵan. Rejısserleri – Djım O’Henlon men Gordon Sıd. Fılmniń uzaqtyǵy – 1 saǵat 37 mınýt.
1931 jyl, Anglııa. Usaq alaıaqtyqpen aınalysatyn Erık Nýn baı aǵylshyn Devenport áýletiniń úıine qyzmetshi bolyp jumysqa turady. Solaı úı ıesiniń qyzy Roýzǵa birden ǵashyq bolady. Onyń beıqam ómiri kútpegen kisi óliminen keıin kúrt ózgeredi. Sebebi Erık basty kúdiktige aınalǵan edi. Endi ol óz basyn arashalap qalý úshin naǵyz qylmyskerdi áshkerelep qana qoımaı, Roýzdyń júregine talastaǵy qarsylasyn da aılamen jeńýi tıis.
Eske sala keteıik, Bakýde qazaqstandyq kıno, teatr jáne shyǵarmashylyq jobalar tanystyryldy.