Aptanyń kınopremeralary: «Búrkit», «Býdıka: Jaýynger hanshaıymy» jáne «Batpaq patshasynyń qyzy»

Qarasha aıynyń birinshi aptasynda qazaqstandyq kınoprokat birneshe jaqsy jańa týyndylar usynady. Onyń ishinde «Búrkit», «100%», «Bólek shyǵaıyq» qazaqstandyq fılmderi jáne «Býdıka: Jaýynger patshaıymy» jáne «Batpaq patshasynyń qyzy» sheteldik fılmderi bar, dep habarlaıdy Kazinform agenttiginiń tilshisi.

«Búrkit» – Danııar Ibragımovtiń ekshn fılmi. Qazaqstanda shyǵarylǵan.
Arnaıy jasaqtaǵy úsh jigit óte qaýipti tapsyrmada ózderiniń dostyǵyn synaıdy. Fılm naqty oqıǵalar: jedel izdestirý sharalary jáne oqıǵaǵa qatysqan keıipkerlerge negizdelgen.
Fılmdi túsirýge arnaıy jasaq qatysyp, áskerı tehnıka men avıatsııa, sondaı-aq eki júzden astam merzimdi áskerı qyzmetker qatysty. Basty rólderde: Sanjar Mádı, Dáýren Serǵazın, Asylhan Tólepov, Gúlnaz Jolanova, Ásel Saǵatova, Jandos Aıbasov jáne t.b. Sondaı-aq bul fılmge belgili mýzykalyq oryndaýshy Ǵalymjan Moldanazar da tústi.

«100%» – rejısser Marlen Keıkishevtiń komedııasy. Qazaqstanda shyǵarylǵan.

Qarapaıym qyz Alınanyń tilegin oryndaı alatyn sıqyrly smartfony bar. Qyzdyń qalaýy basqalardiki sııaqty: denesiniń symbatty bolýy, kóp aqsha, ádemi kıim... jáne ony qazirgi qoǵamnyń problemalary da alańdatady. Ol barlyq qazaqstandyqtardyń aqsha máselesin sheshe alady, biraq telefonnyń zarıady azaıyp barady.

Basty rólderde: Ánel Narkenova, Tamırıs Janǵazınova, Anara Batyrhan, Erjan Nurlanov, Janııa Djýrınskaıa, Tatıana Týrlaı jáne t.b.

«Bólek shyǵaıyq» – Nurjan Erkinulynyń komedııasy. Qazaqstanda shyǵarylǵan.

Qos kelin Jansaıa men Móldir kúıeýlerimen jáne qatal sheshesimen bir úıde turady. Kelinder bul kúıin jaqtyrmaı, bir-birinen jasyryn túrde doly eneden alystaý josparyn qurdy. Enesi bir ulyn bólek shyǵaramyn deı bergende, kelinderdiń aradaǵy qatynasy qatty buzylady. Qyzdar maqsatyna jetý úshin bárin jasaıdy.

Rólderde: Sábıra Aqataı, Mádına Aqataı, Qaragóz Tileýbekova, Ramazan Amantaı, Anelıa Kenjebekova, Nurqanat Moldahan, Asqar Jumabekov jáne Dıdar Tólegenov.

«Býdıka: Jaýynger hanshaıymy» - ekshn, drama. Rejısseri: Djessı Djonson. Ulybrıtanııada shyǵarylǵan.

Kelttiń ıtsender patshaıymy Býdıka kúıeýi Prasýtagpen birge halyqty basqarady. Rımdikter patshany óltirip, jerlerdi basyp alǵanda, Býdıka ashýǵa býlyǵady. Ol kúıeýi men qyzdarynyń ólimi úshin kek almaq bolady. Ol úshin ol aımaqtaǵy taıpalardyń basyn biriktirýi kerek.

Rólderde: Olga Kýrılenko («Oblıvıon», «Iskatel vody», «Smert Stalına»), Klaıv Stenden («Vıkıngı», «Robın Gýd» serıaldary), Peter Frantsen («Serdtse lva», «Vıkıngı» serıaly), Rıta Tashıngem («Doktor Jıvago», «Vkýs meda»), Nık Moran («Garrı Potter» birneshe bóligi, «Otets Braýn», «Karta, dengı, dva stvola»), taǵy basqalary.

«Batpaq patshasynyń qyzy» - «Intervıý s ýbııtseı», «Illıýzıonıst» jáne «Oblastı tmy» fılmderimen tanymal rejısser Nıl Berger túsirgen trıller. AQSh-ta shyǵarylǵan.

Helenniń úreıi qashqan. Bala kezinde ol anasymen birge Batpaq patshasy dep atalyp ketken ákesiniń qolynda kepilde bolǵan. Kóptegen jyl buryn ákesi qamaýǵa alynǵannan keıin, Helen qaıtadan baqytty ómir súre aldy. Kenet ol Batpaq patshanyń qorǵaýdan qashyp, qazir ózin ańdyp júrgenin bildi.

Rólderde: Deızı Rıdlı («Zvezdnye voıny», «Ýbııstvo v vostochnom ekspresse»), Ben Mendelson («Izgoı-odın: Zvezdnye voıny», «Temnyı rytsar: Vozrojdenıe legendy», «Pervomý ıgroký prıgotovıtsıa»), Garret Hedlýnd («Troıa», «Tron: Nasledıe», «Krov za krov»), Gıl Bırmıngem («Sýmerkı», «Vetrıanaıa reka», «Banshı»), Karen Pıstorıýs («Svet v okeane», «Hronıkı hışnyh gorodov» ı serıal «Legenda ob Iskatele»), Brýklın Prıns («Domoı do temnoty», «Proekt Florıda», «Nıanıa») jáne taǵy basqalary.