Aptanyń kıno jańalyqtary: qandaı fılmder kórermenge jol tartty
ASTANA. KAZINFORM — Elimizde osy aptada kórermen nazaryna túrli janrdaǵy jańa fılmder usynylady. Olardyń qatarynda otandyq tarıhı dramedı, otbasylyq hıkaıalar, trıller men komedııalar bar.
Kınosúıer qaýym qazaq dalasyndaǵy ańyzǵa aınalǵan keıipker týraly týyndydan bastap, sheteldik rejısserlerdiń dramalyq jáne shytyrman oqıǵaly fılmderin tamashalaı alady. Aptanyń kınopremeralary týraly tolyq sholýdy Kazinform materıalynan oqı alasyz.
Aldar. Mahabbat týraly ańyz 8.3⭐
Janry: dramedı
Uzaqtyǵy: 105 mınýt
El: Qazaqstan
Rejısser: Dın Mahamatdınov
Erteden beri dalada bir adam týraly ańyz aıtylady. Ol bireýge kómek kerek bolǵan jerde paıda bolyp, alǵys aıtyp úlgermeı jatyp kózden ǵaıyp bolady. Adamdar aıtady: taǵdyr adamdy aýyr tańdaý aldynda qaldyrǵanda, sol mańda mindetti túrde Aldar dep atalatyn jan paıda bolady.
Kóshpeli handyqtar dáýirinde qazaq dalasynda qazaqtar men oırattardyń arasynda úlken shıelenis týyndaıdy. Qazaq hanynyń uly tutqynǵa túsip, ony bosatý úshin jaý jaǵy oryndalýy qıyn talaptar qoıady. Han qarsylastyń nıetin bilý jáne muragerin qutqarý úshin daladaǵy eń aılaker adam — Aldardy jiberedi. Alaıda tutqynda kútpegen jaǵdaı bolady: jas jigit oırat bıleýshisiniń qyzyna ǵashyq bolady. Tyıym salynǵan mahabbat olardyń ómirine qaýip tóndiredi, al eki jaqtyń áskerleri shaıqasqa daıyndalyp jatyr. Aldar óziniń aılasy men senimdi dostarynyń kómegimen jaý jerine jasyryn kirip, ǵashyqtardy qutqarady jáne soǵysty boldyrmaýdyń jolyn tabady.
Áskerler betpe-bet kelgen sátte dál onyń danalyǵy men tapqyrlyǵy oqıǵanyń baǵytyn ózgertedi. Shaıqas bastalmaıdy, eki jaq qantógissiz taraıdy, al jastar birge bolýǵa múmkindik alady. Osylaısha dalaǵa eń qajet kezde keletin adam týraly ańyz taǵy bir ret shyndyqqa aınalady.
Otbasylyq baılanystar (Semeınye ýzy) 10⭐
Janry: drama, melodrama
Uzaqtyǵy: 120 mınýt
El: AQSh, Shvetsııa, Danııa, 2025
Oleg Boretskııdiń kınoklýby «Mańyzdy nárse týraly shyndap» serııasyn jalǵastyrýda.
Oleg Boretskııdiń kınoklýby «Mańyzdy nárse týraly salmaqty áńgime» serııasyn jalǵastyryp jatyr. Otbasy taqyryby – kınoda ejelden úzilmeıtin klassıkalyq arqaý: Ingmar Bergmannen bastap Djım Djarmýsh pen Lars fon Trıerge deıin bul taqyryp ár qyrynan ashylyp keledi. Bireýler úshin otbasy – qol-aıaqty tusaıtyn buǵaý bolsa, endi bireýlerge ol qýat beretin, shabyt syılaıtyn tirek. Al keıbir jandar úshin ol – ózgertýge kelmeıtin jazmysh.
Kommersant 7.6⭐
Janry: drama
El: Reseı, 2025
Rejısser: Fedor Kravchýk, Nıkıta Kravchýk
Máskeý, 1996 jyl. Jas ári pysyq bankır Andreı Rýbanovtyń Irma esimdi jubaıy men kishkentaı balasy bar. Sondaı-aq Mısha dosy ekeýinde mıllıon dollardan astam aqshalary bar. Ózderin jańa memlekettiń aqsúıekteri retinde elestetip, dostar iri kelisimshartqa qol qoıady, alaıda dostar qazynadan iri kólemde aqsha jymqyrý alaıaqtyǵyna qatysqan bolyp shyǵady. Tutqynǵa alynǵan Andreı «Matrosskaıa tıshına» túrmesiniń tutqyndarǵa toly ortaq kamerasyna túsedi. Bul naǵyz tozaq, bul jerden basqa adamǵa aınalyp, aman qalyp, úırenshikti ómirine oralýy tıis.
Tyıym salynǵan jemis (Zapretnyı plod) 8.7⭐
Janry: komedııa, horror
Uzaqtyǵy: 103 mınýt
El: AQSh, 2026
Rejısser: Meredıt Elloýeı
Saýda ortalyǵynda Eppl áriptesteri Cherrı men Fıgpen birge jasyryn mystandar kýltin basqarady. Jańa qyzmetker Tykovka olardyń bul qaýymdastyǵyna kúmán keltirip, bárin óz ishindegi qarańǵylyqpen betpe-bet kelýge ne qatygez ajalǵa tap bolýǵa májbúrleıdi.
Kek alýshy (Mstıtel) 7.0⭐
Janry: detektıv, shytyrman, drama, trıller
Uzaqtyǵy: 92 mınýt
El: AQSh, 2025
Rejısser: Adrıan Grıýnberg
Arnaıy agent Nıkkı qańyrap qalǵan zaýytta esin jııady. Onyń qyzy urlanǵan, qabyrǵasynyń astyna pyshaq suǵylǵan, al shyǵatyn joldy iri qylmystyq sındıkattyń eń qaýipti jaldamaly jendetteri bógep tur. Onyń kek alý joly dál osy jerden bastalady jáne ol qyzyn qutqarmaıynsha toqtamaıdy.
Múshel jas 8.8⭐
Janry: shytyrman, otbasy
Uzaqtyǵy: 84 mınýt
El: Qazaqstan, 2026
Rejısser: Jumaqanov Áset
Múshel jastary bir jylda kelgen otbasy qarǵystan qutylyp, múshelden aman shyǵý úshin týǵan aýylyna attanady.
Essiz kıller (Kıller na vsıý golový) 7.0⭐
Janry: shytyrman, komedııa, trıller
Uzaqtyǵy: 90 mınýt
El: AQSh, 2025
Rejısser: Maıkl Hemılton-Raıt
Qylmystyq toptyń basshysy óziniń úzdik kıllerin synaý úshin eń qaýipti ári qatygez óltirýshilerdi jaldaıdy. Sońǵy ýaqytta ol «eńbekqorlar anonımderi» kezdesýlerine qatysa bastaǵan, sondyqtan burynǵydaı minsiz kásibı mamanǵa uqsamaıdy.
Tompaq ıÝzı (Tolstıak ıÝzı) 5.5⭐
Janry: shytyrman, komedııa, mýltfılm, otbasy
Uzaqtyǵy: 81 mınýt
El: Iran, 2025
Rejısser: Reza Ardjangı
ıÝzı – mysyqtar álemindegi sırek janýar, biraq ol jabaıy tabıǵatta emes, Nıý-Iorktegi sándi páterde ómir súredi. Djakýzı, sportzal jáne táttiler – onyń kúndelikti ómiri. Barlyǵy naǵyz leopardtar týraly baǵdarlama kórgennen keıin ózgeredi. Kóshedegi Bobbı esimdi mysyqpen birge ol óz otbasyn tabý úshin 11 000 km-lik saparǵa attanady – alda shytyrman oqıǵalar, qaýip pen kúlkili sátter kútip tur.
Qara shańyraq (Rodıtelskıı dom) 4.6⭐
Janry: komedııa, otbasy
Uzaqtyǵy: 97 mınýt
El: Reseı, Belarýs, 2026
Rejısser: Maksım Maksımov
Stıýardessa Dasha týǵan ájesiniń úıin satyp, qaryzdaryn tóleý úshin aýylyna keledi. Alaıda qarapaıym mámile ornyna ony kútpegen jaıttar qarsy alady: kóńildi kórshiler, qyrsyq bolsa da súıkimdi irimshikshi Mısha jáne onyń jıeni – Dashany túrli kúlkili jaǵdaılarǵa qaldyratyn Petrovıch esimdi bala. Olardyń teketiresi ýaqyt óte kúlkili de áserli jaǵdaılarǵa jalǵasyp, úıdi satý isi kútpegen oqıǵalarǵa toly qyzyq hıkaıaǵa aınalady.
Sary shabadannyń shytyrman oqıǵalary (Prıklıýchenııa jeltogo chemodanchıka) 4.4⭐
Janry: shytyrman, komedııa, qııal-ǵajaıyp, otbasy
Uzaqtyǵy: 88 mınýt
El: Reseı, 2026
Rejısser: Denıs Gýlıar
Ǵajap Dárigerdiń sary shabadanynyń ishindegi dári tek tumaý men sýyq tııýdi emdeýmen shektelmeıdi, ol muńaıý, jalǵyzdyq, qorqaqtyq jáne uıalshaqtyq syndy dertterge de daýa. Petıa – zamanaýı tuıyq bala, ony kóshege esh shyǵara almaısyń, ol adamdardan, basqa balalardan qorqady. Onyń ata-anasy ǵajap Dárigerdiń kómegine júginedi, alaıda onyń sıqyrly shabadanyn urlap ketedi. Osy sátten bastap shytyrman oqıǵalar bastalady. Sonyń arqasynda Petıa Dárigerge kómektesip qana qoımaı, ózine adal dostar taýyp, «dertinen» aıyǵady.
Ótken aptadaǵy kınopremeralar tizimin osy jerden kóre alasyzdar.
