Aptanyń kıno premeralary: Qazaqstan kınoteatrlarynda ne kórýge bolady
ACTAHA.KAZINFORM — Jańa kınoapta kórermenderdi qyzyqty premeralarmen qarsy aldy. Aldaǵy kúnderi qandaı fılmderdi kórýge bolady? Bul týraly Kazinform agenttiginiń tilshisi daıyndaǵan materıaldan oqı alasyz.
MOMO
Janry: shytyrman oqıǵa, qııal-ǵajaıyp, otbasy
Uzaqtyǵy: 91 mınýt
El: Germanııa, 2026
Rejısser: Krıstıan Dıtter
Otbasylyq fentezı-blokbaster «Momo» – Mıhael Endeniń attas romanynyń ekranǵa beıimdelgen nusqasy.
Kishkentaı jetim qyz Momonyń erekshe qabileti bar. Ol adamdarǵa shabyt berip, olardyń boıyndaǵy eń jaqsy qasıetterdi oıata alady. Bir kúni Momo óz qalasynda ýaqytty tıimdi jumsaýdy úıretetin jumbaq «sur myrzalardyń» paıda bolǵanyn baıqaıdy. Biraq sonyń saldarynan adamdar barǵan saıyn baqytsyz bola túsedi. Óıtkeni ónimdilikke umtylamyz dep, olar ómirin bosqa ótkizip jatyr.
Endi Momo qalany ýaqyt urylarynan qutqaryp, turǵyndarǵa joǵaltqan qýanyshyn qalaı qaıtarýǵa bolatynyn túsingisi keledi. Ol úshin qyz Ýaqyt saqshysy men bolashaqty boljaıtyn tasbaqamen kúsh biriktiredi.
ÚShІNShІ QABATTAǴY QYLMYS (Prestýplenıe na tretem etaje)
Janry: drama, komedııa
Uzaqtyǵy: 104 mınýt
El: Frantsııa, 2026
Rejısser: Remı Bezanson
Remı Bezansonnyń komedııalyq dramasy qyzyqty detektıvter jazatyn Fransýa esimdi er adam týraly. Al onyń jubaıy Kolett stýdentterge Hıchkok kınematografııasyn oqytady. Biraq ol ómirine ótkir sezimder jetispeıtinin sezinedi.
Kolett kórshisin áıelin óltirdi dep kúdiktene bastaǵannan keıin olardyń qalypty ómiri kúrt ózgeredi.
ShYNDYQTYŃ AR JAǴYNDAǴY ÁLEM (Zakýlıse realnostı)
Janry: qorqynysh,
Uzaqtyǵy: 105 mınýt
El: AQSh, Kanada, 2026
Rejısser: Keın Parsons
Fılmniń basty keıipkeri – jıhaz satýshysy Klark. Bir kúni ol dúkeniniń jertólesinen basqa ólshemge aparatyn jasyryn portal taýyp alady.
Ol ýaqyt pen keńistik eshqandaı logıkaǵa baǵynbaıtyn, ıreleńdegen sary dálizderden turatyn sheksiz labırıntke tap bolady. Al ár buryshtyń ar jaǵynda qorqynyshty birdeńe jasyrynýy múmkin.
QARǴYS ATQAN RYTsARЬ (Proklıatyı rytsar)
Janry: atys-shabys, qorqynysh, qııal-ǵajaıyp
Uzaqtyǵy: 94 mınýt
El: Ulybrıtanııa, 2026
Rejısser: Natasha Kermanı
Japonnyń kýlttik qorqynyshty fılmi «Jyn áıeldiń» jelisimen túsirilgen. Basty rólderdi «Taqtar oıyny» juldyzdary Sofı Terner men Kıt Harıngton somdaıdy.
Annanyń kúıeýi krest joryǵy kezinde shaıqastan oralmaı qalady. Bul týraly oǵan marqumnyń jaqyn dosy habarlaıdy. Alaıda kóp uzamaı olardyń óńirinde jumbaq salt atty paıda bolady. Ol Annaǵa jaqyndaǵan kez kelgen adammen shaıqasýǵa daıyn.
ShYŃ (Propast)
Janry: trıller
Uzaqtyǵy: 82 mınýt
El: Reseı, 2026
Rejısser: Alekseı Ionov
Bul – bal aıyna shyqqan jas jubaılar týraly oqıǵa. Olardyń romantıkalyq sapary taýlardaǵy qaýip-qater, órt jáne janǵa batatyn esteliktermen betpe-bet kelip, aman qalý úshin kúreske aınalady.
ǴALAM BILEÝShІLERІ (Vlastelıny Vselennoı)
Janry: qııal-ǵajaıyp, atys-shabys
Uzaqtyǵy: 132 mınýt
El: AQSh, 2026
Rejısser: Trevıs Naıt
Fılmniń basty keıipkeri – Adam. Ol ómir boıy Jerde ómir súrip, óziniń patsha áýletinen shyqqanyn bilmeı kelgen.
Endi oǵan juldyzdar arasyn kesip ótip, týǵan Eternııasyna jetip, Skeletorǵa qarsy shyǵýǵa týra keledi.
KASSANDRA
Janry: tylsym, qorqynysh
Uzaqtyǵy: 90 mınýt
El: Qyrǵyzstan, 2026
Rejısser: Bekzat Pırmatov
Shyńǵys Aıtmatovtyń povesinen jáne Qyrǵyzstannyń ulttyq mıfologııasynan shabyt alǵan qyrǵyz horrory.
Oqıǵa aýyr qaıǵyny bastan ótkerip júrgen jas qyz týraly. Ol ár tún saıyn burynǵydan da álsirep oıanady, beıne bir bireý onyń kúsh-qýatyn tartyp jatqandaı.
Qutylýdyń jolyn izdegen boıjetken taýdyń bıiginde turatyn kóripkelge barady. Sol jerde ol Albasty atty ejelgi zulym rýhtyń qurbany bolǵanyn biledi. Bul rýh qaıǵydan kúıregen ári ótkenin jibere almaǵan adamdarǵa keledi. Ol adamnyń eń úlken qorqynyshynyń keıpine enip, ony ishten birtindep joıa bastaıdy.
LEO MEN TIG. BAIKALǴA APARAR JOL (Leo ı Tıg. Doroga na Baıkal)
Janry: mýltfılm
Uzaqtyǵy: 65 mınýt
El: Reseı, 2026
Rejısser: Anton Lanshakov
Fılmniń sıýjeti barys Leo men jolbarys kúshigi Tıgtiń Baıkal kóline jasaǵan qyzyqty sapary týraly.
Keıipkerler adasyp ketken Lýfı atty nerpany úıine qaıtarǵysy keledi. Jolda olardy kútpegen tanystyqtar men túrli synaqtar kútip tur. Olar qyzyl panda Djýmen jáne maımyldar patshasy Ýkýnmen dostasady. Sonymen qatar jylqylar tabynynyń aılaker kósemi Táńiri hanmen qarsylasýǵa májbúr bolady. Ol óz armanynyń oryndalýy úshin nerpany qolǵa túsirgisi keledi.
QANAT QAQ! (Shevelı perıamı!)
Janry: shytyrman oqıǵa, mýltfılm, otbasy
Uzaqtyǵy: 85 mınýt
El: Polsha, 2025
Rejısser: Bartosh Kedzerskıı
Fılmniń basty keıipkeri – Iggı esimdi jas qyran.
Ol ár túni túsinde kókte erkin ári jeńil qalyqtap ushyp júrgenin kóredi. Biraq shyndyq múlde basqa. Qyrandar ómir súretin álem sonshalyqty órkenıetti ári jaıly bolǵandyqtan, onyń turǵyndary ushýdy áldeqashan umytyp ketken.
Barlyǵy Iggıdiń synybyna avıatsııaǵa ǵashyq jańa oqýshy Iv kelgennen keıin ózgere bastaıdy.
MARǴAÝLAR UShÝDY ÚIRENEDІ (Kotıata ýchatsıa letat)
Janry: otbasy
Uzaqtyǵy: 85 mınýt
El: AQSh, 2025
Rejısser: Stıýart Haınson Kalpepper, Kerın Daıen Ýılıams
Jas Rennı skeıtbord tebýdi jaqsy kóredi ári marǵaý asyraýdy armandaıdy.
Biraq jaqyn mańdaǵy janýarlar panasy qarjynyń jetispeýine baılanysty jabylyp qalýy múmkin. Qyz dostarymen birge buǵan beıjaı qaraı almaı, mysyqtardy qutqarý josparyn qurady.
Ótken aptadaǵy kınopremeralar tizimin osy jerden kóre alasyzdar.
