Aptanyń basynda munaı baǵasy arzandady

ALMATY. KAZINFORM – Dúısenbi kúni álemdik munaı baǵasy tómendep jatyr.

Qarashanyń basy munaı baǵasynyń tómendeýimen bastaldy
Foto: Kazinform\JI

16 qarasha tańerteńgi saýda barysynda Brent markaly munaı fıýchersteri 0,75% arzandap, barreline 95,12 dollar boldy.

Amerıkalyq WTI markaly munaıdyń baǵasy 0,50% tómendep, barreline 88,12 dollarǵa jetti.

Al reseılik Urals markaly munaı barreline 71,39 dollardan saýdalandy. Onyń baǵasy 1,09% arzandady.

Aldyńǵy apta saýda qorytyndysy boıynsha da munaı baǵasy tómendegen edi.

Buǵan Ormýz buǵazyndaǵy keme qatynasyna tóngen qaýip-qaterlerdiń saqtalýy áser etti.

Sonymen qatar Halyqaralyq energetıka agenttiginiń (HEA) esebi munaı baǵasyna qosymsha qysym jasady. Agenttik álemdik naryqtaǵy munaı usynysynyń artqanyn atap ótti.

Bul rette naryq qatysýshylary Taıaý Shyǵystaǵy jaǵdaıdy jiti baqylap otyr. Senbi kúni Iran Ormýz buǵazynyń shyǵys bóliginde teńiz mınasyna soǵylǵan munaı tankeri jarylyp, keıin órt shyqqanyn habarlady.

Sondaı-aq hýsıtter jańa soqqylar týraly málimdeýdi jalǵastyryp jatyr. Jeksenbi kúni olar Er-Rııadtaǵy Korol Halıd atyndaǵy halyqaralyq áýejaı men qarjy ortalyǵyna eki ballıstıkalyq zymyranmen soqqy jasaǵanyn málimdedi.