Aptalyq sholý: Eki qaladaǵy eriktilerge QazCovid-in vaktsınasy egile bastaıdy
Qatań shekteý sharalary engizilse de, eskertýdi elemeıtinder kóp. Qarapaıym jurttan bólek, jıyn-keshter ótkizetin oryndar da talaptarǵa moıynsunbaı, erejeni buzýlaryn doǵarmaı keledi. Budan bólek, shet elderden keletin jolaýshylar da selqostyq tanytýda. Búgingi tańda halyqaralyq reıstermen ushyp kelgen jolaýshylardan koronovırýs ınfektsııasy anyqtalyp jatyr. Esterińizde bolsa, kóktemde osy shetelge saıahattap baryp, aýrý juqtyryp kelgender eldegi azamattardy dertke shaldyqtyrdy emes pe. Bul indettiń qandaı jolmen jáne qalaı jyldam juǵatynyn eshkim bilmeı qalady. Sondyqtan, barynsha saqtanyp júrgen abzal. Endi eldegi ahýalǵa sholý jasap kórelik.
Elordanyń oıyn-saýyq oryndary men meıramhanalarynda karantındik shekteý talaptary saqtalmaıdy. Mobıldi toptar reıd ótkizip, jumys rejıminiń buzylý faktilerin anyqtaǵan. ıAǵnı, ruqsat etilmegen ýaqytta qyzmet kórsetken. Mundaı zań buzýshylyqtar boıynsha kásipkerlerden túsinikteme alynyp, ákimshilik hattama toltyryldy. Buıryqqa baǵynbaǵan kásipkerlerdiń isi mamandandyrylǵan ákimshilik sotyna joldandy. Sonyń ishinde 7 birdeı meıramhana men dámhananyń jumysyn 3 aıǵa deıin toqtatý týraly ótinim bar.
Shyǵys Qazaqstan oblysynda karantındik sharalar uzartyldy. «Shyǵys Qazaqstan oblysynyń aýmaǵynda 2020 jyldyń 21 jeltoqsany kúni saǵat 00.00-den bastap 2021 jyldyń 4 qańtary kúngi saǵat 00:00-ge deıin sharýashylyq jáne ózge de qyzmetpen jáne halyqtyń tynys-tirshiliginiń erekshe jaǵdaılarymen shekteý sharalary uzartylsyn», - delingen Shyǵys Qazaqstan oblysynyń Bas memlekettik sanıtarııalyq dárigeriniń jańa qaýlysynda. Sonymen qatar, oblysaralyq jáne halyqaralyq avtobýs, shaǵyn avtobýs tasymaldarynyń jumys isteýine tyıym salynǵan. Sondaı-aq azamattardyń oblys aýmaǵyna jáne Óskemen qalasynyń aýmaǵyna kelýine/ketýine tyıym salynǵan. Qaýlynyń tolyq mátinimen myna jerden tanysýǵa bolady.
Shymkent qalasynda karantındik shekteý sharalary taǵy 20 kúnge uzartyldy. Bul týraly qalanyń Bas sanıtarlyq dárigeriniń qaýlysynda aıtylǵan. Shekteý sharalary 21 jeltoqsan tún jarymynan bastap 11 qańtarǵa deıin jalǵasady. Shekteý boıynsha qala turǵyndaryna aýqymdy is-sharalardan bas tartyp, 65 jastan asqan azamattarǵa asa qajettiliksiz dalaǵa shyǵýdan tyıylýǵa, qoǵamdyq kólikter men dalada maska taǵyp júrý mindetti bolyp qala bermek. Jumys berýshilerge qyzmetkerlerdiń 50%-in qashyqtan jumys isteýge aýystyryp, bazarlar men saýda oryndaryndaǵy adamdar sany jalpy sıymdylyqtan 30%-ten aspaýy tıis.
Elde taqaýda úsh myń eriktige otandyq QazCovid-in vaktsınasy egile bastaıdy. Bul týraly el premeriniń Jambyl oblysyna jasaǵan sapary barysynda aıtyldy. Osy óńirde shyǵarylatyn QazCovid-in vaktsınasy klınıkalyq synaýdyń I jáne II fazalarynan sátti ótken. Zertteýdiń aldyn ala nátıjeleri vaktsınanyń tıimdiligin 96% deńgeıinde kórsetken. Qazir densaýlyq saqtaý mınıstrligi úsh myń eriktige klınıkalyq zertteýlerdiń qorytyndy III kezeńiniń bastalýyn maquldady. Búginde alǵashqy eriktiler Almaty jáne Taraz qalalarynyń klınıkalarynda egile bastaıdy. Al otandyq vaktsınamen jappaı egý 2021 jyldyń naýryz aıynda bastalady. Birinshi kezekte ekpe erikti túrde medıtsına qyzmetkerlerine, pedagogtarǵa, sondaı-aq sozylmaly aýrýy bar adamdarǵa jasalady. Vaktsına shyǵaratyn bıofarmatsevtıka zaýyty 2021 jyly naýryz aıynda tolyq paıdalanýǵa berilmek. Óndiristiń qýaty jylyna 60 mln doza dep josparlanǵan.
Qaraǵandy oblysynda epıdemıologııalyq ahýaldyń turaqty bolýyna baılanysty barlyq sanıtarlyq beketter alyndy. Aımaqtyń Bas sanıtar dárigeriniń qaýlysy jeltoqsannyń 18-i kúni kúshine endi. Esterińizge sala keteıik, 19 qazanda Jezqazǵan men Prıozersk qalalary jáne Osakarov, Nura, Qarqaraly, Buqar jyraý, Ulytaý aýdandarynyń kireberisine 8 sanıtarlyq beket qoıylǵan bolatyn. Onda dárigerler men polıtsııa qyzmetkerleri júrgizýshiler men jolaýshylardyń dene qyzýyn ólshep, densaýlyǵyn tekserip turdy.
Atyraý oblysynyń memlekettik bas sanıtar dárigeri Amantaı Jumaǵalıevtyń jańa qaýlysymen karantındik shekteý sharalary qaıta kúsheıtildi. Bas sanıtar dárigerdiń №71 qaýlysynda «Atyraý oblysynyń aýmaǵynda epıdemıologııalyq jaǵdaı turaqtalǵanǵa deıin sharýashylyq jáne ózge de qyzmetpen jáne halyqtyń tynys-tirshiliginiń erekshe jaǵdaılarymen shekteý sharalary engizilsin. Shekteý is-sharalarynyń rejımi men merzimderi oblys aýmaǵynda COVID-19 koronavırýstyq ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin», - delingen. Qaýlyǵa sáıkes, Teńiz ken ornynda karantındik jáne shekteý sharalary epıdemıologııalyq jaǵdaı turaqtalǵanǵa deıin uzartyldy. Al óńir turǵyndaryna respıratorlyq ınfektsııanyń alǵashqy belgileri paıda bolǵan kezde medıtsınalyq uıymdarǵa barmaı, jedel medıtsınalyq kómek 103-ke qońyraý shalý arqyly úıden medıtsınalyq kómekke júginý; Qoǵamdyq tamaqtaný oryndarynda tamaqtaný kezindeáleýmettik araqashyqtyqty saqtaı otyryp jáne 5 jasqa deıingi balalardy kospaǵanda, qoǵamdyq oryndarda, barýǵa jáne demalýǵa arnalǵan oryndarda, qoǵamdyq kólikterde medıtsınalyq nemese mata betperdelerin kııý mindetti; Jasy 65-ten asqan adamdarǵa azyq-túlik, dári-dármek pen medıtsınalyq buıymdardy, sondaı-aq qajetti taýarlardy satyp alýdy jáne medıtsınalyq mekemelerge barýdy qospaǵanda asa qajettilik bolmasa turǵylyqty jerinen shyqpaýǵa usynys berilip otyr. Sondaı-aq oblys turǵyndary halyq kóp shoǵyrlanatyn jerlerge barmaýǵa, áleýmettik araqashyqtyqty saqtaýǵa, betperde tártibin jáne jeke bas gıgıenasyn saqtaýy tıis.
Aıtpaqshy, ótken aptada epıdemıologııalyq ahýalǵa baılanysty Atyraý oblysy «qyzyl aımaqqa» ótti. Munaıly óńirde qaýipti indetke shaldyqqandardyń sany artyp, jaǵdaı ýshyǵyp barady. Aýrý juqtarǵandardyń kóbi Teńiz kenishinen anyqtalyp otyr. Sońǵy táýlikte oblysta 60 adamnyń koronavırýs ınfektsııasyna shaldyqqany belgili boldy. Onyń 25-i Atyraý qalasynan, 27 naýqas Teńiz kenishinen tirkelgen. Qalǵany aýdan turǵyndarynyń arasynan anyqtalypty. Tirkelgen naýqastardyń on birinde aýrý sımptomdy túrde ótip jatyr. Aıta keteıik, mereke kúnderi munaıly óńirde bazarlar men iri saýda oryndarynyń qyzmetine tyıym salynady. Dese de, qoǵamdyq tamaqtaný oryndary men azyq-túlik dúkenderi, dárihanalar jumys isteı beredi.
Jambyl oblysynda epıdemıologııalyq ahýal turaqty. Alaıda óńirde koronavırýsty ınfektsııany juqtyrý dereginde ósim baıqalady. 14 kúnde aýyrǵandar sany 300-ge jýyqtaǵan. Qoǵamdyq kólik, azyq-túlik, saýda-sattyq oryndary burynǵy keste boıynsha jumysyn jalǵastyrady. Biraq sanıtarlyq talaptardyń saqtalýyn 51 mobıldi top baqylaýda ustaıtyn bolady. Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń jetekshi mamany Gaýhar Makýetova mereke kúnderinde mobıldi toptardyń jumystary da kúsheıtiletinin aıtty. ıAǵnı qoǵamdyq tamaqtaný oryndary, restoran, kafelerdi tekserý sonymen qatar jeksenbi jáne mereke kúnderi jumys isteýge ruqsat berilmegen osy obektilerdi tekserý monıtorıngtik toptardyń jumystary kúsheıtiledi. Qostanaıda karantındik shekteý sharalary ishinara jeńildetildi. Aımaqta jabyq sporttyq nysandardyń jumys isteýine ruqsat berildi. Turǵyndarǵa jeksenbiden basqa kúnderi tańǵy 8:00-den keshki 22:00-ge deıin jattyǵý jasaýǵa múmkindik berilip otyr. Óńirde qoǵamdyq tamaqtaný oryndarynyń jumys rejımi túngi saǵat 23:00-ge deıin uzartyldy.
Pavlodar oblysy koronavırýs ınfektsııasynyń taralýy boıynsha qyzyl aımaqtan jasyl aımaqqa enýine baılanysty karantındik shekteýler jeńildetilip jatyr. Aımaqtaǵy epıdemıologııalyq jaǵdaı turaqtalyp keledi. Qazir tosqaýyl beketteri alynyp tastalǵan. Qalaaralyq, aýdanaralyq jolaýshylar tasymaly jandanady. Qoǵamdyq kólikterge qatysty lokdaýyn alyndy. Mereke jáne demalys kúnderi avtobýstar men tramvaıladyń jumysy toqtatylmaıdy. Oblystyq densaýlyq saqtaý basqarmasy bólim basshysynyń orynbasary Erǵaly Asylbektiń aıtýynsha, búgingi kúni ınfektsııalyq aýrýhanalardyń júktemesi 31,9% quraıdy. Statsıonarlyq emdeýde 442 adam alyp jatyr. Sonyń ishinde rastalǵan koronavırýstyq jaǵdaımen 366 adam em alyp jatyr. Osy statsıonarlyq emdeýde sonyń ishinde 11-i bala. 1500-den astam adam ambýlatorlyq em alyp jatyr. Aqsý qalasynda qarttar úıindegi jaǵdaıǵa baılanysty aıtsaq, jalpy búgingi kúni 84 adam medıtsınalyq baqylaýda. Onyń ishinde 20 qyzmetker, 35-i qart adam.
Qyzylorda qalasynda apta saıyn kem degende 10-15 sanıtarlyq talaptardy buzǵandar anyqtalyp jatyr. ıAǵnı onyń aldyndaǵy málimettermen salystyrǵanda azaıǵany baıqalady. Biraq sonda da aldymyzdaǵy mereke kúnderi ol otbasylyq is-sharalardy kóbeıýi múmkin. Sondyqtan tıisti qala ákiminiń tapsyrmasyna sáıkes qaladaǵy sanıtarlyq talaptaryn qatań baqylaý maqsatynda monıtorlyq top jumysyn kúsheıtilgen rejımde jumys jasaıdy. Jalpy aımaqtardaǵy ahýal qubylmaly bolyp tur.
Ystanbulǵa baryp kelgen eki qazaqstandyqtan koronavırýs anyqtaldy. Aıta keteıik, bul azamattarda PTR anyqtama bolmaǵandyqtan, synama alý úshin statsıonarǵa jatqyzylǵan edi. Osylaısha, olar elge kelgende ǵana dertke shaldyqqandaryn bildi. Al keshe Qazaqstan aýmaǵyna 18 halyqaralyq reıspen 2008 jolaýshy kelgen. Tıisti medıtsınalyq qujaty joq 237 adam karantınge alynyp, testiden ótti. «Qazir qorytyndysyn kútýde», - dep habarlaıdy Sanıtarlyq epıdemıologııalyq baqylaý komıtetiniń resmı ókili.
2020 jylǵy 17 jeltoqsanda PTR anyqtamasyz ushyp kelgen 3 qazaqstandyqtan COVID-19 anyqtaldy. 2020 jylǵy 18 jeltoqsanynda Qazaqstan Respýblıkasynyń aýmaǵyna Rýmynııa, Qytaı, Grýzııa, Mysyr, Túrkııa, BAÁ, RF, Belarýs Respýblıkasy, Tájikstan jáne Ózbekstannan 17 halyqaralyq áýe reısi keldi. 2561 jolaýshynyń ishinde PTR-testileýdiń teris nátıjesi bar anyqtamamen 2351 adam, anyqtamasyz 210 QR azamaty keldi. Onyń ishinde: Almaty qalasynyń áýejaıyna – 9 reıs, 1 641 jolaýshy, anyqtamamen – 1 513, anyqtamasyz - 128; Nur-Sultan qalasynyń áýejaıyna – 6 reıs, 789 jolaýshy, anyqtamamen - 707; anyqtamasyz - 82; Atyraý qalasynyń áýejaıyna – 1 reıs, barlyq 44 jolaýshy anyqtamamen keldi; Aqtaý qalasynyń áýejaıyna – 1 reıs, barlyq 47 jolaýshy anyqtamamen keldi. Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR ádisimen testilendi jáne karantındik statsıonarlarda óz nátıjelerin kútýde. 2020 jyldyń 17 jeltoqsanynda anyqtamasyz kelgen 378 QR azamattarynyń PTR-taldaýlarynyń nátıjeleri boıynsha Dýbaı – Nur-Sultan reısimen kelgen 3 jolaýshydan koronavırýstyq ınfektsııa anyqtaldy.
Jýyrda Mınsk – Nur-Sultan áýe reısimen ushyp kelgen 4 qazaqstandyqtan koronavırýstyq ınfektsııa anyqtaldy. Bul týraly sanıtarlyq-epıdemıologııalyq baqylaý komıteti mamandary habarlap otyr. Atalǵan reıs boıynsha anyqtamasyz kelgen 311 qazaqstandyq qonǵan bette PTR taldaý ádisimen testilengen. Qazir indet anyqtalǵan jolaýshylar tolyq oqshaýlandy. Komıtettiń habarlaýynsha, tek bir kúnde el tóńiregine 18 halyqaralyq áýe reısi toqtap, onymen 2 myńnan astam jolaýshy kelgen.
20 jeltoqsandaǵy málimet boıynsha elimizde 25 350 adam koronovırýs ınfektsııasynan emdelýde. Olardyń ishinde 4 482 patsıent statsıonarda, 20 868 naýqas ambýlatorııalyq deńgeıde em qabyldaýda. 259 adamnyń jaǵdaıy aýyr, 38 patsıenttiń jaǵdaıy óte aýyr, 37 naýqas ókpeni jeldetý apparatynda jatyr. Ótken táýlikte 652 adamda koronavırýs indeti PTR arqyly rastalyp, aýyrǵany belgili boldy.