Aptadaǵy premeralar: eldegi kınoteatrlardan ne kórýge bolady
ASTANA. KAZINFORM — Jańa kıno aptalyǵynda kórermendi qyzyqty premeralar kútedi. Aldaǵy aptada qandaı fılmder kórýge bolady, Kazinform tilshisi sholý jasap kórdi.
Bolǵan oqıǵa
Qazaqtyń dramalyq komedııasy otbasylyq syrlar, qaqtyǵystar, úıdegi kelisimdi qalpyna keltirý áreketteri. Uzaq ýaqyt boıy qalada bolmaǵan ana úsh balasynyń aman-esen, tatý-tátti ómir súrip jatqanyna senimdi bolyp oralady. Biraq shyndyq múlde basqasha bolyp shyǵady, sondyqtan ol máseleni óz qolyna alyp, bárin ózgertýge sheshim qabyldaıdy.
Tron: Ares
Bolashaqtyń tsıfrlyq áleminde ótetin «Tron» kýlttik ǵylymı-fantastıkalyq franshızasynyń jalǵasy. Kıberkeńistiktegi bılik úshin kúreske túsken keıipker jańa qaýipke qarsy turý úshin kútpegen odaqtastarymen kúsh biriktirýi kerek bolady. Sandyq álemge ústemdik etýge jáne joıýǵa umtylǵan Ares atty jasandy ıntellekt oqıǵasy baıandalady.
Ifrıt 2
Bir kúni qorqynysh pen úmitsizdikke batqan eki qyz jyn mamany Seıitke keledi. Olar odan bir aıdan astam ýaqyt boıy belgisiz dertke shaldyqqan: ne uıyqtamaǵan, ne tamaq ishpegen, ózin zulym kúshterdiń yqpalynda bolǵandaı ustaǵan Aıanaǵa kómektesýin suraıdy. Seıit bul jaǵdaıdy bastapqyda qalypty qubylys dep qabyldamaıdy, biraq Aıananyń oqıǵasyna tereńirek úńile otyryp, qarańǵy ári qorqynyshty qupııanyń betin ashady.
Tirilgen sýretter
10 jasar Emberdiń sýret dápteri kezdeısoq sıqyrly toǵanǵa túsip ketedi jáne onyń barlyq fantastıkalyq týyndylary tirilip ketetini týraly qyzyqty qııal-ǵajaıyp oqıǵa. Másele mynada, Ember qorqynyshty qubyjyqtar salǵandy jaqsy kóredi. Qalaǵa osy jantúrshigerlik qasiret shabýyl jasaǵanda, Ember men onyń otbasy kútpegen tirshilik ıelerin toqtatyp, úılerin qorǵaýdyń jolyn tabý úshin birigedi.
Tańǵajaıyp Moksı
Ózine senimdi úı mysyǵy Moksı Frantsııanyń ońtústigindegi shalǵaı aýdanda jalǵyz qalady. Oǵan úıine, ıesine jol tabýy kerek. Oǵan bir kezderi ózi unatpaǵan eki dos qosyldy: qarapaıym ıt pen shýyldaq qus. Olar birge Moksıge álemdi ashýǵa jáne shynaıy dostyqtyń mánin túsinýge kómektesetin shytyrman oqıǵaly saıahatqa attanady.
Shatyrdaǵy qaraqshy
Tonaý úshin úı shatyrlaryn paıdalanatyn batyl jáne tapqyr ury týraly Chennıng Tatým oınaıtyn jyldam qarqyndy qylmystyq komedııa. Bir kúni ol kútpegen jerden oıynshyqtar dúkeninen jasyryn jer tapty. Ol jerde onyń demalyp alýyna jáne jatyp demalyp alýyna múmkindik bar. Biraq Djeff súıkimdi dúken qyzmetkerine ǵashyq bolyp, oqıǵa múlde basqasha órbıdi.
Budan buryn Túrki mádenıetin jáne ónerin damytý halyqaralyq uıymynda kıno óndirisi salasynda yntymaqtastyq artatyny habarlandy.