Apta sońyna qaraı eldiń soltústiginde qar jaýady - sınoptıkter
Aptanyń ekinshi jartysynda el aýmaǵynyń basym bóligi áli de keń aýqymdy antıtsıklon yqpalynda bolady. Respýblıkanyń soltústik, ortalyq oblystarynda jyly, jaýyn-shashynsyz kún raıy saqtalady, antıtsıklonnyń yǵysýymen el shyǵysynda jaýyn-shashyn toqtaıdy.
Óz kezeginde, Skandınavııa túbeginen áser etetin tsıklonnyń batystan shyǵysqa aýysýynan aldymen batys, soltústik-batys, al aptanyń sońyna qaraı eldiń soltústik jáne ortalyq oblystarynda naızaǵaı oınap, jańbyr jaýady.
Soltústikte túnde jaýǵan jańbyr qarǵa ulasýy múmkin. Sondaı-aq jel kúsheıip, kúndiz batys oblystarda burshaq jaýýy yqtımal. Respýblıkanyń ońtústiginde frontaldy aǵynnyń ótýimen kún kúrkirep, taýly aımaqtarda jańbyr jaýyp, qarǵa aýysady. Respýblıkanyń barlyq aýmaǵynda túnde tuman túsedi.
Kúndiz el batysynda 15-23 gradýs, al ortalyqta 15-25 gradýs jyly bolady. Soltústik jartysynda keı jerlerde termometr baǵanalary 10-18 gradýs jylylyqtyy kórsetedi. Shyǵysta aýanyń temperatýrasy 8-17 gradýstan 14-23 gradýsqa deıin, ońtústik-shyǵysta 15-23 gradýsqa deıin, taýly aımaqtarda 8-13 gradýstan 20-25-ke deıin joǵarylaıdy, respýblıkanyń ońtústiginde negizgi temperatýralyq fon 20-28 gradýsqa deıin kóteriledi. Taýly aımaqtarda 10-15 gradýs jyly bolady.
