Apta sońyna qaraı aıazdyń beti qaıtady
ASTANA. Qazaqparat - Aptanyń sońyna qaraı aıazdyń beti qaıta bastaıdy dep habarlady www.24.kz.
Elordada aýa temperatýrasy 20 gradýsqa deıin tómendeıdi.
Esesine, jaqyn kúnderi elimizdiń ońtústik óńirlerinde kún sýytýy múmkin. Sınoptıkterdiń sońǵy úsh kúnge bergen aqparatyna súıensek, ol aımaqtarda aýa temperatýrasy 20 gradýsqa deıin tómendeıdi. Al kúndiz synap baǵanasy -10-15 gradýsty quraıdy. Elimizdiń basym bóliginde antıtsıklonnyń yqpalymen burqasyn bolady. Jeldiń jyldamdyǵy kúısheıip, aýa temperatýrasy 25-33 gradýsqa deıin tómendeıdi.
- Astana qalasynda erten jaýyn-shashynsyz kún raıy baıqalady, burqasyn bolady, aýa temperatýrasy túnde 26-28 gradýs aıaz, aldaǵy kúnderi 18-20 gradýs aıazǵa deıin kóteriledi. Kúndiz aldaǵy úsh kúnde synap baǵanasy 16-18 gradýs shamasynda bolmaq, - dedi «Qazgıdromet» RMK ınjener-sınoptıgi Álııa Ospanova.
