Apta ishindegi kadrlyq taǵaıyndaýlar
ASTANA. KAZINFORM — Osy apta ishinde elimizdiń ortalyq jáne jergilikti atqarýshy organdarynda birneshe aýys-túıis boldy.
Memleket basshysynyń Jarlyǵymen Nurlan Serikuly Baıbazarov Qazaqstan Respýblıkasy Prezıdentiniń ekonomıkalyq máseleler jónindegi kómekshisi bolyp taǵaıyndaldy.
Nurlan Serikuly 1975 jyly 10 qazanda týǵan. 1997 jyly Qazaq memlekettik basqarý akademııasyn «Bank isin uıymdastyrý» mamandyǵy boıynsha bitirgen. Qazaq, orys aǵylshyn tilderin meńgergen. «Eren eńbegi úshin» medalimen marapattalǵan.
23 jyldyq jumys ótili bar, onyń 7-i «Qazaqstannyń Damý Banki» AQ-da basshylyq laýazymdarda. 1997-2003 jyldary QR Qarjy mınıstrliginde jumys istedi.
2004 jyldan 2011 jylǵa deıin jobalarǵa agenttik qyzmet kórsetý basqarmasynyń bastyǵy, ınvestıtsııalyq jobalar jónindegi basqarýshy dırektor, korporatıvtik damý departamentiniń dırektory, «Qazaqstannyń Damý Banki» AQ Korporatıvtik hatshysy laýazymdaryn atqardy.
2013 jyldan 2016 jylǵa deıin QR Ulttyq ekonomıka mınıstrliginiń Ekonomıka salalaryn damytý departamentin basqardy. Budan basqa, ár jyldary «Qazaqstan temir joly» UK» AQ, «QazMunaıGaz Konsaltıng» AQ, «QazMunaıGaz» UK» AQ jumys istedi.
2016 jyldan bastap 2022 jylǵy qarashaǵa deıin «Ónerkásipti damytý qory» AQ Dırektorlar keńesiniń múshesi jáne Basqarma tóraǵasy boldy.
2022 jyldyń qarasha aıynan 2023 jyldyń qazan aıyna deıin «Qazaqstannyń Damý Banki» AQ Basqarma tóraǵasy boldy.
«Báıterek» Ulttyq basqarýshy holdıngi» AQ jalǵyz aktsıoneriniń 2023 jylǵy 05 qazandaǵy sheshimimen Holdıngtiń Basqarma Tóraǵasy qyzmetine taǵaıyndaldy.
2024 jylǵy 6 aqpanda Qazaqstan Respýblıkasy Premer-Mınıstriniń orynbasary — Ulttyq ekonomıka mınıstri bolyp taǵaıyndaldy.
Al Erbolat Asqarbekuly Dosaev Qazaqstan Respýblıkasy Prezıdentiniń Ákimshiligi Basshysynyń orynbasary laýazymynan bosatyldy.
Erbolat Asqarbekuly 1970 jylǵy 21 mamyrda Almaty qalasynda dúnıege kelgen.
Ol 1993 jyly Almaty energetıkalyq ınstıtýtyn, sondaı-aq Máskeýdiń Baýman atyndaǵy memlekettik tehnıkalyq ýnıversıtetin bitirgen. Mamandyǵy – elektrondyq tehnıka ınjeneri.
Eńbek joly:
– 1993 - 1994 jj. – menedjer, «Іsker» halyqaralyq ǵylymı-óndiristik kásiporny;
– 1994 j. – dırektordyń orynbasary, «Vega» shaǵyn kásiporny;
– 1994 - 1996 jj. – dırektordyń orynbasary, dırektor, «Fırma «Aktsept» JShS;
– 1996 - 1997 jj. – dırektor, birinshi vıtse-prezıdent, bas dırektor, «Korporatsııa «Aktsept» JTAQ;
– 1997 j. aqpan - tamyz – basqarma tóraǵasynyń orynbasary, «Bank Turan-Alem»;
– 1997 j. tamyz - 1998 j. naýryz – basqarma tóraǵasy, «Almatınskıı torgovo-fınansovyı bank» JAQ;
– 1998 j. naýryz - shilde – QR Premer-Mınıstriniń keńesshisi;
– 1998 j. shilde - 2000 j. aqpan – QR Energetıka, ındýstrııa jáne saýda vıtse-mınıstri;
– 1999 j. jeltoqsan - 2001 j. shilde – QR Baǵaly qaǵazdar jónindegi ulttyq komıssııasynyń múshesi;
– 2000 j. aqpan - 2001 j. qarasha – QR Qarjy vıtse-mınıstri;
– 2001 j. qarasha - 2002 j. tamyz – QR Tabıǵı monopolııalardy retteý, básekeni qorǵaý jáne shaǵyn bıznesti qoldaý agenttiginiń tóraǵasy;
– 2002 j. qyrkúıek - 2003 j. maýsym – QR Tabıǵı monopolııalardy retteý jáne básekeni qorǵaý agenttiginiń tóraǵasy;
– 2003 j. maýsym - 2004 j. sáýir – QR Qarjy mınıstri, EBRR-degi Qazaqstannyń basqarýshysy;
– 2004 j. sáýir - 2006 j. qyrkúıek – QR Densaýlyq saqtaý mınıstri;
– 2012 j. qyrkúıek - 2013 j. qańtar – QR Ekonomıkalyq damý jáne saýda mınıstri;
– 2013 j. qańtar - 2014 j. tamyz – QR Ekonomıka jáne bıýdjettik josparlaý mınıstri;
– 2014 j. tamyz - 2016 j. mamyr – QR Ulttyq ekonomıka mınıstri;
– 2016 j. mamyr - 2017 j. tamyz – «Báıterek» ulttyq basqarýshy holdıngi» AQ basqarma tóraǵasy;
– 2017 j. tamyz - 2019 j. aqpan – QR Premer-Mınıstriniń orynbasary;
– 2019 j. aqpan - 2022 j. qańtar – QR Ulttyq bank tóraǵasy;
– 2022 jylǵy 31 qańtardan beri – Almaty qalasynyń ákimi (2022 jylǵy 2 jeltoqsanda qaıta taǵaıyndaldy).
Baýken Álmesh Qyzylorda oblystyq ádilet departamentiniń basshysy laýazymyna taǵaıyndaldy.
Baýken Serikuly 1991 jyly Ońtústik Qazaqstan oblysynda dúnıege kelgen. 2009 jyly Ońtústik Qazaqstan quqyq jáne salalyq tehnologııalar kolledjin, 2012 jyly Qaraǵandy ekonomıkalyq ýnıversıtetin quqyqtaný mamandyǵy boıynsha bitirgen.
Eńbek jolyn 2009 jyly Ońtústik Qazaqstan oblystyq ádilet departamentinde is júrgizýshi qyzmetinen bastaǵan. Ár jyldary Ońtústik Qazaqstan oblystyq ádilet departamentinde, Shymkent qalalyq jáne aýdandyq ádilet basqarmalarynda túrli laýazymdarda jumys istegen.
Tirkeý, zııatkerlik menshik quqyǵy, quqyqtyq túsindirý jáne zań kómegin kórsetý salalarynda tájirıbe jınaǵan. 2017-2019 jyldary Almaty oblystyq ádilet departamentine qarasty Eskeldi aýdandyq ádilet basqarmasyn basqardy. 2019-2023 jyldary Qyzylorda oblystyq ádilet departamenti basshysynyń orynbasary boldy.
2023 jyldan bastap búginge deıin Aqmola oblystyq ádilet departamentiniń basshysy laýazymyn atqardy.
Olımpıada chempıony, Vel Barker kýbogynyń ıegeri Serik Sápıev Qazaqstan boks federatsııasy prezıdentiniń keńesshisi qyzmetine taǵaıyndaldy.
Serik Jumanǵalıuly 1983 jyly dúnıege kelgen. Bokstan Olımpıada oıyndarynyń jeńimpazy, eki dúrkin álem jáne Azııa chempıony, QR Eńbek sińirgen sport sheberi. Vel Barker Kýboginiń ıegeri.
Qazaqstan boks federatsııasy prezıdentiniń boksty damytý jónindegi keńesshisi qyzmetinde Serik Sápıev boks quramalarynyń nátıjesin jaqsartý, sport túrin damytý boıynsha júıeli jumys pen Olımpıada oıyndaryndaǵy joǵary jetistik jolynda qyzmet atqarady.
Taǵy bir tanymal boksshy Qanat Islam 19 jasqa deıingi Qazaqstan jastar quramasynyń úılestirýshisi boldy.
Ol 1984 jyly dúnıege kelgen. 2008 jyly Qytaı quramasynyń sapynda Olımpıada oıyndarynyń qola medalin jeńip alǵan. Kásipqoı boksshy retinde WBA FedeCaribe tujyrymynyń chempıony atandy.
2010 jyldan bastap Qazaqstan namysyn qorǵap, «Astana arlandary» kásipqoı klýby sapynda oıyn kórsetti. Kásipqoı boksta 30 jekpe-jek ótkizip, onyń 22-sinde nokaýtpen jeńiske jetken.