Apta ishindegi kadrlyq taǵaıyndaýlar
ASTANA. KAZINFORM – Ótip bara jatqan apta ishinde bir mınıstrdiń jańa orynbasary taǵaıyndalyp, jergilikti atqarýshy organdarda da kadrlyq aýys-túıis oryn aldy.
Atap aıtqanda, QR Úkimetiniń qaýlysymen Shynar Aqparova oqý-aǵartý vıtse-mınıstri qyzmetine taǵaıyndaldy.
Ol 1972 jyly Qaraǵandy oblysynda dúnıege kelgen. Tselınograd qarjy-ekonomıkalyq tehnıkýmyn, E.A.Bóketov atyndaǵy Qaraǵandy memlekettik ýnıversıtetin, Qaztutynýodaǵy Qaraǵandy ekonomıkalyq ýnıversıtetin bitirgen.
2001–2010 jyldary — orys tili men ádebıeti pániniń muǵalimi, dırektordyń tárbıe jumysy jónindegi orynbasary, №135 Atasý negizgi mektebi, Atasý stansasy.
2010–2011 jyldary — ádisker, Qaraǵandy qalasynyń №26 kásiptik lıtseıi, Qaraǵandy qalasy.
2011–2012 jyldary — aǵa ádisker, Qaraǵandy oblysy ákimdigi Qaraǵandy oblysy Bilim basqarmasynyń «Saryarqa daryny» óńirlik oqý-ádistemelik ortalyǵy» KMQK, Qaraǵandy qalasy.
2012–2013 jyldary — jetekshi maman, QR BǴM Bilim jáne ǵylym salasyndaǵy baqylaý komıtetiniń Qaraǵandy oblysy Bilim salasyndaǵy baqylaý departamentiniń Bilim sapasyn syrttaı baǵalaý bólimi, Qaraǵandy qalasy.
2013–2018 jyldary — bas maman, QR BǴM Bilim jáne ǵylym salasyndaǵy baqylaý komıtetiniń Qaraǵandy oblysy Bilim salasyndaǵy baqylaý departamentiniń Bilim sapasyn syrttaı baǵalaý bólimi, Qaraǵandy qalasy.
2018–2020 jyldary — QR BǴM Bilim jáne ǵylym salasyndaǵy baqylaý komıtetiniń Qaraǵandy oblysy Bilim salasyndaǵy baqylaý departamentiniń Bilim sapasyn syrttaı baǵalaý bóliminiń basshysy, Qaraǵandy qalasy.
2020–2023 jyldary — QR BǴM Bilim jáne ǵylym salasyndaǵy sapany qamtamasyz etý komıtetiniń Qaraǵandy oblysy Bilim salasyndaǵy sapany qamtamasyz etý departamenti basshysynyń orynbasary.
2023–2025 jyldary — QR Oqý-aǵartý mınıstrligi Bilim berý salasyndaǵy sapany qamtamasyz etý komıtetiniń Qaraǵandy oblysy Bilim berý salasyndaǵy sapany qamtamasyz etý departamentiniń basshysy.
2025 jyldyń maýsym aıynan bastap qazirgi ýaqytqa deıin QR Oqý-aǵartý mınıstrligi Bilim salasyndaǵy sapany qamtamasyz etý komıteti tóraǵasynyń orynbasary qyzmetin atqardy.
Energetıka mınıstrliginiń Memlekettik energetıkalyq qadaǵalaý jáne baqylaý komıtetinde óńirlik deńgeıde jańa kadrlyq taǵaıyndaýlar boldy.
Mańǵystaý oblysy boıynsha Komıtettiń aýmaqtyq departamentiniń basshysy laýazymyna Ashat Hamıtuly Jaqypov taǵaıyndaldy.
Ol Pavlodar memlekettik ýnıversıtetin «Injener» mamandyǵy boıynsha bitirgen. Eńbek jolyn 2008 jyly «Pavlodarenergo» AQ-da bastap, slesar, mashınıst jáne týrbına tsehynyń aǵa mashınısi qyzmetterin atqarǵan.
2013 jyldan beri memlekettik energoqadaǵalaý júıesinde jumys isteıdi. Osy ýaqyt ishinde Shyǵys Qazaqstan jáne Qaraǵandy oblystaryndaǵy departamentterde bas sarapshy, basshynyń orynbasary jáne basshy qyzmetterin atqardy. Komıtettiń ortalyq apparatynda elektr jáne jylý kózderin baqylaý basqarmasyn basqardy.
2023–2025 jyldary Komıtettiń elektr-jylý óndirýshi stantsııalaryna baqylaý jasaý basqarmasynyń basshysy boldy.
Abaı oblysy boıynsha Komıtettiń aýmaqtyq departamentiniń basshysy laýazymyna Demın Nıkolaı Aleksandrovıch taǵaıyndaldy.
Ol Shákárim atyndaǵy ýnıversıtettiń túlegi ári jylýenergetıka mamandyǵy boıynsha magıstr.
Eńbek jolyn 2007 jyly «Teplokommýnenergo» ShMK-da qazandyq mashınısti bolyp bastaǵan. Keıin aǵa mashınıst, stansa bastyǵy, № 1 JEO bastyǵy, sondaı-aq óndiris jónindegi dırektordyń orynbasary qyzmetterin atqarǵan.
2018–2024 jyldary kásiporyn dırektorynyń mindetin atqarýshy boldy, odan keıin Abaı oblysy boıynsha aýmaqtyq departament basshysynyń orynbasary qyzmetin atqardy.
Qaraǵandy oblysynda Investorlardy qoldaý ortalyǵynyń basshysy bolyp Shahnazar Áýbakirov taǵaıyndaldy.
Shahnazar Áýbakirovtyń kommertsııalyq uıymdarda jumys tájirıbesi mol. QR Prezıdentniń Іs basqarmasynda qyzmet etken. 2023 jyldyń qarashasynan osy taǵaıyndaýǵa deıin «Kazakh Invest» AQ servıstik qoldaý departamentiniń bas menedjeri bolǵan.
Jeńil atletıkadan Qazaqstan quramasyna jańa bapker keldi. Endi otandyq jeńil atletterdi ýkraınalyq maman Aleksandr Apaıchev jattyqtyrady. Ol ulttyq quramanyń bas bapkeri mindetin de qosa atqarady.
Aleksandr Apaıchev 1961 jyly 6 mamyrda Ýkraınada dúnıege kelgen. Uzaq jyldar boıy jeńil atletıkadan KSRO komandasynyń namysyn qorǵady. Bapker retinde Ýkraına men Qatar quramalaryn jattyqtyryp, Olımpıada, álem, Eýropa jáne Azııa chempıonattarynyń jeńimpazdary men júldegerlerin daıyndaǵan.
Al Qyzylorda oblysynyń «Qaısar» fýtbol klýbyn jańa maýsymda tájirıbeli maman Andreı Ferapontov jattyqtyrady.
Ol bas jattyqtyrýshy laýazymyn «Maqtaaral» fýtbol klýbynda bastap, «Oqjetpes» komandasynda jalǵastyrdy. Sondaı-aq «Aqtóbe», «Ordabasy», «Qaırat», belarýstik «Rýh» komandalarynyń bapkerlik shtabynda abyroıly qyzmet atqarǵan. Qurama deńgeıinde de tájirıbesi jetkilikti. Búginde Qazaqstan jastar quramasynyń bas bapkeri mindetin atqaryp júr.