Apta ishinde elimizde bolǵan kadrlyq taǵaıyndaýlar
Ótip bara jatqan apta ishinde ortalyq jáne jergilikti memlekettik organdarda birqatar kadrlyq aýys-túıis boldy, dep habarlaıdy Kazinform.
Dúısenbi kúni QR Týrızm jáne sport vıtse-mınıstrleri qyzmetine Erjan Málikuly Erkinbaev jáne Mıras Qalıuly Tólebaev taǵaıyndaldy.
Erjan Erkinbaev 1982 jyly Jambyl oblysynda dúnıege kelgen. Qazaq memlekettik zań akademııasyn, Halyqaralyq bıznes akademııasyn támamdaǵan. Eńbek jolyn 2002 jyly kommertsııalyq kompanııada zańger bolyp bastaǵan.
Ol túrli jyldary kommertsııalyq qurylymdarda zańger, atqarýshy dırektor, bas dırektor bolyp jumys istegen. «Shymbulaq» taý shańǵysy kýrortynyń bas dırektory, «Medeý» sport kesheniniń bas dırektory qyzmetterin atqardy. VI shaqyrylymdaǵy Almaty qalalyq máslıhatynyń depýtaty boldy. 2016-2018 jyldary Almaty memlekettik zoologııalyq parkiniń dırektory, 2019-2021 jyldary «Kazakh Tourism» Ulttyq kompanııasy» AQ Basqarma tóraǵasynyń mindetin atqarýshy, basqarma tóraǵasy, 2021 jyldan bastap QR mádenıet jáne sport vıtse-mınıstri bolǵan.
Mıras Tólebaev 1986 jyly Qostanaı oblysynda dúnıege kelgen. T.Rysqulov atyndaǵy Qazaq ekonomıkalyq ýnıversıtetin, Q.Sátbaev atyndaǵy Qazaq ulttyq tehnıkalyq ýnıversıtetin, QR Prezıdenti janyndaǵy Memlekettik basqarý akademııasyn bitirgen. Eńbek jolyn 2008 jyly Qorǵanys shekara mańy yntymaqtastyǵy ortalyǵynda bas maman bolyp bastaǵan.
Ol 2009-2010 jyldary – «Qorǵas» shekara mańy yntymaqtastyǵy halyqaralyq ortylyǵynda bas maman, bas menedjer, 2010-2011 jyldary – Energetıka jáne mıneraldyq resýrstar mınıstrligi Munaı jáne gaz ónerkásibiniń bas dıspetcherlik basqarmasy departamentiniń bas sarapshysy, Memlekettik energetıkalyq qadaǵalaý jónindegi komıtet basqarmasynyń 1-sanattaǵy sarapshysy, Indýstrııa jáne jańa tehnologııalar mınıstrligi Ónerkásip komıteti basqarmasynyń sarapshysy, bas sarapshysy boldy.
2012-2014 jyldary Munaı jáne gaz mınıstrligi Munaı-gaz keshenindegi memlekettik ınspektsııalyq komıteti basqarmasynyń bas sarapshysy, 2014-2015 jyldary Qyzylorda oblysynyń ındýstrııalyq-ınnovatsııalyq damý basqarmasy basshysynyń orynbasary bolyp jumys istedi.
2015-2016 jyldary – Qyzylorda oblysynyń Kásipkerlik jáne týrızm basqarmasynyń basshysy, 2016-2017 jyldary jeke menshik qurylymdarda jumys istedi. 2017 jyly Elordany turaqty damytý ortalyǵy dırektorynyń orynbasary, 2017-2022 jyldary Mádenıet jáne sport mınıstrligi Týrızm ındýstrııasy komıteti basqarmasynyń basshysy, 2022-2023 jyldary Mádenıet jáne sport mınıstrligi Týrızm ındýstrııasy komıteti tóraǵasynyń orynbasary, 2023 jylǵy qarasha aıynda QR Týrızm jáne sport vıtse-mınıstri bolyp taǵaıyndaldy.
Sol kúni Atyraý qalasynyń burynǵy ákimi Meıirim Qalaýı jańa qyzmetke taǵaıyndaldydy. Endi ol «Atyraý oblysy Sý Arnasy» kommýnaldyq memlekettik kásipornyn basqarady.
Meıirim Jolamanuly 1985 jyly Atyraý oblysynyń Qyzylqoǵa aýdanynda dúnıege kelgen. 2006 jyly H.Dosmuhamedov atyndaǵy Atyraý memlekettik ýnıversıtetin «Memlekettik jáne jergilikti basqarý» mamandyǵymen, 2010 jyly RF Prezıdenti janyndaǵy memlekettik qyzmet akademııasyn bitirgen. Ekonomıka ǵylymdarynyń magıstri.
Eńbek jolyn 2006-2007 jyldary «Atyraý-Aqparat» kommýnaldyq memlekettik kásipornynda bastaǵan. 2010-2011 jyldary «Turan» JShS dırektory, «Qazaqstan» RTRK Atyraý oblystyq fılıaly dırektorynyń orynbasary – bas redaktor bolyp jumys istegen. 2011-2012 jyldary «Atyraý-Aqparat» KMK tóraǵasy, 2012-2016 jyldary oblystyq jastar saıasaty basqarmasynyń basshysy, 2016-2019 jyldary oblys ákimi apparat basshysynyń orynbasary, Atyraý qalasy ákiminiń orynbasary laýazymyn atqarǵan. 2019-2021 jyldary Inder aýdanynyń ákimi, 2021-2022 jyldary «Nur Otan» partııasy Atyraý oblystyq fılıaly tóraǵasynyń birinshi orynbasary bolǵan. 2022 jylǵy naýryzdan 2023 jylǵy shildege deıin Atyraý qalasynyń ákimi laýazymyn atqardy.
Aqtóbe oblystyq tilderdi damytý basqarmasynyń basshysy bolyp Amangeldi Qonaqbaev taǵaıyndaldy.
Ol 1977 jyly Aqtóbe oblysynyń Shalqar aýdanynda dúnıege kelgen. 1997 jyly Q.Jubanov atyndaǵy Aqtóbe ýnıversıtetin, 2007 jyly Qazaq gýmanıtarlyq zań ýnıversıtetin támamdaǵan.
Eńbek jolyn 1997 jyly Shalqar aýdanynda qarapaıym mektep muǵalimimen bastap, tárbıe isi jónindegi orynbasary, mektep dırektory qyzmetine deıin kóterilgen. 2016-2018 jyldary Shalqar aýdanynyń bilim bólimin basqarǵan. 2018 jyldyń sáýir aıynan bastap Shalqar aýdany ákiminiń áleýmettik máseleleri boıynsha orynbasary qyzmetin atqaryp keldi.
Sonymen birge, QR Mádenıet jáne aqparat vıtse-mınıstrleri qyzmetine Danııar Ramazanuly Qadyrov, Qanat Jumabaıuly Ysqaqov, Evgenıı Dmıtrıevıch Kochetov jáne Arman Ádilhanuly Júdebaev taǵaıyndaldy.
Danııar Qadyrov Mádenıet jáne aqparat vıtse-mınıstri bolyp taǵaıyndaldy. Ol 1975 jyly Almaty qalasynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin bitirgen. Eńbek jolyn 1999 jyly QR Mádenıet, aqparat jáne qoǵamdyq kelisim mınıstrligi Buqaralyq aqparat quraldary departamentiniń jetekshi mamany bolyp bastaǵan.
D. adyrov 2000-2004 jyldary QR Mádenıet mınıstrliginiń qurylymynda túrli qyzmetterde jumys istegen. 2004-2005 jyldary QR BǴM Jastar saıasaty departamenti dırektorynyń orynbasary, Jastar jáne áleýmettik baǵdarlamalar basqarmasynyń basshysy, 2005-2007 jyldary Stepnogorsk qalasy ákiminiń orynbasary, 2007 jyly QR Prezıdenti Ákimshiliginiń Memlekettik baqylaý jáne uıymdastyrý jumysy bóliminiń sektor meńgerýshisi boldy. 2007-2013 jyldary QR Mońǵolııadaǵy elshiliginiń keńesshi-ýákili, 2013-2015 jyldary QR Túrikmenstandaǵy elshiliginiń keńesshi-ýákili, 2015-2019 jyldary «QR teleradıo habarlaryn taratý operatorlarynyń qaýymdastyǵy» ZTB atqarýshy dırektory bolǵan.
Sondaı-aq 2019-2022 jyldary QR Prezıdenti Ákimshiliginiń Ótinishterdi qaraýdy baqylaý bólimi meńgerýshisiniń orynbasary boldy. 2022 jyldan bastap qazirge deıin QR Aqparat jáne qoǵamdyq damý vıtse-mınıstri qyzmetin atqardy.
Qanat Ysqaqov 1982 jyly Shymkent qalasynda týǵan, ál-Farabı atyndaǵy Qazaq ulttyq ýnıversıtetin, M.V.Lomonosov atyndaǵy Máskeý memlekettik ýnıversıtetin bitirgen. Eńbek jolyn 2005 jyly Almaty qalasy Memlekettik jastar saıasatyn damytý qorynyń jetekshi mamany retinde bastaǵan.
Ár jyldary ártúrli memlekettik qurylymdarda, sonyń ishinde QR Parlamenti Májilisinde, QR Prezıdenti Ákimshiligi Memlekettik hatshysynyń hatshylyǵynda, QR Prezıdenti Ákimshiligi Strategııalyq ázirlemeler jáne taldaý ortalyǵynda jumys istegen. 2012-2021 jyldary QR Prezıdenti Ákimshiligi Baspasóz qyzmetiniń sektor meńgerýshisi qyzmetin atqarǵan, 2021-2023 jyldary QR Aqparat jáne qoǵamdyq damý mınıstrligi Aqparat komıtetiniń tóraǵasy, 2023 jyldyń qańtarynan bastap osy ýaqytqa deıin QR aqparat jáne qoǵamdyq damý vıtse-mınıstri boldy.
Evgenıı Kochetov 1988 jyly Astana qalasynda dúnıege kelgen. Qazaq gýmanıtarlyq zań ýnıversıtetin, M.V.Lomonosov atyndaǵy Máskeý memlekettik ýnıversıtetin bitirgen.
Ol 2009-2013 jyldar aralyǵynda «Jas Otan» JQ jáne «Nur Otan» HDP ortalyq apparatynyń túrli qurylymdyq bólimshelerinde keńesshi, sarapshy, konsýltant bolyp jumys istedi. Ár jyldary jeke menshik kommertsııalyq qurylymdarda jumys istedi. 2016 jyly «Qazkontent» AQ Kaztube.kz vıdeoportalynyń jetekshisi bolyp taǵaıyndaldy. 2016-2017 jyldary Qazaqstan Aqparat jáne kommýnıkatsııalar mınıstrligi Ortalyq kommýnıkatsııalar qyzmetiniń dırektory, 2017-2018 jyldary «Qazkontent» AQ basqarma tóraǵasy, 2018-2019 jyldary «Nur Otan» partııasynyń Strategııalyq bastamalar ınstıtýty dırektorynyń orynbasary qyzmetin atqardy.
2019-2020 jyldary «Rýhanı Jańǵyrý» KEAQ qazaqstandyq qoǵamdyq damý ınstıtýty basqarma tóraǵasynyń keńesshisi, 2020-2023 jyldary «Medıa damytý qory» korporatıvtik qorynyń bas dırektory, 2023 jyldan bastap osy ýaqytqa deıin QR aqparat jáne qoǵamdyq damý vıtse-mınıstri boldy.
Arman Júdebaev 1986 jyly Almaty oblysynda dúnıege kelgen. Qurmanǵazy atyndaǵy Qazaq ulttyq konservatorııasyn támamdaǵan. Eńbek jolyn 2006 jyly «Almaty áýenderi» MKQK-da ártis-aspapshy qyzmetinen bastaǵan.
2007-2009 jyldary «Qurmanǵazy atyndaǵy Qazaq memlekettik akademııalyq halyq aspaptary orkestri» RMQK dombyra tobynyń ártisi, 2009-2013 jyldary «Qurmanǵazy atyndaǵy Qazaq ulttyq konservatorııasy» RMM-de oqytýshy, aǵa oqytýshy, 2013-2018 jyldary «Qurmanǵazy atyndaǵy Qazaq memlekettik akademııalyq halyq aspaptary orkestri» RMQK bas dırıjeri bolǵan.
Sonymen birge, 2018-2023 jyldary «Qurmanǵazy atyndaǵy Qazaq ulttyq konservatorııasy» RMM rektory, 2023 jylǵy mamyr-shilde aralyǵy QR Mádenıet jáne sport mınıstrligi Mádenıet komıtetiniń tóraǵasy qyzmetin atqardy. Al 2023 jyldyń shilde aıynan bastap qazirgi ýaqytqa deıin QR mádenıet jáne sport vıtse-mınıstri boldy.
QR Qorǵanys mınıstriniń buıryǵymen Jazyqbaev Shaıh-Hasan Satarqululy QK Bas shtaby bastyǵynyń orynbasary bolyp taǵaıyndaldy.
Qazaqstan armııasynda general-maıor Shaıh-Hasan Jazyqbaev áskerı ýchılışe kýrsantynan bastap «Astana» óńirlik qolbasshylyǵy áskerleriniń qolbasshysyna deıingi laýazymdyq joldan ótti. Ár jyldary ol jaýyngerlik jáne bitimgerlik daıyndyq boıynsha jaýapty qyzmetter atqardy. Ol birneshe áskerı bólimderdiń komandıri, shtab bastyǵy – «Batys» ÓńQ áskerleri qolbasshysynyń birinshi orynbasary boldy.
Ol 1999 jyly Penza joǵary artıllerııalyq ınjenerlik ýchılışesin úzdik bitirdi, 2013 jyly Ulttyq qorǵanys ýnıversıtetin, 2019 jyly Reseı Federatsııasy QK Bas shtabynyń Áskerı akademııasyn bitirdi. Irak Respýblıkasyndaǵy ınjenerlik-saperlik jasaq quramynda bitimgerlik operatsııaǵa qatysty. II dárejeli «Aıbyn» ordenimen, vedomstvolyq nagradalarmen jáne mereıtoılyq medaldarmen marapattalǵan.
«QazMunaıGaz» UK AQ dırektorlar keńesiniń quramynda aýys-túıis boldy. QMG aktsıonerleriniń kezekten tys jalpy jınalysynyń qorytyndysy boıynsha Asqar Orazalyuly Shákirov QMG dırektorlar keńesiniń múshesi, táýelsiz dırektory bolyp saılandy.
Asqar Shákirov 1978 jyly M.V.Lomonosov atyndaǵy MMÝ janyndaǵy Azııa jáne Afrıka elderi ınstıtýtyn támamdaǵan. Buǵan deıin Eýropadaǵy qaýipsizdik jáne yntymaqtastyq jónindegi uıymynyń Parlamenttik Assambleıasy tóraǵasynyń orynbasary qyzmetin atqardy.
Sondaı-aq QR Parlamenti Senatynyń depýtaty, QR Parlamenti Senaty tóraǵasynyń orynbasary, QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń tóraǵasy boldy.
Óńirlerge oıyssaq, Astana qalasynyń Sáýlet, qala qurylysy jáne jer qatynastary basqarmasynyń basshysy qyzmetine Altynbek Ahmetov taǵaıyndaldy.
Altynbek Janatuly 2006 jyly Sáken Seıfýllın atyndaǵy Qazaq memlekettik agrotehnıkalyq ýnıversıtetin «Qalalyq kadastr» mamandyǵy boıynsha, Toraıǵyrov ýnıversıtetin 2023 jyly «Sáýlet» mamandyǵy boıynsha bitirgen.
Ol eńbek jolyn 2005 jyly «Astanagorarhıtektýra» JShS topogeodezııa bóliminiń tehnık-geodezısti qyzmetinen bastady. 2006 jyly «AstanagorNPTszem» EMK tehnıgi boldy. 2007-2013 jyldar aralyǵynda «Astana qalasy jer qatynastary basqarmasy» Jer kadastry bóliminiń bas mamany, basshysy qyzmetterin atqardy. 2013-2015 jyldar aralyǵynda «Astana qalasy jer qatynastary basqarmasy» basshysynyń orynbasary boldy. 2016-2019 jyldary «Almaty qalasy jer qatynastary basqarmasynyń» basshysy laýazymyn atqardy. 2023 jylǵy mamyrdan bastap qazirgi ýaqytqa deıin Astana qalasynyń Sáýlet, qala qurylysy jáne jer qatynastary basqarmasy basshysynyń orynbasary.
Shymkent qalasy ákiminiń orynbasary qyzmetine Sársen Abaıuly Quranbek taǵaıyndaldy.
Sársen Abaıuly 1976 jyly Almaty oblysy Kerbulaq aýdany Qyzyljar aýylynda týǵan. ál-Farabı atyndaǵy Qazaq ulttyq memlekettik ýnıversıtetin bitirgen. Sondaı-aq qazaqtyń sport jáne týrızm akademııasy men «Qaztutyný» odaǵy Qaraǵandy ekonomıkalyq ýnıversıtetiniń túlegi. Mamandyǵy – fılosofııa, dene shynyqtyrý mádenıetiniń oqytýshysy, karate jattyqtyrýshysy, quqyqtanýshy.
S.Quranbek eńbek jolyn 1995 jyly Almaty qalasyndaǵy «№ 4 olımpıadalyq rezervtegi mamandandyrylǵan balalar-jasóspirimder mektebi» memlekettik kommýnaldyq qazynalyq kásipornynyń jattyqtyrýshy-oqytýshysy bolyp bastady. 2003-2023 jyldar aralyǵynda jeke sektorda jáne ortalyq memlekettik organdarda jaýapty basshylyq qyzmetter atqardy. 2023 jyldyń aqpan aıynan bastap búginge deıin Mádenıet jáne sport vıtse-mınıstri laýazymynda eńbek etti.
Túrkistan oblysy Aýyl sharýashylyǵy basqarmasynyń basshysy bolyp Nurbek Badyraqov taǵaıyndaldy.
Nurbek Baqtybaıuly 1988 jyly 11 maýsymda Ońtústik Qazaqstan oblysynda dúnıege kelgen. Bilimi joǵary. M.Áýezov atyndaǵy Ońtústik Qazaqstan memlekettik ýnıversıtetin bitirgen. Sondaı-aq M.Dýlatı atyndaǵy Taraz memlekettik ýnıversıteti men Qazaqstan halyqtar dostyǵy ýnıversıtetiniń túlegi. Mamandyǵy – sý resýrstary jáne sýdy paıdalaný, quqyqtaný.
Nurbek Baqtybaıuly eńbek jolyn 2009 jyly Ońtústik Qazaqstan oblysy Aýyl sharýashylyǵy basqarmasynda statıst bolyp bastady. 2010 jyly Ońtústik Qazaqstan oblysy Aýyl sharýashylyǵy basqarmasynyń aýyl sharýashylyq ónimderin qaıta óńdeý jáne jańa tehnologııalardy engizý bóliminiń jetekshi mamany, 2012 jyly Ońtústik Qazaqstan oblysy aýyl sharýashylyǵy basqarmasynyń egin jáne sý sharýashylyǵy bóliminiń basshysy, 2013-2015 jyldar aralyǵynda Ońtústik Qazaqstan oblysy Aýyl sharýashylyǵy basqarmasy basshysynyń orynbasary qyzmetin atqardy.
2016-2017 jyldar aralyǵynda «QazAgro» ulttyq basqarýshy holdıngi» AQ ETU qyzmetin taldaý jáne damytý departamentinde bas menedjer, QR Parlamenti Májilisinde depýtat kómekshisi, Qazaqstan Aýyl sharýashylyǵy mınıstrliginiń agroónerkásiptik keshendegi memlekettik ınspektsııa komıtetiniń Ońtústik Qazaqstan oblystyq aýmaqtyq ınspektsııasynyń basshysy, Shymkent qalasy ákimi apparatynyń basshysy boldy. 2018-2022 jyldyń shildesine deıin Túrkistan oblysy Aýyl sharýashylyǵy basqarmasynyń basshysy bolyp eńbek etti. 2022-2023 jyldar aralyǵynda Ordabasy aýdanynyń ákimi laýazymyn atqardy.
Soltústik Qazaqstan oblysy mádenıet, tilderdi damytý jáne arhıv isi basqarmasyn endi Erjan Qulymbetov basqarady.
Erjan Meırambekuly Qyzylorda qalasynda dúnıege kelgen. Reseıdiń Máskeý qalasyndaǵy teatr óneri ýnıversıtetin akterlik sheberlik mamandyǵy boıynsha támamdaǵan. 2008-2010 jyldar aralyǵynda Italııanyń Mılan qalasynda mýzykalyq teatrda tájirıbe jınaǵan. Eńbek jolyn 2005 jyly Baıqonyr qalasyndaǵy mádenıet saraıynda mýzykalyq súıemeldeýshi bolyp bastady.
Túrli jyldary E.Qulymbetov Almaty qalasyndaǵy Qazaq ulttyq óner akademııasynda vokal boıynsha oqytýshy, Astana qalasyndaǵy oqýshylar saraıynda bas rejısser, Qazaq ulttyq óner ýnıversıtetinde «akterlik sheberlik pen óner» kafedrasynyń aǵa oqytýshysy bolyp eńbektengen. Sondaı-aq Qazaq ulttyq óner ýnıversıtetinde tárbıe jáne jastar saıasaty bóliminiń basshysy laýazymynda qyzmet etti.
2021 jyldan 2023 jyldyń mamyryna deıin Astana qalasyndaǵy Qazaq ulttyq ýnıversıtetindegi «sazdy-drama jáne qýyrshaq teatry» kafedrasynyń aǵa oqytýshysy qyzmetinde jumys istedi. Al buǵan deıin basqarma basshysy bolǵan Dosbol Ábdirısov «Bolashaq» baǵdarlamasy boıynsha shetelge oqýǵa ketti.
