Apta ishinde elimizde bolǵan kadrlyq taǵaıyndaýlar
Ótip bara jatqan apta ishinde ortalyq jáne jergilikti memlekettik organdarda birqatar kadrlyq aýys-túıis boldy, dep habarlaıdy Kazinform.
Úkimet qaýlysymen Nurlan Aldamjarov Sý resýrstary jáne ırrıgatsııa vıtse-mınıstri bolyp taǵaıyndaldy.
Nurlan Aldamjarov 1975 jyly dúnıege kelgen. Tashkent ınjenerlik ırrıgatsııa jáne mehanızatsııa aýyl sharýashylyǵy ınstıtýtyn bitirgen.
Eńbek jolyn 1999 jyly «Tashoblmelıovodstroı» trestiniń №5 mehanıkalandyrylǵan óndiristik kolonnasynyń 4 razrıadty montajnıgi, sheberi bolyp bastaǵan. 2002-2008 jyldary Tashkent jáne Shymkenttiń kommýnaldyq kásiporyndarynda túrli qyzmetterde jumys istedi.
2008-2012 jyldary – Ońtústik Qazaqstan oblysynyń Tabıǵı resýrstar jáne tabıǵatty paıdalanýdy retteý basqarmasy Sý resýrstaryn retteý jáne qorǵaý bóliminiń jetekshi mamanynyń m.a., jetekshi mamany, bas mamany.
2012-2014 jyldary – Ońtústik Qazaqstan oblysynyń Energetıka jáne turǵyn úı-kommýnaldyq sharýashylyq basqarmasy Aýyz sýmen qamtamasyz etý bóliminiń bas mamany, basshysy, basqarma basshynyń orynbasary. 2015 jyly OQO-nyń TKSh jáne jolaýshylar kóligi basqarmasynyń basshysy bolyp taǵaıyndaldy. 2015-2016 jyldary – «Nur Otan» partııasynyń ortalyq apparatynyń uıymdastyrý-baqylaý jumysy departamentiniń dırektory, partııalyq baqylaý qyzmetiniń basshysy.
2016 jyly QR AShM Sý resýrstary komıteti «Qazsýshar» RMK-nyń gıdrotehnıkalyq qurylys bóliminiń jetekshi mamany boldy. 2016-2018 jyldary – QR AShM Sý resýrstary komıteti tóraǵasynyń orynbasary. 2018-2020 jyldary – Jambyl oblysy ákimdiginiń Energetıka jáne TKSh basqarmasynyń basshysy. 2020-2023 jyldary – QR Ekologııa, geologııa jáne tabıǵı resýrstar mınıstrligi Sý resýrstary komıtetiniń tóraǵasy.
Abaı oblysynyń mádenıet, tilderdi damytý jáne arhıv isi basqarmasynyń basshysy qyzmetine Názıra Idrısova taǵaıyndaldy.
Názıra Tasbolatqyzy 1987 jyly 10 maýsymda Semeı qalasynda dúnıege kelgen. Semeı memlekettik pedagogıkalyq ınstıtýtyn shet tilderi mamandyǵy boıynsha, Shákárim atyndaǵy Semeı memlekettik ýnıversıtetin «memlekettik jáne jergilikti ózin-ózi basqarý» mamandyǵy boıynsha jáne Prezıdent janyndaǵy Memlekettik basqarý akademııasyn «memlekettik saıasat» mamandyǵy boıynsha bitirgen.
Eńbek jolyn 2009 jyly Boras orta mektebinde aǵylshyn tili pániniń muǵalimi bolyp bastaǵan. 2012 jyly Besqaraǵaı aýdanynyń ishki saıasat, mádenıet jáne tilderdi damytý bóliminiń jetekshi mamany, 2012-2014 jyldary «Nur Otan» partııasy Besqaraǵaı aýdandyq fılıaly tóraǵasynyń birinshi orynbasary boldy. 2014-2015 jyldary Aıagóz aýdanynyń mádenıet, tilderdi damytý, dene shynyqtyrý jáne sport bóliminiń basshysy bolyp eńbek etti.
2015 jyly QR Mádenıet jáne sport mınıstrligi til komıtetiniń qoǵamdyq-saıası, normatıvtik-lıngvıstıkalyq jumystardy damytý basqarmasynyń bas sarapshysy bolyp taǵaıyndaldy. 2015-2022 jyldary Besqaraǵaı aýdanynyń ishki saıasat, mádenıet, tilderdi damytý jáne sport bóliminiń basshysy laýazymyn atqardy. Osy laýazymǵa taǵaıyndalǵanǵa deıin Abaı oblysy mádenıet, tilderdi damytý jáne arhıv isi basqarmasy basshysynyń orynbasary bolǵan.
Qarqaraly aýdanynyń ákimi qyzmetin atqarǵan Erlan Qusaıyn Qaraǵandy oblysy ákiminiń orynbasary bolyp taǵaıyndaldy.
Erlan Qusaıynnyń úsh joǵary bilimi bar: E. A. Bóketov atyndaǵy Qaraǵandy memlekettik ýnıversıtetin «qazaq tili men ádebıetiniń oqytýshysy» mamandyǵy boıynsha, Qaztutyný odaǵynyń Qaraǵandy ekonomıkalyq ýnıversıtetin «ekonomıka salasyndaǵy quqyqtyq retteý» mamandyǵy boıynsha, QR Prezıdenti janyndaǵy Memlekettik basqarý akademııasynyń magıstratýrasyn bitirgen.
Eńbek jolyn 1999 jyly qazaq tili pániniń muǵalimi bolyp bastaǵan. 2007 jyldan beri memlekettik qyzmette. Qaraǵandy oblysy kásipkerlik jáne ónerkásip departamentiniń qarjy, uıymdastyrý jáne kadr jumysy bóliminiń bas mamany bolyp jumys istedi. 2008 jyldan 2014 jylǵa deıin Qaraǵandy oblysy ákiminiń baspasóz qyzmetinde túrli qyzmetter atqardy. Sodan keıin Buqar jyraý aýdany ákiminiń orynbasary bolyp jumys istedi.
2015 jyldan 2018 jylǵa deıin oblys ákimi apparatynyń Qazaqstan halqy Assambleıasy hatshylyǵynyń basshysy boldy. Qaraǵandy oblysy ákimi apparatynyń «Qoǵamdyq kelisim» memlekettik mekemesiniń dırektory, ishki saıasat basqarmasy basshysynyń orynbasary jáne osy basqarmanyń basshysy boldy. 2022 jyldyń sáýirinen bastap Qarqaraly aýdanynyń ákimi qyzmetin atqardy.
QR Memlekettik qyzmet isteri agenttiginiń kelisimi boıynsha, oblys ákiminiń ókimimen Azamat Muratuly Aǵeleýov Batys Qazaqstan oblysynyń memlekettik sáýlet-qurylys baqylaýy basqarmasynyń basshysy laýazymyna taǵaıyndaldy.
Azamat Aǵeleýov 1980 jyly dúnıege kelgen. Bilimi joǵary. Batys Qazaqstan memlekettik ýnıversıtetin ekonomıka jáne menedjment, Batys Qazaqstan ınjenerlik-tehnologııalyq ýnıversıtetin qurylys mamandyǵy boıynsha bitirgen.
Ár jyldary Oral qalasy turǵyn úı-kommýnaldyq sharýashylyǵy, jolaýshy kóligi jáne avtomobıl joldary bólimi bastyǵynyń orynbasary, Atyraý oblysynyń tótenshe jaǵdaılar departamenti qarjy basqarmasynyń bastyǵy, Oral qalasy qurylys bóliminiń bastyǵy boldy.
Sondaı-aq Oral qalasy turǵyn úı-kommýnaldyq sharýashylyǵy, jolaýshy kóligi jáne avtomobıl joldary bóliminiń bastyǵy, BQO qurylys basqarmasy bastyǵynyń orynbasary, Bórli aýdany ákiminiń orynbasary, «Embimunaıgaz» AQ ınvestıtsııalyq taldaý departamentiniń aǵa taldaýshysy, «Altım» qurylys fırmasy» JShS bas dırektory bolyp jumys istedi.
Taǵaıyndaýǵa deıin «Samruk-Kazyna Construction» AQ ulttyq jobany iske asyrý jáne óńirlik damý departamentiniń óńirlik joba basshysy qyzmetin atqardy.
Saǵynǵazy Jumaseıit Aqtóbe oblysy qazynashylyq departamentiniń basshysy bolyp taǵaıyndaldy
Qazynashylyq komıtetiniń málimetine súıensek, Saǵynǵazy Jumaseıit buǵan deıin osy komıtette jergilikti bıýdjetter boıynsha esep berý basqarmasynyń bas sarapshy-bas qazynashysy bolyp jumys istegen.
QR Ulttyq qaýipsizdik komıteti Túrkistan oblysy boıynsha departamentiniń basshysy taǵaıyndaldy.
Bul laýazymǵa ulttyq qaýipsizdik general-maıory Qalmurzaev Bolat Aıýbaıuly keldi.
B.Qalmurzaev buǵan deıin Ulttyq qaýipsizdik komıtetiniń Qyzylorda oblysy boıynsha departamentiniń basshysy qyzmetin atqardy.
Prezıdent Ákimshiliginiń jáne aýdandyq máslıhat depýtattarynyń kelisimi boıynsha Aqmola oblysy ákiminiń ókimimen ıÝrıı Kýrýshın Egindikól aýdanynyń ákimi bolyp taǵaıyndaldy.
ıÝrıı Vıktorovıch Kýrýshın 1976 jyly Aqmola oblysy Shortandy aýdanynda týǵan. «Qaztutynýodaǵy» Qaraǵandy ekonomıkalyq ýnıversıtetin «ekonomıst-býhgalter» mamandyǵy boıynsha bitirgen. Ekonomıka ǵylymdarynyń magıstri.
Eńbek jolyn 1995 jyly Shortandy aýdany boıynsha Salyq komıtetiniń salyq ınspektory bolyp bastaǵan. 1995-2006 jyldary Shortandy aýdany boıynsha salyq komıtetiniń ártúrli jaýapty laýazymdarynda jumys istedi.
2006-2018 jyldary Aqkól, Jaqsy aýdandary boıynsha salyq basqarmalarynyń bastyǵy, ekonomıka jáne qarjy bóliminiń basshysy, sodan keıin 2018 jylǵy shildege deıin Aqkól aýdany ákimi apparatynyń basshysy bolyp eńbek etti. 2018 jyldyń shildesinen 2021 jyldyń qarashasyna deıin Aqkól aýdany ákiminiń orynbasary boldy. Bıylǵy qyrkúıek aıyna deıin Aqkól aýdanynyń ákimi qyzmetin atqardy.
Álııa Ospanova Bolashaq baǵdarlamasynyń ákimshisi bolyp tabylatyn Halyqaralyq baǵdarlamalar ortalyǵyn basqarady.
Ol 1987 jyly 15 tamyzda Taldyqorǵan qalasynda dúnıege kelgen. Qazaqstan-Brıtan Tehnıkalyq Ýnıversıtetiniń, Imperııalyq kolledjiniń (Ulybrıtanııa) jáne Quantic bıznes mektebiniń (AQSh) túlegi. Bilim jáne ǵylym salasyndaǵy halyqaralyq sarapshy. Qazaq, orys, aǵylshyn tilderin meńgergen.
10 jyldan astam halyqaralyq uıymdarda (Microsoft, Ericsson, RELX Group (Elsevier), sondaı-aq memlekettik jáne kvazımemlekettik sektorda basshylyq qyzmetter atqardy, odan bólek TMD elderinde bilim men ǵylymdy damytý jónindegi memlekettik baǵdarlamalardy ázirleýge qatysty.
«Azamattarǵa arnalǵan úkimet» memlekettik korporatsııasynyń basqarma tóraǵasy bolyp Arman Kenjeǵalıev taǵaıyndaldy.
Arman Shoqanuly Qazaq gýmanıtarlyq-zań ýnıversıtetin, «Qaınar» ýnıversıtetin jáne Sheffıld ýnıversıtetin bitirgen. Mamandyǵy boıynsha biliktiligi-ekonomıst, zańger, memlekettik basqarý jáne memlekettik saıasat salasyndaǵy magıstr.
Eńbek jolyn 1999 jyly kommertsııalyq uıymda zańger bolyp bastaǵan. 2002-2003 jyldary «Qazposhta» AQ «Astana pochtamt"AF quqyqtyq jumys boıynsha bas mamany bolyp jumys istedi.
2003-2012 jyldary QR Ádilet mınıstrliginiń qurylymynda túrli laýazymdarda jumys istegen.
2012-2017 jyldary QR Premer-Mınıstri keńsesiniń ındýstrııalyq-ınnovatsııalyq damý bóliminiń bas sarapshysy, keńesshisi boldy.
2017-2018 jyldary — QR Ádilet mınıstrliginiń Tirkeý qyzmeti jáne zań qyzmetterin uıymdastyrý departamenti dırektorynyń orynbasary. 2018-2020 jyldary — dırektordyń orynbasary; QR Ádilet mınıstrliginiń Zańǵa táýeldi aktiler departamentiniń dırektory.
2020 jyldyń tamyz aıynan bastap QR Ádilet mınıstrliginiń zańnama departamentiniń dırektory qyzmetin atqardy. 2021 jylǵy 26 mamyrdan bastap qazirgi taǵaıyndaýǵa deıin — QR tsıfrlyq damý, ınnovatsııalar jáne aeroǵarysh ónerkásibi mınıstrligi apparatynyń basshysy.
