Apta ishinde bolǵan kadrlyq taǵaıyndaýlar
Ótip bara jatqan apta ishinde elimizdiń ortalyq jáne jergilikti atqarýshy organdarynda birqatar kadrlyq aýys-túıis boldy, dep habarlaıdy Kazinform.
QR Úkimetiniń qaýlysymen Dınara Rınatqyzy Şeglova Ǵylym jáne joǵary bilim vıtse-mınıstri qyzmetine taǵaıyndaldy.
Dınara Şeglova 1982 jyly Semeı qalasynda týǵan. L.N. Gýmılev atyndaǵy Eýrazııa ulttyq ýnıversıtetin, T. Rysqulov atyndaǵy Qazaq ekonomıkalyq ýnıversıtetin, Qazaq ekonomıka, qarjy jáne halyqaralyq saýda ýnıversıtetin bitirgen. 2004-2006 jyldary – QR Aqparattandyrý jáne baılanys jónindegi agenttigi bóliminde bas maman. Ár jyldary kommertsııalyq qurylymdarda eńbek etti.
2011-2018 jyldary – «Zerde» ulttyq ınfokommýnıkatsııalyq holdıngi» AQ-da bas menedjer, departament dırektory, basqarýshy dırektor, tóraǵa keńesshisi, basqarma tóraǵasynyń orynbasary.
2018-2019 jyldary – QR Aqparat jáne kommýnıkatsııalar vıtse-mınıstri. 2019-2020 jyldary – QR Premer-Mınıstriniń keńesshisi.
2020 jyldan bastap qazirgi ýaqytqa deıin – QR Indýstrııa jáne ınfraqurylymdyq damý vıtse-mınıstri.
Qazaqstan Respýblıkasy Úkimetiniń qaýlysymen Serik Maratuly Jarasbaev týrızm jáne sport vıtse-mınıstri qyzmetine taǵaıyndaldy.
Serik Jarasbaev 1984 jyly Soltústik Qazaqstan oblysynda dúnıege kelgen. M. Qozybaev atyndaǵy Soltústik Qazaqstan memlekettik ýnıversıtetin, Reseı halyqaralyq olımpıada ýnıversıtetin támamdaǵan. Ár jyldary bokstan jattyqtyrýshy-oqytýshy, Petropavl qalasy BJSM nusqaýshysy, SQO dene shynyqtyrý jáne sport basqarmasynyń bas mamany, bólim bastyǵy bolyp jumys istedi.
2011-2012 jyldary — QR MSM Sport komıteti ǵylymı-ádistemelik qamtamasyz etý, ınnovatsııalyq tehnologııa jáne bilim basqarmasynyń sarapshysy, bas sarapshysy. 2012-2014 jyldary — QR Sport jáne dene shynyqtyrý isteri agenttigi departamentiniń basqarma basshysy, Joǵary jetistikter sporty jáne sport rezervi departamentiniń dırektory. 2014-2018 jyldary — QR MSM Sport jáne dene shynyqtyrý isteri komıteti tóraǵasynyń orynbasary. 2018-2019 jyldary — QR MSM Sport jáne dene shynyqtyrý isteri komıtetiniń tóraǵasy. 2019-2021 jyldary — QR MSM Sport jáne dene shynyqtyrý isteri komıteti tóraǵasynyń orynbasary. 2021 jyly — «Qazaqstandyq kerlıng, edendik kerlıng jáne petanga federatsııasy» RQB birinshi vıtse-prezıdenti. 2021-2023 jyldary — QR mádenıet jáne sport vıtse-mınıstri. 2023 jyldan bastap qazirgi ýaqytqa deıin — «Almaty» olımpıadalyq daıarlaý ortalyǵy RMQK dırektory.
Aptanyń basynda Jetisý oblysy ákiminiń ókimimen Marlen Qapashuly Kólbaev oblys ákiminiń orynbasary bolyp taǵaıyndalǵany málim boldy.
M. Qapashuly 1976 jyly týǵan, bilimi joǵary. «Jetisý» ınstıtýtyn «ekonomıka jáne menedjment», Ó.A.Joldasbekov atyndaǵy ekonomıka jáne quqyq akademııasyn «ıýrısprýdentsııa» mamandyqtary boıynsha bitirdi. Eńbek jolyn Іshki ister basqarmasy kúzet bóliminiń polıtsııa qyzmetkeri bolyp bastaǵan. Birshama jyl «Jetisý» ekonomıkalyq ınstıtýtynda túrli qyzmetter atqardy.
Keıin Taldyqorǵan qalasynyń kásipkerlik bóliminiń bastyǵy, Taldyqorǵan qalasy ákiminiń orynbasary, «Jetisý» ÁKK» UK» AQ agroónerkásip kesheni departamentiniń bas menedjeri, Taldyqorǵan qalalyq adamı resýrstardy basqarý departamentinde jobalardy basqarýdyń bas menedjeri, «JetisýAgroSaýda» JShS-nyń Taldyqorǵan aımaǵy boıynsha bastyǵy, Taldyqorǵan qalasy ákimi apparatynyń basshysy, qala ákiminiń orynbasary, Almaty oblysynyń Mádenıet, arhıvter jáne qujattama basqarmasynyń basshysy laýazymdaryn atqardy. 2022 jyldyń tamyz aıynan Kóksý aýdanynyń ákimi boldy.
Óskemen qalasy ákiminiń orynbasary qyzmetine Qaırat Tánekenov taǵaıyndaldy.
Qaırat Áýelbekuly 1985 jyly 23 tamyzda Óskemen qalasynda dúnıege kelgen. 4 joǵary bilimi bar. Atap aıtqanda, ekonomıka, quqyq, tehnıka jáne kólik qurylysy mamandyqtary. Eńbek jolyn 2007 jyly Almaty qalasy «ATF Bank» aktsıonerlik qoǵamynyń nesıeleý bóliminiń shaǵyn kásipkerlikti nesıeleý sektorynyń mamany bolyp bastady. Jalpy eńbek ótili – 19 jyl. Onyń ishinde memlekettik qyzmet ótili 9 jyl 3 aıdy quraıdy. Basshylyq laýazymdardaǵy jumys tájirıbesi 12 jyldan asady. 2015 jyldyń jeltoqsan aıynan 2018 jyldyń maýsym aıyna deıin Shyǵys Qazaqstan oblysy boıynsha memlekettik sáýlet-qurylys baqylaý basqarmasynda bas maman, keıin lıtsenzııalaý jáne attestattaý bóliminiń basshysy qyzmetterin atqardy. 2019 jyldyń qazanynan 2021 jyldyń qyrkúıegine deıin Óskemen qalasy qarjy bóliminiń basshysy bolyp eńbek etti. Osy ýaqytqa deıin Óskemen qalalyq qurylys bóliminiń basshysy boldy.
QR Prezıdenti Ákimshiliginiń jáne aýdandyq máslıhat depýtattarynyń kelisýi boıynsha Aqmola oblysy ákiminiń ókimimen Ardaq Smaıylov Bulandy aýdanynyń ákimi bolyp taǵaıyndaldy.
Ardaq Dýlatuly 1969 jyly Almaty qalasynda týǵan. «Agronomııa», «qarjy jáne kredıt», «zańtaný» mamandyqtary boıynsha úsh joǵary bilimi bar. 1994 jylǵy tamyzdan beri keden organdarynda jaýapty qyzmetter atqardy. 2015 - 2017 jyldary Almaty oblysy ákiminiń apparatynda taldaý bólim meńgerýshisi, 2020 jylǵy qazanǵa deıin Almaty oblysy ákiminiń keńesshisi bolyp istedi. 2020 - 2022 jyldary - Býrabaı aýdany ákimi apparatynyń basshysy. 2022 jylǵy qyrkúıekten beri Bulandy aýdany ákiminiń orynbasary laýazymyn atqardy.
Sáýle Komýtova Qaraǵandy oblystyq Statıstıka departamentiniń jetekshisi qyzmetine taǵaıyndaldy.
S. Komýtova mamandyǵy boıynsha ekonomıst. Ol memlekettik qyzmette 1998 jyldan bastap qyzmet etip keledi. Stastıtıka, turǵyndar jáne eńbek bóliminiń bas mamany qyzmetinen Qaraǵandy oblystyq Statıstıka departamenti jetekshisiniń orynbasary qyzmetine deıin kóterilgen.
Aqmola oblysy Ádilet departamentiniń basshysy qyzmetine Baýken Serikuly Álmesh keldi.
B. Álmesh 11 jyldan astam ýaqyt memlekettik qyzmette eńbek etip keledi. 2019-2023 jyldar aralyǵynda Qyzylorda oblysy Ádilet departamenti basshysynyń orynbasary qyzmetin atqardy.
