Apta ishinde bolǵan kadrlyq taǵaıyndaýlar
ASTANA. KAZINFORM — Elimizde osy apta ishinde birqatar kadrlyq taǵaıyndaý men qyzmettik ózgeris boldy.
Atap aıtqanda, Úkimettiń qaýlysymen Jaıyq Serikqalıuly Sharabasov QR Oqý-aǵartý vıtse-mınıstri bolyp taǵaıyndaldy.
Jaıyq Sharabasov 1980 jyly Batys Qazaqstan oblysynyń Oral qalasynda dúnıege kelgen. M.Ótemisov atyndaǵy Batys Qazaqstan memlekettik ýnıversıtetin, QR Prezıdenti janyndaǵy Memlekettik basqarý Akademııasyn jáne Ýorık ýnıversıtetin (Ulybrıtanııa) bitirgen.
Eńbek jolyn 2003 jyly jeke qurylymda bastaǵan.
2004–2006 jyldary — Batys Qazaqstan oblysy Іshki saıasat departamentiniń ártúrli bólimderinde bas mamannyń mindetin atqarýshy, bas maman laýazymdaryn atqardy.
2006 jyldan 2010 jylǵa deıin — QR Ádilet mınıstrligi Din isteri komıtetiniń Taldaý jáne aqparattyq-nasıhattaý jumysy bóliminiń bas mamanynyń mindetin atqarýshy, bas mamany.
2010–2012 jyldary Din isteri komıteti, Dinı birlestiktermen jumys basqarmasynyń 1-sanattaǵy sarapshysy bolyp jumys istedi.
2012 jyly — QR Din isteri agenttiginiń Dinı birlestiktermen baılanys basqarmasynyń bas sarapshysy.
2012–2013 jyldary — QR Ekonomıkalyq damý jáne saýda mınıstrliginde, keıinirek QR Ekonomıka jáne bıýdjettik josparlaý mınıstrliginde bas sarapshy.
2013–2014 jyldary — QR Óńirlik damý mınıstrliginiń Aqparattyq qaýipsizdik, mobılızatsııalyq jumys jáne azamattyq qorǵanys basqarmasynyń basshysy.
2014–2016 jyldary — QR Ulttyq ekonomıka mınıstrligi Óńiraralyq yntymaqtastyq, taldaý jáne óńirlerdi baǵalaý departamenti dırektorynyń orynbasary.
2016–2017 jyldary — QR Ulttyq ekonomıka mınıstrligi Óńirlik saıasat, taldaý jáne óńirlerdi baǵalaý departamenti dırektorynyń orynbasary, keıin dırektory.
2017–2019 jyldary — Pavlodar oblysy ákiminiń orynbasary.
2019 jyly QR Indýstrııa jáne ınfraqurylymdyq damý mınıstriniń keńesshisi bolyp jumys istedi.
2019–2023 jyldary — QR Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary.
2023 jyldyń qyrkúıeginen bastap qazirgi ýaqytqa deıin QR Prezıdenti Ákimshiliginiń Áleýmettik-ekonomıkalyq saıasat bólimi meńgerýshisiniń orynbasary qyzmetin atqardy.
Sonymen qatar qala ákiminiń ókimimen Azamat Buharbaıuly Parmanov Shymkent qalalyq jastar saıasaty basqarmasynyń basshysy qyzmetine kiristi.
Azamat Buharbaıuly 1991 jylǵy 29 maýsymda Ońtústik Qazaqstan oblysy, Qazyǵurt aýdany, Turbat aýylynda týǵan, bilimi joǵary. Qazaq gýmanıtarlyq Zań ýnıversıtetin, Qaztutynýodaǵy Qaraǵandy ýnıversıtetin támamdaǵan. Mamandyǵy boıynsha biliktiligi — esep jáne aýdıt, quqyqtaný.
Eńbek jolyn 2014 jyly Soltústik Qazaqstan oblysy, Ýálıhanov aýdandyq memlekettik kirister basqarmasy salyq tóleýshilermen jumys jáne óndirip alý bóliminiń bas mamany laýazymynan bastaǵan.
2014-2016 jj Soltústik Qazaqstan oblysy jáne Astana qalasynda memlekettik kirister basqarmasynda jaýapty qyzmetter atqardy.
2016-2017 jj — Shymkent qalasy Eńbekshi aýdany ákimi apparatynyń halyqpen jumys júrgizý bóliminiń bas mamany.
2017-2018 jj — Shymkent qalalyq ákimi apparaty uıymdastyrý-ınspektorlyq bólimniń bas ınspektory.
2018-2020 jj — Shymkent qalasy Qarataý aýdany ákimi apparatynyń basshysy.
2020-2025 jj — Shymkent qalasy Qarataý aýdany ákiminiń orynbasary.
2025 jyldyń 1 aqpanynan búgingi kúnge deıin Shymkent qalasy Eńbekshi aýdany ákiminiń orynbasary laýazymynda qyzmet atqaryp keldi.
Almaty máslıhatynyń kezekten tys sessııasynda Almaty qalasy boıynsha Tekserý komıssııasynyń tóraǵasy bolyp Ardaq Baıymbetov saılandy.
Ol 2001 jyl Kókshetaý ekonomıka jáne menedjment ınstıtýty, 2013 jyly E.A.Bóketov atyndaǵy Qaraǵandy memlekettik ýnıversıtetin támamdaǵan.
Ár jyldary Respýblıkalyq bıýdjettiń atqarylýyn baqylaý jónindegi Esep komıtetiniń memlekettik aýdıt bóliminiń bas sarapshysy — memlekettik aýdıtory,
Memlekettik basqarý jáne áleýmettik sala aýdıti bóliminiń adamı kapıtaldy damytý aýdıti sektorynyń bas konsýltanty — memlekettik aýdıtory, Áleýmettik sala jáne quqyqtyq tártip aýdıti bóliminiń adamı kapıtaldy damytý aýdıti sektorynyń bas konsýltanty — memlekettik aýdıtory jáne ózge de qyzmetterdi atqarǵan.
Sondaı-aq Qazaqstan Respýblıkasy Prezıdenti Іs basqarmasynyń «Materıaldyq-tehnıkalyq qamtamasyz etý basqarmasy» memlekettik mekemesi basshysynyń orynbasary jáne Qazaqstan Respýblıkasy Energetıka mınıstrliginiń Іshki aýdıt departamentiniń dırektory — memlekettik aýdıtor boldy.
Óńir ákiminiń ókimimen Atyraý oblysy Tabıǵı resýrstar jáne tabıǵat paıdalanýdy retteý basqarmasynyń basshysy qyzmetine Erbolat Omarov kiristi.
Erbolat Omarov 1982 jyly dúnıege kelgen. Ál-Farabı atyndaǵy Qazaq ulttyq ýnıversıtetiniń túlegi.
Eńbek jolyn 2001 jyly sot organdarynda jáne memlekettik qyzmette zańger bolyp bastaǵan. Ár jyldary Atyraý oblysy Tabıǵı resýrstar jáne tabıǵat paıdalanýdy retteý basqarmasy basshysynyń orynbasary jáne basshysy, Maqat aýdanynyń ákimi, Soltústik Qazaqstan oblysy Ekologııa departamentiniń basshysy, Atyraý qalasy ákiminiń orynbasary qyzmetterin atqarǵan.
Qazaqstan Respýblıkasy Bas Prokýrorynyń buıryǵymen aǵa ádilet keńesshisi Ǵalymjan Áýbákirov Petropavl qalasynyń prokýrory laýazymyna taǵaıyndaldy.
Ǵ. Áýbákirov 1976 jyly týǵan. Prokýratýra organdaryndaǵy qyzmetin 2002 jyly bastaǵan. Ár jyldary Qyzyljar, Ýálıhanov, Esil jáne Taıynsha aýdandarynyń prokýrory qyzmetin atqardy.
Zańdylyqty jáne quqyqtyq tártipti nyǵaıtýǵa qosqan úlesi úshin Qazaqstan Respýblıkasy prokýratýrasynyń Qurmetti qyzmetkeri tósbelgisimen marapattalǵan.
Sondaı-aq Qazaqstan Respýblıkasy Bas Prokýrorynyń buıryǵymen aǵa ádilet keńesshisi Aleksandr Trıkachev Soltústik Qazaqstan oblysy prokýrorynyń birinshi orynbasary laýazymyna taǵaıyndaldy.
A.Trıkachev 2000 jyldan bastap prokýratýra organdarynda eńbek etip keledi. Ár jyldary Petropavl qalasy prokýrorynyń orynbasary, prokýrory, Ǵabıt Músirepov atyndaǵy aýdannyń jáne Maǵjan Jumabaev aýdanynyń prokýrory qyzmetterin atqarǵan.
2023 jyldan Soltústik Qazaqstan oblysy prokýrorynyń orynbasary boldy.
Al buǵan deıin Petropavl prokýrory bolǵan ádilet keńesshisi Tynybek Saparov Soltústik Qazaqstan oblysy prokýrorynyń orynbasary laýazymyna taǵaıyndaldy.
T. Saparov 2009 jyldan bastap prokýratýra organdary júıesinde eńbek etip keledi.
Sondaı-aq Qazaqstan Respýblıkasy Bas Prokýrorynyń buıryǵymen ádilet keńesshisi Medet Qafızov Taıynsha aýdanynyń prokýrory laýazymyna taǵaıyndaldy.
M.Q. Qafızov prokýratýra organdary júıesinde 2015 jyldan bastap eńbek etip keledi. Prezıdenttik jastar kadrlyq rezervinde tur.
Ulytaý oblysy ákiminiń orynbasary laýazymyna Nurtas Káripbaev taǵaıyndaldy.
Nurtas Ǵalymuly 1986 jyly týǵan.
E.Bóketov atyndaǵy Qaraǵandy memlekettik ýnıversıtetinde «Memlekettik jáne jergilikti basqarý» mamandyǵy boıynsha bilim alǵan.
«Bolashaq» baǵdarlamasyn Ulybrıtanııadaǵy Sheffıld ýnıversıtetinde «Basqarý jáne memlekettik saıasat» mamandyǵy boıynsha magıstr dárejesimen aıaqtaǵan.
QR Prezıdenti janyndaǵy Memlekettik basqarý akademııasynda «Bıznes jáne basqarý» mamandyǵy boıynsha bilim alǵan.
Eńbek jolyn Qaraǵandy oblysynyń ekonomıka basqarmasynda bas maman bolyp bastaǵan.
2011 — 2013 jyldary Qaraǵandy oblysy ákimi apparatynyń bas mamany.
Qaraǵandy oblysynyń Densaýlyq saqtaý jáne Kásipkerlik basqarmalarynda basshylyq qyzmetter atqarǵan.
2022-2024 jyldary QR Týrızm jáne sport mınıstrligi Týrızm ındýstrııasy komıteti tóraǵasynyń orynbasary boldy.
2024 jyldan búgingi kúnge deıin sol komıtettiń tóraǵasy bolyp qyzmet atqardy.
Ulytaý oblysy ákiminiń orynbasary retinde ekonomıka, qarjy, kásipkerlik jáne ónerkásip, memlekettik satyp alý, jumyspen qamtýdy úılestirý jáne áleýmettik baǵdarlamalar, densaýlyq saqtaý basqarmalaryna jetekshilik etedi.
Qazaqstan Respýblıkasy Prezıdenti Ákimshiliginiń kelisimimen, merıtokratııa qaǵıdatymen Túrkistan oblysy ákiminiń orynbasary laýazymyna Qaıypbek Qanat Ábdirazaquly taǵaıyndaldy.
Qaıypbek Qanat 1984 jyly Túrkistan oblysy Tólebı aýdanynda týǵan. Bilimi — joǵary. T.Rysqulov atyndaǵy Qazaq ekonomıkalyq ýnıversıtetin bitirgen.
Eńbek jolyn 2005 jyly Shymkent qalasyndaǵy Ońtústik Qazaqstan oblysynyń ekonomıka jáne bıýdjettik josparlaý departamentiniń kóshirý-kóbeıtý tehnıkalar bóliminiń meńgerýshisi bolyp bastaǵan.
2005-2009 jyldary osy departamenttiń syrtqy ekonomıkalyq baılanystar bóliminiń bas mamanynyń m. a., syrtqy ekonomıkalyq baılanystar bóliminiń bas mamany, sondaı-aq atalǵan departamenttiń jıyntyq-saraptamalyq bóliminiń bas mamany bolǵan.
2009-2013 jyldary Ońtústik Qazaqstan oblysynyń ekonomıka jáne bıýdjettik josparlaý basqarmasynyń aqparattyq tehnologııalar bóliminiń basshysy, aýyldyq aýmaqtardy damytý bóliminiń basshysy laýazymyn atqarǵan.
2013-2018 jyldary Ońtústik Qazaqstan oblysynyń ekonomıka jáne bıýdjettik josparlaý basqarmasy basshysynyń orynbasary qyzmetin atqarǵan.
2018-2019 jyldary Túrkistan oblysynyń ekonomıka jáne bıýdjettik josparlaý basqarmasy basshysynyń orynbasary, 2019-2020 jyly Túrkistan oblysynyń strategııa jáne ekonomıkalyq damý basqarmasy basshysynyń orynbasary, 2020-2021 jyldary Shymkent qalasy qurylys basqarmasy basshysynyń orynbasary bolǵan.
2021 jyldan beri Túrkistan oblysynyń ekonomıka jáne bıýdjettik josparlaý basqarmasy basshysy qyzmetin atqaryp keldi.
Qaıypbek Qanat oblys ákiminiń orynbasary retinde Kásipkerlik jáne saýda, Memlekettik satyp alý, Qarjy jáne memlekettik aktıvter, Ekonomıka jáne bıýdjettik josparlaý basqarmalarynyń jumystaryna jetekshilik etedi.
Eske sala keteıik, ótken aptada ishinde Prezıdent ákimshiliginde kadrlyq aýys-túıis, jergilikti jáne ortalyq atqarýshy organdarda da jańa taǵaıyndaýlar boldy.