Apta ishinde 30 orman órti tirkeldi – Ekologııa mınıstrligi
ASTANA. KAZINFORM – 2026 jylǵy 26 shilde men 2 tamyz aralyǵynda respýblıka boıynsha 30 orman órti tirkeldi, dep habarlaıdy QR Ekologııa mınıstrliginiń baspasóz qyzmeti.
Onyń ishinde:
- jergilikti atqarýshy organdarǵa qarasty orman sharýashylyǵy mekemelerinde – 21 órt;
- memlekettik orman qory jerlerinde – 9 órt.
Órt oshaqtary memlekettik orman kúzetiniń jerústi baqylaýy, RMQK «Qazavıaormanqorǵaý» kásipornynyń áýe patrýldeýi jáne orman órtterin erte anyqtaý júıeleri arqyly anyqtaldy.
-Órtti sóndirýge memlekettik orman kúzetiniń qyzmetkerleri, RMQK «Qazavıaormanqorǵaý» avıatsııasy men áýe órt sóndirý desanttary, sondaı-aq memlekettik orman kúzetiniń arnaıy kúshteri men quraldary jumyldyryldy. Qabyldanǵan jedel sharalardyń nátıjesinde órtterdiń taralýyna jol berilmeı, olar qysqa merzimde oqshaýlanyp, sóndirildi,-delingen habarlamada.
Orman órtteriniń aldyn alý – barshamyzdyń ortaq mindetimiz. Tabıǵat aıasynda demalý kezinde órt qaýipsizdigi talaptaryn qatań saqtaýǵa shaqyramyz.
Osyǵan deıin Baıanaýyl ulttyq parkinen órt shyqqany týraly jazdyq.
