Apta saıynǵy aýyl sharýashylyq jármeńkesinde taýar óndirýshiler 850 tonnaǵa jýyq ónim usynady
ASTANA. QazAqparat - Aldaǵy demalysta apta saıynǵy aýyl sharýashylyq jármeńkesine Jambyl, Atyraý jáne Batys Qazaqstan oblystarynyń taýar óndirýshileri qatysady. «Mega» SOO aldyndaǵy alańda ár óńirdiń taýar óndirýshileri 850 tonnaǵa jýyq aýyl sharýashylyq ónimin ákeledi.
Astana qalasy Aýyl sharýashylyq basqarmasynyń habarlaýynsha, áleýmettik mańyzy bar taǵam túrleri, atap aıtqanda, kartop, pııaz, qyzanaq, qııar jáne t.b. kókónis túrleri, et, balyq, kondıterlik ónimder satylady.
Azyq-túlik baǵasyn turaqtandyrý maqsatynda Astana qalasynyń ákimdigi ár apta saıyn jármeńkeler uıymdastyrady. Taýarlar naryqtyq baǵadan 15-20 paıyzǵa arzan satylady, dep habarlaıdy elorda ákimdiginiń resmı saıty.
Aıta keteıik, Astanada Qazaqstan óńirleriniń taýar óndirýshileriniń qatysýymen apta saıynǵy aýyl sharýashylyq jármeńkelerinen bólek, qazirgi tańda turaqty túrde Astana men Aqmola oblysynyń jármeńkesi ótýde. Jármeńke qalanyń úsh aýdanynda: «Almaty» aýdanynda - Abylaı han dańǵylynyń boıynda jáne B. Momyshuly dańǵylyndaǵy Oqýshylar saraıynyń kólik turaǵynyń aýmaǵynda, «Esil» aýdanynda Saýran kóshesinde HQKO janynda, «Saryarqa» aýdanynda - Bógenbaı batyr dańǵylyndaǵy «Kóktem» SO uıymdastyrylady.
