Apta saıyn koronavırýs juqtyrýdyń shamamen 2 mln oqıǵasy tirkeledi - DDU
DDU men búkil halyqaralyq qaýymdastyqtyń ınfektsııanyń taralýy men adamdardy ómirin qutqarýǵa baǵyttalǵan kúshi týraly sóz etken Tedros qazirgi kezde elderdiń shamamen birneshe túrli stsenarııge tap bolǵanyn málimdedi: keıbir elder vırýspen kúres jolyna tez túsip, órshýinen aman qaldy; keı elderde aýrý keńinen tarap, olar jaǵdaıdy baqylaýǵa ala almady, vırýspen áli kúres júrgizýde; vırýsty baqylaýǵa alǵan, alaıda shekteýlerdi álsiretýge baılanysty indet juqtyrý oqıǵalarynyń sany qaıtadan ósken elder bar; keıbir elder áli de ınfektsııa taralýynań qarqyndy fazasynda.
DDU basshysy álemniń barlyq aımaqtarynda jaǵdaıdy ózgertý eshqashan kesh emes ekenin qosyp ótti. Ol úshin tıimdi basshylyqty júzege asyryp, naqty ári jan-jaqty qamtylǵan strategııalardy ustaný, turǵyndarmen únemi baılanysta bolý qajet. Onyń aıtýynsha, árbir aımaqta elder vırýstyń taralýyn basýdyń ujymdyq josparyn jasap, ekonomıkalyq qyzmetin qalpyna keltire alǵan.
Osy dúısenbide DDU antıgen negizindegi birinshi ekspress testi tirkep, ony tótenshe jaǵdaı kezinde paıdalaný tizimine qosýdy keńes etti. Osyndaı testilerdiń 120 mıllıon danasyn tabysy tómen jáne ortasha elderge paıdalaný úshin jetkizip berýdi qamtamasyz etý sheshimi qabyldandy.
Tedrostiń málimdeýinshe, búgin DDU shuǵyl jaǵdaıda qoldanylatyn testiler tizimine engiziletin ekinshi antıgendi ekspress-testin maquldady.
«Bul testilerdi paıdalaný ońaı. Olardyń baǵasy tómenirek, jáne olar birneshe saǵat nemese kúnnen soń emes, shamamen 15-30 mınýtta senimdi qorytyndy shyǵarady», - dep tolyqtyrdy ol.
