Apta saıyn 400 adam qyzylsha juqtyryp jatyr - bas sanıtar
ASTANA. QazAqparat - Elimizde 1 sáýirden bastap qyzylshaǵa qarsy ekpe salý bastalady. Bul týraly búgin Úkimet otyrysynan keıin BAQ ókilderine elimizdiń bas sanıtar dárigeri Jandarbek Bekshın málim etti, dep habarlaıdy QazAqparat tilshisi.
«Qazirgi ýaqytta qyzylshaǵa qatysty ahýal burynǵy deńgeıde, apta saıyn shamamen 400 oqıǵa tirkelip otyr. 1 sáýirden espe salýǵa kirisemiz. Ol úshin 20 naýryzǵa deıin qyzylshaǵa, paratıt jáne qyzamyqqa qarsy úsh valentti vaktsına jetkiziledi. 478 myń doza alamyz. Ony eń birinshi kezekte balalarǵa salamyz. Sebebi aǵymdaǵy jyly ózgeshe ınfektsııa ekpe salatyn jasqa tolmaǵan 12 aılyq balalarǵa juǵyp jatyr. Biz ekpe salýdy 9 aıǵa jyljyttyq. Bul ǵylymı negizdelgen», - dedi ol.
Bas sanıtar dárigerdiń aıtýynsha, ekinshi kezekte naýqastarmen tikeleı jumys isteıtin dárigerlerge salynady.
«Vantsınanyń negizgi bóligi espe saldyrýdy qalaǵan adamdarǵa salynady», - dedi Bekshın.
Sonymen qatar, ol jazǵa qaraı vaktsınanyń qosymsha kólemi satyp alynatyndyǵyn atap ótti. Onyń dereginshe, 2018 jyldyń qarashasynan Qazaqstanda qyzylshamen aýrýdyń 4 myńnan astam deregi tirkelgen. Aýrǵan balalardyń 12 paıyz ata-analary ekpe saldyrmaı qoıǵan. Ekpe salynbaǵan balalardyń 60 paıyzy 12 aıǵa tolmaǵan sábıler, 32 paıyzy medıtsınalyq qarsy kórsetim bolǵannan keıin almaǵan.
