Apta premeralary: kınoteatrlarda qandaı jańa týyndylar kórsetiledi
ASTANA. KAZINFORM — Osy aptada kınoteatrlar repertýary ár janrdaǵy jańa týyndylarmen tolyqty. Kórermender bul joly álemge áıgili tulǵa týraly derekti fılmdi, shytyrman oqıǵaly jáne dramalyq kartınalardy, sondaı-aq fantastıkalyq janrdaǵy birneshe fılmdi tamashalaı alady. Kazinform tilshisi apta premeralaryna sholý usynady.
Leonardo. Bes ǵasyrdan keıin (Leonardo. Pıat vekov spýstıa)
Leonardo da Vınchıdiń sońǵy týyndysyn aıaqtaǵanyna bes ǵasyr ótse de, onyń murasy áli kúnge deıin adamzat órkenıetine yqpal etip keledi. Fılmde sýretshiniń shyǵarmashylyq joly men ǵylymı izdenisteri, ınjenerlik jobalary jáne Qaıta órleý dáýirine qosqan úlesi jan-jaqty baıandalady. Ónertanýshylar men ınjenerlerdiń pikirleri, sondaı-aq jasandy ıntellektiniń kómegimen júrgizilgen zertteýler arqyly Leonardo eńbekterine jańa kózqaras kórsetiledi. Kórermen Italııa men Frantsııadaǵy uly oıshyldyń izi qalǵan tarıhı oryndarǵa saıahat jasaıdy.
● Uzaqtyǵy: 90 mınýt
● QR premerasy: 2026 jylǵy 1 shilde
● Túsirgen el: Italııa, 2019
● Rejısser: Franchesko Invernıtstsı
298-reıs
Nıý-Orleannan Sıetlge bet alǵan 298-reıs kútpegen jerden tylsym oqıǵalardyń ortasyna túsedi. Jumbaq jaryqtar men joǵary týrbýlenttilikten keıin jolaýshylardyń basynan qorqynyshty jaǵdaılar óte bastaıdy. Olar borttaǵy belgisiz qubyjyqtan aman qalýǵa tyrysyp, shyndyq pen elestiń arasyn ajyrata almaı qalady.
● Uzaqtyǵy: 90 mınýt
● QR premerasy: 2026 jylǵy 2 shilde
● Túsirgen el: AQSh, 2026
● Rejısser: Stıven Kýeıl
Draıv
Jas jigit júrgizýshi mektebiniń kóligin urlap, dostarymen birge eldiń jartysyn kesip ótetin saparǵa attanady. Onyń jalǵyz maqsaty, kesh bolmaı turǵanda súıiktisine jetip, qarym-qatynastaryn saqtap qalý.
● Uzaqtyǵy: 102 mınýt
● QR premerasy: 2026 jylǵy 2 shilde
● Túsirgen el: AQSh, 2025
● Rejısser: Bobbı Farrellı
Shaqyrtý (Prıglashenıe)
Djo men Andjela qarym-qatynastaryna jańa serpin berý úshin olar kórshilerin keshki asqa shaqyrady. Alaıda jaı ǵana dastarqan basyndaǵy kezdesý kútpegen baǵytqa burylyp, kórshilerdiń tosyn usynysy tórt adamnyń ómirine ózgeshe synaq ákeledi.
● Uzaqtyǵy: 108 mınýt
● QR premerasy: 2026 jylǵy 2 shilde
● Túsirgen el: AQSh, 2026
● Rejısser: Olıvııa Ýaıld
Qorshaýda (Zahvat)
Azııa chempıony ári Olımpıadaǵa daıyndalyp júrgen jas boksshy Baısal kóshede qyzǵa arasha túsemin dep, eki adamnyń ólimine kúdikti bolady. Marqumdardyń biriniń ákesi kek alýǵa bel býǵan soń, Baısal ómir men ólimniń arasynda qalady. Endi ol tek erkindigin emes, óz ómirin de qorǵaýǵa májbúr.
● Uzaqtyǵy: 75 mınýt
● QR premerasy: 2026 jylǵy 2 shilde
● Túsirgen el: Qyrǵyzstan, 2026
● Rejısser: Azıret Abdraımov
● Dýblıaj: qazaq tilinde
● Sýbtıtrler: orys tilinde
Jyldamdyq jyny (Demon skorostı)
Zymyraǵan júrdek poıyzda jyn-shaıtan oıanady. Oǵan qarsy tura alatyn jalǵyz adam seniminen aıyrylǵan monah áıel bolady. Ol jyn qonǵan jolaýshyny qutqaryp úlgermese, poıyzdaǵynyń bárin ajal kútip tur.
● Uzaqtyǵy: 95 mınýt
● QR premerasy: 2026 jylǵy 2 shilde
● Túsirgen el: AQSh, 2026
● Rejısser: Djon Kııes
Tómennen tóngen qaýip (Ono prıhodıt snızý)
Izabel balalarymen birge arzan páterge kóship keledi. Alǵashynda jaıly kóringen jańa meken kóp uzamaı úreıli orynǵa aınalady. Uıqy qashyp, páter ishinde túsiniksiz qubylystar jıileıdi. Bir sumdyq dál edenniń astynda jasyrynyp jatqandaı áser qaldyrady.
● Uzaqtyǵy: 94 mınýt
● QR premerasy: 2026 jylǵy 2 shilde
● Túsirgen el: Ispanııa, 2025
● Rejısser: Krıstıan Bernard
Astral. Ekzortsıst qarǵysy (Astral. Proklıatıe ekzortsısta)
Taılandtaǵy eń iri katolık aýylynda qyryq jyldan keıin jyn qaıta oralyp, jurtty dúrliktiredi. Jyn shyǵarý rásimi nátıje bermegen soń, din qyzmetkeri ejelgi baqsymen kúsh biriktirip, zulymdyqqa qarsy kúresýge bel býady.
● Uzaqtyǵy: 120 mınýt
● QR premerasy: 2026 jylǵy 2 shilde
● Túsirgen el: Taıland, 2025
● Rejısser: Tavıvat Vantha
Shól balasy (Malchık ı lıs)
On tórt jastaǵy San atasynyń Sahara shólinde túıequstardyń arasynda ósken Hadar týraly áńgimesine súıenip kitap jazady. Keıin ol ańyzdyń aqıqatyn anyqtaý úshin shólge attanýǵa bel býady. Sebebi bul oqıǵanyń shyndyqqa janasýy múmkin ekenine senimdi.
● Uzaqtyǵy: 92 mınýt
● QR premerasy: 2026 jylǵy 2 shilde
● Túsirgen el: Frantsııa, Belgııa, 2026
● Rejısser: Jıl de Metr
Ótken aptadaǵy kınopremeralar tizimin osy jerden kóre alasyzdar.
