Apta munaı baǵasynyń tómendeýimen bastaldy
ALMATY. KAZINFORM – Álemdik munaı qaıtadan arzandap jatyr.
5 qazan boıynsha Brent markaly munaı fıýchersteri barreline 101,43 dollar boldy. Baǵa 0,82 dollarǵa nemese 0,80%-ǵa tómendedi.
Oilprice málimetinshe, WTI munaıy 1,21%-ǵa arzandap, barreline 90,01 dollar boldy.
Reseıdiń Urals munaıynyń baǵasy barreline 105,55 dollar bolyp, 1,07%-ǵa tómendedi.
G7 elderiniń álemdik energetıkalyq naryqty turaqtandyrý maqsatynda strategııalyq qorlardan 100 mln barrel munaı men munaı ónimderin bosatý týraly sheshimi baǵaǵa áser etip otyr. Sheshim jetkizilimderdi jaqyn arada bastaýdy kózdeıdi jáne baǵdarlama tórt aıǵa eseptelgen.
Buǵan deıin munaı baǵasy apta qorytyndysynda barreline $102-den joǵary deńgeıde qalyptasqanyn jazdyq.
