Apta ishinde jasalǵan 1 myń 850 qylmystyń 1 myń 453-niń izi sýymaı ashyldy - aptalyq brıfıng
ASTANA. Aqpannyń 10-y. QazAqparat /Aıdar Ospanalıev/ - Ótken aqpannyń 1-i men 7-si aralyǵynda respýblıkada 1 myń 850 qylmys tirkelip, olardyń 1 myń 453-niń izi sýymaı ashyldy. Sondaı-aq taǵy 398 buryn jasalǵan qylmystar ashylyp, izdeýde júrgen 79 kúdikti qolǵa túsken. Al tárkilengen atys qarýlarynyń sany 7-i. Bul týraly búgin jýrnalıstermen bolǵan aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti,
dep habarlaıdy QazAqparat.
Onyń derekterine qaraǵanda, ótken aptada respýblıkada esirtkimen baılanysty 158 qylmys anyqtalǵan. Onyń 56-sy esirtkini saýdalaýǵa qatysty bolyp otyr. Zańsyz aınalymnan 15 kılá esirtki alyndy. Onyń 1 kılási geroın, al 2 kılási gashısh. «Batys jelilik Іshki ister departamentiniń qyzmetkerleri ıisshil ıttiń kómegimen júrgizilgen izdestirý jumystarynyń barysynda «Bishkek-Máskeý» baǵytynda ketip bara jatqan jolaýshylar poıyzynan Reseıdiń áıel azamatyn ustap, odan 935 gramm geroın men 2,7 kılá gashısh tapty. Ustalǵan áıeldiń sózine qaraǵanda, ol Qyrǵyzstan memleketinen shyǵyp, Reseıdiń Samara qalasyna jetýi tıis bolatyn. Samarada ony kútip alýy qajet edi. Atalmysh oqıǵa boıynsha qylmystyq is qozǵaldy. Al Aqmola oblystyq Uıymdasqan qylmyspen kúres basqarmasynyń qyzmetkerleri aldyn al tergeý oryndarynda jatqan tanysyna 350 gramm marıhýana jibermek bolǵan Kókshetaý qalasynyń 25 jasar turǵynyn ustady. Ol esirtkini qamaýda jatqan azamatqa ákelgen shaı qorapshasynyń astyna jasyryp jibermek bolǵan», dedi departament bastyǵy.
