Apta ishinde elordada jolda júrý erejelerin buzýdyń 5,5 myń oqıǵasy tirkeldi
ASTANA. 19 tamyz. QazAqparat - Apta ishinde elordada Jol polıtsııasy basqaramasynyń qyzmetkerleri jolda júrý erejelerin buzýdyń 5,5 myń oqıǵasyn anyqtady. Bul týraly Astana qalalyq Jol polıtsııasy basqarmasynyń baspasóz qyzmeti habarlady.
«Apta ishinde elordada Jol polıtsııasy basqaramasynyń qyzmetkerleri jolda júrý erejelerin buzýdyń 5,5 myń oqıǵasyn anyqtady. Onyń ishinde 68 júrgizýshi kólikti mas kúıinde júrgizgeni úshin, 311 júrgizýshi jyldamdyqty shamadan tys asyrǵany úshin, 341 adam qaýipsizdik beldigin qoldaný erejelerin buzǵany úshin, 623 adam basyp ozý, manevr jasaý erejelerin buzǵany úshin, sondaı-aq 658 júrginshi joldyń belgilenbegen bóligimen ótkeni úshin ustaldy», delinedi habarlamada.
Ótken aptada Astanada 15 jol-kólik oqıǵasy tirkelgen. Saldarynan 16 adam túrli jaraqattar aldy.
