Apta ishinde elimizde 7 203 qylmys tirkeldi - IIM
ASTANA. 11 qyrkúıek. QazAqparat - Apta ishinde respýblıkada 7 203 qylmys tirkeldi. Bul týraly búgin baspasóz máslıhatynda QR Ishki ister mınıstrliginiń resmı ókili Nurdildá Oraz málim etti.
"Apta ishinde 7 203 qylmys tirkelse, «izi sýymaı» 3 105 qylmystyń beti ashyldy. Buryn jasalǵan 734 qylmys, onyń ishinde ótken jyldar sanatyndaǵy 26 qylmys ashyldy. Іzdeý jarııalanǵan 88 qylmysker ustalyp, 2 dana qarý tárkilenip alyndy", - dedi resmı ókil.
Onyń habarlaýynsha, esirtkiniń zańsyz aınalymyna baılanysty 56 qylmys anyqtalǵan, onyń ishinde 29 qylmys satý faktisine qatysty bolyp otyr. 50 keliden astam esirtki zaty, sondaı-aq, 340 gramǵa tarta geroın tárkilenip alyndy.
