Apta ishinde elimizde 3446 qylmys jasaldy - ІІM
ASTANA. 31 tamyz. QazAqparat /Qanat Mámetqazyuly/ - Ótken apta ishinde elimizde 3446 qylmys jasaldy. Onyń ishinde 1986 qylmys «izi sýymaı»,
sondaı-aq buryn jasalǵan 589 qylmys ashyldy. Bul týraly búgin Іshki ister mınıstrliginde ótken dástúrli baspasóz máslıhaty barysynda ІІM baspasóz hatshysy Nurdildá Oraz málim etti.
Keltirilgen málimetterge súıensek, 175 qylmysker izdestirilip, tabylǵan, 22 birlik qarý alynypty. Sonymen qatar, esepti merzim ishinde 72 esirtki qylmysy, onyń ishinde 30 esirtki satý faktisi anyqtaldy. 550 keli esirtki tárkilengen.
«Almaty qalasy ІІD Krımınaldyq polıtsııa qyzmetkerleri jedel izdestirý is-sharalary barysynda Ońtústik Qazaqstan oblysy Arys qalasynyń 21 jastaǵy jergilikti turǵynyn ustady. Ol aǵymdaǵy jylǵy tamyz aıynyń ortasynda qasaqana Almaty qalasynyń 31 jastaǵy turǵynyn óltirgeni úshin izdestirýde júrgen.
Kúdiktiniń jábirlenýshiniń jıeni ekeni anyqtaldy. Aqsha urlaý maqsatynda ol óziniń aǵasyna kelip ony pyshaqtap óltirgen. Sodan keıin úıden 3,5 myń AQSh dollaryn urlap qashyp ketken.
Ustalǵan azamat qamalyp, odan zattaı aıǵaqtar - pyshaq pen urlanǵan aqshanyń jarty somasy alyndy. Kisi óltirý faktisi boıynsha aldyn ala tergeý júrgizildi», - deıdi N. Oraz.
