Apta ishinde el aýmaǵynda 96 keli esirtki tárkilendi - ІІM
ASTANA. Sáýirdiń 7-si. QazAqparat /Jasulan Amanbaıuly/ - Qaraǵandy-Astana tas jolynda Mersedes kóliginiń ıesinen 230 gramm geroın tabyldy.
Bul týraly búgin jýrnalısterge brıfıng barysynda ІІM Til saıasaty jáne aqparat departamentiniń bastyǵy Qýanyshbek Jumanov aıtty, dep habarlaıdy QazAqparat.
25 jastaǵy astanalyq bul esirtkiniń aýyr túrin elordada satpaq bolǵan. Jalpy, apta ishinde esirtki qylmysyna qarsy kúres jelisi boıynsha 166 qylmys tirkelgen. Sonyń ishinde esirtki satý faktisi boıynsha 42 oqıǵa anyqtaldy. Zańsyz aınalymnan 96 keli esirtki zattary alyndy.
El aýmaǵynda 1849 qylmys tirkeldi.Onyń ishinde 1426 qylmystyń izi sýymaı áshkerelense, buryndary jasalǵan qylmystardyń 296-ynyń beti ashyldy. Qylmysqa qatysy bar degen sezikpen 129 kúdikti ustaldy, 8 atys qarýy tárkilendi.
