Apta ishinde Astanada jol-kólik apattarynda 20 adam japa shekti
ASTANA. 9 shilde. QazAqparat - Apta ishinde Astana qalasynda 16 jol-kólik oqıǵasy tirkelip, onda 20 adam japa shekti. Bul týraly Astana qalasy Jol polıtsııasy basqarmasynyń baspasóz qyzmeti habarlady.
«Jol-kólik apattary eń kóp tirkelgen kúnderdiń biri senbi boldy. Ol kúni 5 apat oryn alyp, 5 adam túrli jaraqattar alǵan», - delinedi habarlamada.
Jalpy jol polıtsııasynyń qyzmetkerleri apta ishinde jolda júrý erejelerin buzýdyń 3,5 myńnan astam faktilerin tirkegen, sonyń ishinde rólge mas kúıinde otyrǵan 61 júrgizýshi ustaldy. Jyldamdyqty asyrǵany úshin - 210, qaýipsizdik beldigin taqpaǵany úshin - 170, jaıaý júrginshilerdi ótkizbegeni úshin - 44, jolǵa qoqys tastaǵany úshin - 407 júrgizýshige jáne belgilenbegen tustan ótken 289 jaıaý júrginshige ákimshilik hattamalar toltyrylǵan.
