Apta ishinde 76 esirtki qylmysy áshkerelenip, 15 keli esirtki tárkilendi
ASTANA. 13 sáýir. QazAqparat - Apta ishinde 76 esirtki qylmysy áshkerelenip, 15 keli esirtki tárkilendi, dep habarlady QR Іshki ister mınıstrliginiń baspasóz qyzmetinen.
Vedomstvonyń atap ótýinshe, 1 apta ishinde 74 esirtki qylmysy, onyń ishinde 38 esirtki satý faktisi anyqtaldy. 15 keliden astam esirtki tárkilense, onyń jarty keliden astamy esirtkiniń eń aýyr túri geroın bolyp otyr.
Máselen, Almaty qalasy ІІD-niń qyzmetkerleri arnaıy is-sharalardy ótkizý barysynda Ózbekstan Respýblıkasynyń 20 jastaǵy azamatyn quryqtady. Tekserý kezinde odan satýǵa arnalǵan 300 grammǵa jýyq geroın tárkilendi. Qazirgi ýaqytta esirtkini jetkizý arnasyn anyqtaýǵa baǵyttalǵan keshendi arnaıy is-sharalar júrgizilýde.
