Apta ishinde 6542 qylmys tirkeldi - N. Oraz
ASTANA. 13 maýsym. QazAqparat - Apta ishinde 6542 qylmys tirkelip, 3582-niń «izi sýymaı» ashyldy.
Bul týraly búgin QR Іshki ister mınıstrliginde ótken dástúrli brıfıng barysynda vedomstvo baspasóz qyzmetiniń basshysy Nurdildá Oraz málim etti.
Onyń aıtýynsha, ótken apta barysynda buryn jasalǵan 766, onyń ishinde ótken jyldardaǵy 133 qylmys ashylǵan. Budan bólek izdeý jarııalanǵan 91 qylmysker tabyldy. Zańsyz qoldanystaǵy 5 qarý alynǵan. «63 esirtki qylmysy anyqtaldy. Onyń ishinde esirtki satýdyń 19 faktisi ashyldy. 3 tonnadan astam esirtki zattary men 161 gramm geroın tárkilendi», - deıdi N. Oraz.
