Apta ishinde 65 esirtki qylmysy áshkerelenip, 76 keli esirtki tárkilendi - ІІM
ASTANA. 6 sáýir. QazAqparat - Apta ishinde 65 esirtki qylmysy áshkerelenip, 76 keli esirtki tárkilendi, dep habarlady QR Іshki ister mınıstrliginiń baspasóz qyzmetinen.
Vedomstvonyń atap ótýinshe, 1 apta ishinde 65 esirtki qylmysyna qatysty fakti anyqtalsa, onyń 27-si esirtki satý isine qatysty boldy. Tárkilengen esirtki zatynyń jalpy salmaǵy 76 kelini quraıdy, onyń 6,5 kelisi - geroın.
Máselen, esirtki bıznesimen kúres jónindegi bólimsheniń qyzmetkerleri júrgizgen arnaıy is-shara barysynda Qostanaı oblysyna qarasty Zatobol eldi mekeninde «Mersedes» kóligin basqarǵan 34 jastaǵy jergilikti turǵyn ustaldy. Onyń kóligin tekserý barysynda artqy oryndyqtan satýǵa arnalǵan 7 keli 722 gramm gashısh tabylyp, tárkilendi. Sondaı-aq Almaty qalasyndaǵy avtoturaqtardyń birinen Shý qalasynan kelgen 22 men 30 jas aralyǵyndaǵy Jambyl oblysynyń 4 azamaty ustaldy. Olardyń «Aýdı-100» markaly kólikterin tintý barysynda 5 keli 224 gramm esirtki tabyldy.
