Apta ishinde 6 myńnan astam qylmys tirkeldi - QR ІІM
ASTANA. 10 sáýir. QazAqparat - Qazaqstanda ótken apta ishinde 6 139 qylmys tirkeldi, onyń 2 216-sy «izi sýymaı» ashyldy.
Bul týraly QR ІІM baspasóz qyzmetiniń málimetterinde habarlanǵan.
Atap aıtqanda, buryn jasalǵan 683 qylmys, onyń ishinde ótken jyldar sanatyndaǵy 99 qylmys ashyldy. Іzdeý jarııalanǵan 68 qylmysker ustalyp, 16 dana qarý tárkilenip alyndy. Esirtkiniń zańsyz aınalymyna baılanysty 48 qylmys anyqtaldy, sonyń 35 - satý faktisi. 13 keliden asa esirtki zaty, onyń ishinde 10 keliden astam geroın tárkilenip alyndy.
