Apta ishinde 3448 qylmys tirkelip, onyń 2042-si izi sýymaı ashyldy
ASTANA. 16 qarasha. QazAqparat /Marlan Jıembaı/ - Apta ishinde 3448 qylmys tirkelip, onyń 2042-si izi sýymaı ashyldy. Bul týraly búgin aptalyq brıfıngte QR Іshki ister mınıstrliginiń resmı ókili Nurdildá Oraz málim etti.
«Apta ishinde 3448 qylmys tirkelip, «izi sýymaı» 2042 qylmys ashyldy. Buryn jasalǵan 581 qylmys, onyń ishinde ótken jyldar sanatyndaǵy 19 qylmys ashyldy. Іzdeý jarııalanǵan 88 qylmysker izdestirilip, tabyldy. 5 qarý alyndy. Esirtkiniń zańsyz aınalymyna baılanysty 42 qylmys anyqtaldy, onyń ishinde 18 satý faktisi. 8,5 keliden asa esirtki zaty alyndy», - dedi ol.
Máselen, Qostanaı qalasynyń polıtsııa qyzmetkerleri jedel izdestirý is-sharalary kezinde taksı júrgizýshisine qaraqshylyq shabýyl jasap, avtomashınany ıelenip ketken qaladaǵy tehnıkalyq lıtseıdiń birinshi kýrs stýdentin «izin sýytpaı» qolǵa túsirgen. Ustalǵan stýdenttiń jeke taksomotorlyq kompanııaǵa tıesili «Folksvagen-Golf» avtomashınasyna jolaýshy retinde otyryp, taksı júrgizýshisin ańshy sholaq myltyqpen qorqytyp, avtomashınasyn ıelenip jasyrynyp ketkeni anyqtalǵan.
«Kúdiktini qolǵa túsirý úshin «Tutqyndaý» jospary engizildi. Іzin sýytpaqshy bolǵan kúdikti qashyp júrgende jol-kólik apatyn jasap, sol jerde polıtsııa qyzmetkerleriniń qolyna tústi. Sholaq myltyq aıǵaq zat retinde tárkilendi. Ustalǵan adam ýaqytsha oqshaýlaý ornyna qamaldy jáne osyǵan uqsas ashylmaǵan qylmystarǵa qatystylyǵy tekserilýde», - dedi resmı ókil.
