Apta ishinde 3277 qylmys izi sýymaı ashyldy - QR ІІM
ASTANA. 20 jeltoqsan. QazAqparat - Apta ishinde 5819 qylmys tirkelip, «izi sýymaı» 3277 qylmystyń beti ashyldy.
Buryn jasalǵan 816, onyń ishinde ótken jyldardaǵy 28 qylmys ashyldy. Bul týraly búgin QR ІІM baspasóz qyzmeti habarlady.
Atalaǵan merzimde izdeý jarııalanǵan 162 qylmysker izdestirilip, tabyldy. 14 birlik qarý-jaraq tárkilendi. 47 esirtki qylmysy anyqtaldy, onyń ishinde 14 satý faktisi. 73 keliden astam esirtki tárkilendi, onyń ishinde 230 gramy - geroın.
Budan bólek Qazaqstan Respýblıkasynyń Táýelsizdigi kúni qarsańynda kósheler men qoǵamdyq oryndarda tıisti quqyqtyq tártipti saqtaý, qylmystyń aldyn alý maqsatynda «Quqyqtyq tártip» jedel-profılaktıkalyq is-sharasy aıaqtaldy.
Іs-shara nátıjesinde 2435 qylmys tirkeldi, onyń ishindegi 283 qylmystyq qoǵamdyq oryndarda, 76-si kóshelerde jasalǵan, 104 esirtki qylmysy anyqtaldy, 48 kelige jýyq esirtki zattary tárkilendi. Zańsyz saqtalǵan 173 birlik qarý tárkilendi. 10,5 myń ákimshilik quqyq buzýshylyq tirkeldi.
Qazaqstan Respýblıkasyna kelip-ketý erejesin buzǵany úshin 1358 shetel azamaty ákimshilik jaýapqa tartyldy, onyń ishinde 60-y - alys shetel azamaty jáne 1298 TMD azamattary.
