Apta ishinde 3 myńnan astam qylmys jasaldy - ІІM

NUR-SULTAN. QazAqparat – Apta ishinde elimizdiń aýmaǵynda 3 myńnan astam qylmys jasaldy. Bul týraly QR ІІM baspasóz qyzmetiniń ókili Shuǵyla Turlybek aıtty, dep habarlaıdy QazAqparat tilshisi.

«Bir apta ishinde 3 198 qylmys jasaldy. Onyń 1 933-i táýlik ishinde ashyldy. Polıtsııa qyzmetkerleri izin sýytpaı 14 kisi óltirýdi, 10 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 29 tonaý jáne 424 urlyq qylmystaryn ashty», - dedi ol mınıstrlikte ótken aptalyq brıfıng barysynda.

Sonymen qatar vedomstvo ókili Іshki ister mınıstrligi eskertý SMS-habarlamasyn jiberýdi jalǵastyryp jatqanyn eske saldy.

«Bul ınternet-alaıaqtyqtyń aldyn alýǵa baǵyttalǵan. Eger sizge belgisiz adamdar qońyraý shalyp, nesıe nemese aqsha aýdarymdary týraly aıtatyn bolsa, tutqany qoıa salyńyz. Senimdilik úshin bankke habarlasyp, naqtylańyz. Eger alaıaqtarǵa aldanǵan bolsańyz, dereý polıtsııaǵa habarlasyńyz», - dedi Shuǵyla Turlybek.