Apta ishinde 2334 qylmystyń izi sýymaı ashyldy - ІІM
ASTANA. 29 aqpan. QazAqparat - Ótken bir apta ishinde elimizde 4196 qylmys tirkelip, «izi sýymaı» 2334 qylmys ashyldy.
Bul týraly búgin Іshki ister mınıstrliginde ótken dástúrli baspasóz máslıhaty barysynda atalmysh vedomstvonyń resmı ókili Nurdildá Oraz málim etti.
Onyń aıtýynsha, osy aptada buǵan deıin jasalǵan 733 qylmys, onyń ishinde ótken jyldar sanatyndaǵy 210 qylmys ashylǵan. «Іzdeý jarııalanǵan 115 qylmysker quryqtaldy. Zańsyz saqtalǵan 4 qarý alyndy. Esirtkiniń zańsyz aınalymyna baılanysty 126 qylmys anyqtaldy. Onyń ishinde 60-y satý faktisi boıynsha tirkelip otyr. Nátıjesinde zańsyz aınalymnan 64 kelige jýyq esirtki zat alyndy», - deıdi N. Oraz.
Sonymen qatar, resmı ókil jeke tulǵaǵa qarsy jasalǵan qylmystarǵa toqtala kele, jaqynda Shyǵys Qazaqstan oblysynyń polıtseıleri jedel-izdestirý is-sharalaryn ótkizip, «izin sýytpaı» adam óltirgen degen kúdikpen 19 jáne 20 jastaǵy eki jergilikti turǵyndy quryqtaǵanyn atap ótti. «Al Almaty oblysynyń polıtseıleri Talǵar aýdanynyń 30 jastaǵy turǵynyn óltirý qylmysyna qatysty bolǵany úshin izdeý salynǵan 21 jastaǵy qala turǵynyn Máskeý qalasynan ushyp kelgen jerinen Almaty qalasynyń áýejaıynda qolǵa túsirdi», deıdi N. Oraz.
