Apta basynda Astanada jańbyr jaýady
ASTANA. 9 qyrkúıek. QazAqparat - Astanada aptanyń basy jaýyn-shashyndy bolady. Bul týraly astana.kz saıtyna «Qazgıdromet» RMK habarlady.
Aldaǵy kúnderi kún qubylmaly bolady, jańbyr jaýady, kún kúrkireıdi. Aýa temperatýrasy túnde +11+14°C, kúndiz +19+24°C deńgeıine jetedi.
«Dúısenbi kúni Astanada kún ala bultty, túnde jáne tańerteń ótkinshi jańbyr jaýady, kún kúrkireıdi. Ońtústik-shyǵystan soltústik-batysqa aýysyp 9-14 m/s jyldamdyqpen jel soǵady. Aýa temperatýrasy túnde +12+14°C, kúndiz +22+24°C bolady», - delingen Qazgıdromet málimetinde.
Seısenbi kúni elordada kún ala bultty, túnde ótkinshi jańbyr jaýady, kún kúrkireıdi. Soltústik-batystan 9-14 m/s jyldamdyqpen jel soǵady. Túnde aýa temperatýrasy +11+13°C, kúndiz +21+23°C bolady.
Aptanyń ortasynda kún ala bultty, kúndiz azdap jańbyr jaýady, kún kúrkireıdi. Shyǵystan 9-14 m/s jyldamdyqpen jel soǵady. Aýa temperatýrasy túnde +11+13°C, kúndiz +19+21°C bolady.
