Apta basynda aıaz 30 gradýsqa deıin kúsheıip, kóktaıǵaq bolady

ASTANA. KAZINFORM — Qazıdromet sınoptıkteri 23-25 qańtar aralyǵyna arnalǵan úsh kúndik aýa raıy boljamyn jarııalady. 

Aldaǵy úsh kúnde respýblıkanyń búkil batys jartysyna Batys antıtsıklon áser etedi.

Saldarynan jaýyn-shashynsyz aıazdy aýa raıy saqtalady. 

Al eldiń qalǵan aımaqtary ońtústik tsıklon jáne soǵan baılanysty atmosferalyq fronttar yqpalynda bolady.

Sondyqtan qar aralas jańbyr jaýady. Kóktaıǵaq, tuman jáne boran soǵyp, jel kúsheıedi.

Túnde eldiń batysynda aýa temperatýrasy — 22-30 aıazǵa deıin, soltústik-batysta — 20-30 aıazǵa deıin, soltústikte, ortalyqta jáne shyǵysta — 7-18 aıazǵa deıin álsireıdi.

Ońtústikte mınýs 5 pen plıýs 5 arasynda bolady, ońtústik-shyǵysta temperatýra 0-10 gradýs aıazǵa deıin kóteriledi.