Apta afıshasy: kınoteatrlarda qandaı jańa fılmder shyqty
ASTANA. KAZINFORM — Bul aptada kınoteatrlarda birneshe jańa fılmniń tusaýy kesiledi. Olardyń qatarynda shytyrman oqıǵaǵa negizdelgen otandyq kartına bar. Sondaı-aq kórermen nazaryna sheteldik jańa fılmder usynylady.
Kazinform tilshisiniń sholýynda osy aptadaǵy eń basty kınopremeralardy usynamyz.
Kollaj: Kazinform / Kinopoisk.ru
7 qaraqshy
Janry: ekshn, shytyrman oqıǵa
Uzaqtyǵy: 120 mınýt
El: Qazaqstan, 2026
Rejısser: Kýanysh Beısek
1978 jyl. Dinmuhamed Qonaev jeti kásibı qylmyskerdiń basyn qosyp, olarǵa asa qaýipti qupııa mıssııa tapsyrady: ıadrolyq detonatordy urlap, Semeı polıgonyndaǵy eń joıqyn jarylystyń aldyn alý. Bar aıla-tásili men qylmystyq sheberligin iske qosqan «7 Qaraqshy» eldiń bolashaǵy sheshiletin mıssııaǵa attanady.
Bári de mahabbat týraly, (Vse fılmy tolko o lıýbvı)
Janry: drama, mahabbat hıkaıasy
Uzaqtyǵy: 120 mınýt
El: KSRO, Frantsııa, Japonııa, 1960-2020
Oleg Boretskııdiń kınoklýby ómirdegi jáne kınodaǵy mahabbat týraly túsinikterdi talqylaıdy. Paskaldiń sózimen aıtqanda, mahabbat eleske uqsaıdy: ol týraly bári aıtady, biraq ony eshkim kórgen emes. Sońǵy 100 jyl ishinde mahabbat týraly túsinigimiz qalaı ózgerdi?
Leverents. Qudiretti qarańǵylyq, (Leverents. Bojestvennaıa tma)
Janry: derekti fılm, ómirbaıan, óner
Uzaqtyǵy: 70 mınýt
El: Shvetsııa, 2024
Rejısser: Sven Blýme
Sıgýrd Leverents — Shvetsııanyń eń tanymal sáýletshileriniń biri. Onyń ǵımarattary zamanaýı sáýlet úlgileri retinde baǵalanady, al shyǵarmalary mektepterde áli de oqytylady. Leverents modernıst sáýletshi bolǵanymen, stılge de erekshe mán bergen. Ol qurylys júıeleriniń túrli tásilderin jetik meńgerip, jobalarynyń eń usaq bólshekterine deıin ózi qadaǵalaǵan. Osy ereksheligi úshin ony «skandınavııalyq Gaýdı» dep ataǵan. Buǵan deıin jarııalanbaǵan muraǵattyq beıne jáne aýdıojazbalarǵa negizdelgen bul derekti fılm Sıgýrd Leverentstiń ómiri men eń mańyzdy týyndylary týraly baıandaıdy.
Mejeli meken. Ólim qoly, (Pýnkt naznachenııa. Rýka smertı)
Janry: horror
Uzaqtyǵy: 112 mınýt
El: Taıvan, 2026
Rejısser: Aleks Van
Bir top dos kez kelgen tilekti oryndaıtyn erekshe qol alysý rásimi týraly estıdi. Onyń shynymen jumys isteıtinin teksermek bolǵan olar qaýipti oıynnyń bastalýyna sebep bolady. Sodan keıin dostardyń árqaısysyn ólim kezekpen ańdı bastaıdy. Eń qorqynyshtysy — ólim olardy ár joly kútpegen ári qatygez tásilmen tabady.
Ýaqyt materııasy, (Materııa vremenı)
Janry: qylmys, trıller, fantastıka
Uzaqtyǵy: 89 mınýt
El: Avstralııa, 2025
Rejısser: Maıkl O’Helloran
Ǵaryshqa ushýǵa múmkindik beretin qozǵaltqysh jasap jatqan ǵalymdar toby sátsiz tájirıbeden keıin qarjylandyrýdan aıyrylady. Alaıda olar zertteýlerin toqtatpaı, jobany óz kúshterimen jalǵastyrýǵa sheshim qabyldaıdy. Maqsattaryna jetý úshin zańsyz áreketterge barǵan ǵalymdar endi álemdi qutqarý men ózderi tańdaǵan joldyń arasynda qalady. Ǵylym úshin zańdy buzýǵa bola ma?
Ivan ertegige qalaı tap boldy? , (Kak Ivan v skazký popal)
Janry: shytyrman oqıǵa, komedııa, fentezı
Uzaqtyǵy: 110 mınýt
El: Reseı, 2026
Rejısser: Alekseı Nýjnyı
Ivan Dobrynın orys ertegilerin unatpaıdy, tipti olardyń bar ekenine de senbeıdi. Bir kúni ol kezdeısoq sıqyrly sandyqqa túsip, ertegiler álemine tap bolady. Úıine qaıtý úshin Ivanǵa túrli tylsym kúshtermen betpe-bet kelip, jańa dostar tabýǵa jáne naǵyz erlik jasaýǵa týra keledi.
Kek alýshylar: Sońǵy shaıqas. Keńeıtilgen nusqa, (Mstıtelı: Fınal. Rasshırennaıa versııa)
Janry: ekshn, shytyrman oqıǵa, drama, fantastıka
Uzaqtyǵy: 186 mınýt
El: AQSh, 2026
Rejısser: Entonı Rýsso, Djo Rýsso
Tanostyń qolynan jeńilgennen keıin Kek alýshylardyń az ǵana bóligi tiri qalady. Endi olar bolǵan jaǵdaıdy ózgertip, álemdi qutqarýdyń jolyn tabýy kerek. Ol úshin Kek alýshylar men olardyń odaqtastary jańa jospar qurady. Biraq burynǵy shaıqastyń zardabynan keıin bul joly olardyń qatelesýge múmkindigi joq.
Florıst
Janry: ekshn, trıller
Uzaqtyǵy: 98 mınýt
El: Italııa, Ulybrıtanııa, 2026
Rejısser: Babak Nadjafı
Tynysh ómir súrip, baǵban bolyp júrgen er adamnyń eshkim bilmeıtin syry bar: ol — jaldamaly óltirýshi. Polıtsııadaǵy jemqorlyqqa kýá bolǵan adammen kútpegen jerden dostasyp ketkende, onyń shyn bolmysy ashylyp qalý qaýpi týady.
Ań júregi, (Serdtse zverıa)
Janry: ekshn, shytyrman oqıǵa, drama, trıller
Uzaqtyǵy: 96 mınýt
El: AQSh, 2026
Rejısser: Devıd Eır
Ushaq apatynan keıin arnaıy jasaq ofıtseri men onyń qyzmettik ıti Alıaskanyń qalyń ormanynda qalyp qoıady. Aınalada adam joq. Aıaz ben jabaıy tabıǵat olardyń ómirine qaýip tóndiredi. Ekeýi aman qalý úshin bar kúshin salýǵa májbúr.
Zulymdyq mekeni, (Obıtel zla)
Janry: ýjas
Uzaqtyǵy: 90 mınýt
El: AQSh, Germanııa, 2026
Rejısser: Zak Kregger
Kýrerge shalǵaıdaǵy aýrýhanaǵa sálemdeme jetkizý tapsyrylady. Alaıda ol aýrýhanada belgisiz vırýstyń taralǵanyn baıqaıdy. Endi kýrer mýtant jaratylystardyń shabýylynan aman qalý úshin kúresýge májbúr.
Ótken aptadaǵy kınopremeralar tizimin osy jerden kóre alasyzdar.
