Apple júrgizýshisiz, ózdiginen júretin avtomobıl jasap jatyr
ASTANA. QazAqparat - AQSh-tyń Apple kompanııasy avtomatty túrde basqarylatyn júıesi bar kólik shyǵarýǵa nıetti. Bul týraly brıtandyq The Gardian gazeti jazdy.
Basylymnyń málimetteri boıynsha, Apple «aqyldy» kóliktiń alǵashqy modelin synaqtan ótkizip jatyr. Alaıda bul jaıt qupııada saqtalyp otyr. Synaqtar San-Frantsısko mańyndaǵy burynǵy áskerı bazada ótýi tıis. Ol jerde buryn Mercedes-Benz pen Honda kólikteri synalǵan eken.
The Gardian redaktsııasynyń qolyna «Project Titan» degen qupııa atqa ıe bolǵan júrgizýshisiz avtomobıl jobasyn júzege asyryp jatqan ınjenerlerdiń hattary túsken. Bul osyndaı kólikterdiń qurylatyny jónindegi alǵashqy qujattar bolsa kerek.
Ázirge Apple eshqandaı túsinikteme bermeı otyr.
